1 Ịsamụwẹrị 26:23 - IWE ỌNỊNỊ

²³ Ọpa ebira ana vọrọ ọnịrị ịzẹyịza ọnị ọzọza ọ̀ọ mẹ, Ẹnẹyịmavara ọ̀ vavọọ si wa ụta. Wê re ka Ẹnẹyịmavara ô si wụ́ chire mị ụvọ ajịnị, ama mẹ yị dọ ka ma sị ụvọ kanyị wụ, agụvị ka Ẹnẹyịmavara ọ sị wụ nyị.

1 Ịsamụwẹrị 26:23 Referans Kwoze

Ahẹ Ụgama 62:12

Ọ kà vi oniī sì ịrẹyị ọza pooro nị, ọ mā vara Ẹwụ Ananyị yị, ẹwaā sị ọgụ ụkọrọ ọzọzaa yọ nị.

Inehemaya 13:14

Mâ da ịpẹ yị Ohomorihi amị ka ọ̀ navọ ọ̀ tama ayị amị agụvị ịsa ọnọnị, dị asị ọ kụ ịsị mị sị ịzẹyịza mẹ yị irehi Ohomorihi amị ọnịrị ahẹkẹ ana aa mẹ ịnị anị aanị kwooze.

1 Ohinọyị 8:32

navọ di we batọ hụrẹ ẹbẹẹba, dị à nyị ịsị ụ mẹ. Navọ dị wa mẹ̀ ọkarẹyị ezi ahụ awụ, dị wa jị ịvị yị ọza ana rị ịvị. Navọ ọ sị ịrẹsụ anị kụ́ ebira ọnị ọ mẹ. Di wa rẹ jị ịhị yị ọza ana rị ịhị. Navọ ọnị ọ̀ rẹ dọ ọgụ ebira ozoza ọnị ọ mẹ.

1 Ịsamụwẹrị 26:11

Ọ kà ana asị Ẹnẹyịmavara zẹẹ ka ọnị ọ̀ sị ụvọ kanyị ọza ọnị ọ nyị. Di Idevidi ka à jẹẹ ẹnị ẹ̀ si ọha ọnịrị ịtụmpaha ọnị Ịsọọrụ nịnị sị enyi tụ́ ana yà aha ịrẹsụ Ịsọọrụ, dị ẹnị ẹ̀ẹ na.

1 Ịsamụwẹrị 26:9

Di Idevidi ka asị ọ wụ̀ ọ. Ọ kà ọza ọ́ọ́ nyayịnẹ sị ụvọ kanyị ọza ọnị Ẹnẹyịmavara sị nyị dị asị ọ rị ịvị?

1 Ịsamụwẹrị 24:12

Ẹnẹyịmavara ọ vaa mẹ̀ ọkarẹyị ẹmịrị ẹwụ, di ò si wu atọ ịsa ọnị waa mẹ mị aanị nị. Ama ẹmị ẹ yị vaa sị ụvọ amịị kanyị ẹwụ.

1 Ịsamụwẹrị 24:18

Wa rẹ sị ọ kà a mị ebira ozoza ọnị wụ mẹ hị́ mị ịsọọnị. Ẹnẹyịmavara ộ sị mị chire wụ ụvọ, ama wẹ yị wụ̀ mị.

1 Ịsamụwẹrị 24:19

Áá nyị ọza ene re ọnịvị anị dị ọ̀ zẹẹ ka ọ̀ọ na ẹngwọọrọ? Ẹnẹyịmavara ọ̀ navọ ò si wu atọ ozoza agụvị ịsị wụ mẹ mị ajịnị aanị.

1 Ịsamụwẹrị 26:22

Di Idevidi ka, “Taarụ, ọha awụ yị, tụ́ ozida awụ ọnya ka ọ̀ va sị ọ va wụ.

2 Ịsamụwẹrị 22:21

Ebira ọnị maa mẹ̀, ộ vọrọ ini eyi Ẹnẹyịmavara. Avọọ ọ́ mẹ̀ raa sị ọgụ anịị mị nộ. Ô re ka mẹ yị nyị ụvọ tụ́ ini ebira odivi. Dị ọ rẹ vavọọ aa sị ọgụ ebira amị mị nộ.

1 Ịsamụwẹrị 24:11

Nda, wéē re ịta ọnị mị sị rị ụvọ aanị. Ụtọ awuru awụ mị dà a hụrẹ nị, ama mẹ yị wụ̀ wụ. Dị we re o, ka ẹ yị nyị ịsa odivi ọnị mị mẹ wụ, mẹ yị rẹ kụ́ hịrẹ wụ. Ẹ yị nyị m mẹ̀ mẹ wụ, di wee bè mị ka wa wụ̀ mị kẹnẹ nị.

2 Ịsamụwẹrị 22:25

Ẹnẹyịmavara ộ sị ọgụ ịzẹyịza amị mị. Agụvị ka ô re e ka mẹ yị me irikichi.

Ijoovu 34:11

Ịsa ọnị ọzọza mẹ̀, o vee si si ọ atọ nị.