1 Ịsamụwẹrị 26:9 - IWE ỌNỊNỊ

⁹ Di Idevidi ka asị ọ wụ̀ ọ. Ọ kà ọza ọ́ọ́ nyayịnẹ sị ụvọ kanyị ọza ọnị Ẹnẹyịmavara sị nyị dị asị ọ rị ịvị?

1 Ịsamụwẹrị 26:9 Referans Kwoze

2 Ịsamụwẹrị 1:14

Di Idevidi ka, “Wâ kụ̀rà ụvọ awụ wâ wụ̀ ọza ọnị Ẹnẹyịmavara nyị mẹ ohinọyị angwa ọ yị daba hi wu?”

Ahẹ Ụgama 105:15

asị ẹ sị ụvọ kanyị aza anị. Ọ rẹ ka asị a nyị ịsị ẹ sị mẹ ọnịsẹ anị.

2 Ịsamụwẹrị 1:16

Di Idevidi ka, “Wèe sú, ẹwa rị ịvị ẹngụ awụ nị. Ịrẹyị ọnị ẹwụ ụvọta kà vi ivenu, ka ẹwa wụ̀ ọza ọnị Ẹnẹyịmavara nyị mẹ ohinọyị nị.”

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.

1 Ịsamụwẹrị 26:8

Di Abisayi va hị́ Idevidi dị ọ ka, “Ajịnị Ohomorihi sị ọnịvị awụ chire wụ ụvọ nọ! Navọ ma gụ ọha amị chire e na za eteesu ụpẹ ọnya kẹnẹ. Mẹ yị gụ ọ chire e tù ụpẹ ẹẹva.”

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

2 Ịsamụwẹrị 19:22

Ama di Idevidi kà, “Yere ana jị gẹ ẹmịrị ẹwụ nịnị aanị, ẹwụ ezi Izeruya? Sị ẹ vẹ di wee sì ka wa kụ́ ịrẹyị tù mi ajịnị? Ẹma vị ohinọyị Isirẹrị nị, ẹ yị nyị ọza ana a vaa wụ̀ ajịnị ịnị ẹtẹ Isirẹrị.”

Ahẹ Ụgama 17:4

Anka ịrẹyị ọnị ụ kà, mẹ yị zẹẹ ka ma saasa ebira odivi ana aza aā mẹ Mẹ yị dọ ka ma nyị ụvọ tụ́ ini ebira aza ana aā chamayị.

Ahẹ Ụgama 57:1

Ohomorihi, aarịhịnị kwogwo navọ wa vayị amị Wâ yẹ ka ẹwụ mi zwe va vaka nị Ịda awụ m maa vakaa tụ́ pooro dị avaba ẹtẹ ana aa sụ́ kúkùkù ọ̀ ta nị.