1 Ịsamụwẹrị 26:18 - IWE ỌNỊNỊ

¹⁸ Di Idevidi rẹ ka, “Taarụ, sị ẹ vẹ dị waa dụ mị aanị? Sị mị mẹ̀? Sị ẹ vị ịvị awụ ọnị mị rị?

1 Ịsamụwẹrị 26:18 Referans Kwoze

1 Ịsamụwẹrị 24:9

Dị ọ kà a yị Ịsọọrụ dị ọ ka, “Sị ẹ vẹ dị waa wụ́ ịrẹyị aza ana aa kà a ka vi i mee sì ka ma wụ nị?

Ịjọọnụ 18:23

Dị Ijeesu tụ́ ọ ohi, dị ọ ka, “Màa kà ịrẹyị odivi, sị zụ̀ mị! Ama àa vị ịrẹyị ana vọrọ mị kà nị, sị ẹ vẹ dị ụ waa nya mị arụhwọtọ?”

Ịjọọnụ 10:32

Dị Ijeesu ka, “Ma raà mẹ̀ ụkọrọ ozoza-ozoza éyi awụ nịnị ana Ada amị sị ụkata mị ka ma mẹ. Ye re ana a vọrọ ka we si ne mi ịrẹta ịnị ụkọrọ ẹnẹẹ nịnị?”

Ịjọọnụ 8:46

Ẹnẹ zụ sị zụ̀ ịnị awụ nịnị ka mâ mẹ ịvị da? Ịrẹyị ẹnẹ ẹmị aa kà vị ịzẹyịza, sị ẹ vavẹ dị ụ wẹ̀ yị dọ mị wụ́ nịnị?

Ahẹ Ụgama 69:4

Aza ana aa kụ́ ayị amị ọọhẹ kẹnẹ ệ hyakụ rụrụ huna ẹyị ịrẹsụ amị. Ọnịvị amị ene ee sì ka ẹnị ẹ wụ̀ mị ệ rụrụ ẹnẹmẹhị vị ka vị a nyị m mẹ̀ ka yị wa nị. Ịsị mè yi yi, ệ sị ụkata za mị ka ma sị ọ vẹ.

Ahẹ Ụgama 35:7

Nyị m mẹ̀ kà yị wa di e yee bè mi, dị ẹ yaa va ịrẹpaa zi mị kẹnẹ-kẹnẹ.

1 Ịsamụwẹrị 17:29

Di Idevidi ka, “M mẹ̀ mẹ booro aanị? Vị aa ka asị mị kuku re oze kà ịrẹyị nị?”

Ahẹ Ụgama 119:161

Aza ẹbanyị nịnị aa sị ụyaa rị mị ọọhẹ kẹnẹ. Ama emi ê hí angwa ịrẹyị awụ

Ijeremaya 37:18

Ijeremaya ka ọnị ộ varẹma họ̀ ohinọyị Ịzẹdẹkaya use ka, ebira odivi sị ọnị mẹ hi ọ ọnịrị ọdọvịdị anị nịnị, sị ọnị mẹ aza, ọnị asị jị ọnị ẹngwa kẹ?

1 Ịsamụwẹrị 20:1

Ịhị ọnọọ di Idevidi oni sị zwe hụrẹ Inayoti ana yà ịnị ẹtẹ Iraama, di o ne tù Ijonatani nị. O mè tù ịzọọ, dị ọ tụ́ Ijonatani dị ọ ka, “Sị mị mẹ̀ ada awụ di ee sì ka ọnị ọ̀ wụ̀ mị? Sị ẹ vị ebira odivi ọnị mị mẹ̀ ẹ?”