1 Ịsamụwẹrị 27:9 - IWE ỌNỊNỊ

⁹ Ịzị Idevidi ọ̀ọ kụ́ ịrẹkụ nọ, ẹ yị nyị ọza ikonya ana aa navọọ tụ́ ịzọọ ọnị ọ̀ yị yàa wụ. Ọ̀ọ sị wa wụ, dị ọ kụ́ atẹmẹ ọnịrị imaaru ne beri ịkẹrịkẹtẹ ọnịrị ịnyaakụmị ẹnịnị. Ịta ẹnịnị vị ọnị ọ rẹẹ̄ kụ́, dị ọ raa vẹ Akisi.

1 Ịsamụwẹrị 27:9 Referans Kwoze

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”

1 Ịsamụwẹrị 15:7

Ịsọọrụ nịnị ọnịrị Anamarẹkị ệ gẹ ịrẹkụ dị ahịka Ịsọọrụ nịnị o huna wa nị. Ịrẹkụ ọnọọ vị ẹnị ẹ kụ̀ hụrẹ ịzị aā hị́ Ihavira pooro na ngụ ọgụrị Ijipiti.

Ijosuwa 6:21

Avaba ịsa vị ene du ha saka-saka, anọrụ, anẹẹ, imaaru, atẹmẹ ọnịrị ịkẹrịkẹtẹ nịnị. Avaba anị bemi vị ene vú ẹtẹ.

Ọyịkụra 15:22

Imosiisi ộ kụ́ Anisirẹrị hụrẹ oku Ịkịịkẹ dị ẹ na ngụ ịnị ụnọmị mẹ ẹkụhị ẹẹta, ẹnịnị e yi re enyi.

Oyinyima 25:18

Ezi Isimẹrị vị ana ra ịnị ẹtẹ ana yà ịnị akakana Ihavira ọnịrị Isuri. Ịzọọ vị ana và eyi ọnị ọyịị̄ zị hụrẹ ịnị ẹtẹ Ijipiti ózee Asiriya. Ọ yị ra va hura ezi Abụrahamị ana vọ.

Oyinyima 16:7

Ọ màa na, di anggẹẹrị Ẹnẹyịmavara ne tù ọ ọgụrị enyi ẹtẹ ọnya aanị ịnị ụnọmị nị. Enyi ọnọọ vi ana yà oze Isuri.

1 Ịsamụwẹrị 15:8

Ịsọọrụ ộ za ohinọyị Anamarẹkị ana aā hị́ Agagị, ọ yị wụ ọ. Ama avaba aza ohinọyị ana vọ vị ọnị ọ sị ụ̀hwọ̀ wụ̀ va ha bemi-bemi.

Ijoovu 1:3

Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.