1 Ịsamụwẹrị 28:5 - IWE ỌNỊNỊ

⁵ Ịsọọrụ mè re isoja Anihwirisiti, angwa ee hí ọ, ẹngụ anị ọ sị sụ ẹgahị.

1 Ịsamụwẹrị 28:5 Referans Kwoze

Ịdanịyẹrị 5:6

Ịjị ohinọyị vavọọ re e dị ẹngụ anị sị và hí nị. Dị ayị aa hụrẹ ẹ ịnẹ, dị ahụ anị aa dọ ẹgahị pàpàpà nị.

Ayịsaya 7:2

Dị a vana kà a yị anovwoovu Idevidi, dị a ka Aramị ọnịrị Ehwireemi ẹ sị vabẹ o. Ahazi ọnịrị aza anị mẹ̀ wụ́ ọ, ẹnịnị aa da ẹgahị angwa mèe hí wa, dị ẹ yaa banyị anka ahị mèe henyi ọchị ene hi ini iriku avọọ nị.

Ụhịrẹyị 10:24

Ịsa ọnị ọza odivi e hí angwa anị oo tụ́ ọ nị, ama Ẹnẹyịmavara vị ana a mẹ̀ ịsa ọnị ọnịzẹyịza e si.

Ahẹ Ụgama 73:19

Ịjị a naa kà ẹẹva, wa sị wa wụ̀ va ha. Oze odivi ẹhẹ ẹnịnị zị za ẹtẹ nị.

Ijoovu 18:11

Ịsị ẹẹ kụ ayịhụrịnẹẹ tu ọza vị anaā kara ọza ọhịmị okiri-okiri; ịzị ee hu ahụ zị kẹnẹ, vị ẹnẹẹ̄ dị waa zị.

Ijoovu 15:21

Ịrẹyị odivi ana vaa kụ́ ayịhụrịnẹ tu wa ẹ vaa wụ̀ pooro nị. Anako vana vaa ngụ tu wa ịnị ụmẹ ọnị ẹngụ ẹnịnị ọ ka ọnị o hi ahị.

1 Ịsamụwẹrị 28:4

Ịjị Anihwirisiti nịnị sị ẹngụ tenyi, dị ẹ na kụ́ udi tụ́ ịzị aā hị́ Isunemi nị. Dị Ịsọọrụ ọnị rẹ kụ́ avaba Anisirẹrị, dị ẹnị ra na kụ́ udi tụ́ Igiribowa nị.

1 Ịsamụwẹrị 28:6

Ịsọọrụ o ne sì ụvọ tụ́ ọ ka ọnị ọ̀ yẹ ịsị Ẹnẹyịmavara ọ̀ọ kà, ama Ẹnẹyịmavara o yi tụ́ ọ ohi. Ọ yị sị ịrẹyị zụ̀ ọ ịnị ụra, ọ yị rẹ sị ịrẹyị zụ̀ ọ ini Urimi ana a sịị zama ẹtẹẹ tụ́ ịnị ịrẹyị. Ọnịsẹ nịnị ẹnị ẹ yị re re ẹtẹ dị ẹ̀ va kà a yọ.