1 Ịsamụwẹrị 25:10 - IWE ỌNỊNỊ

¹⁰ Di Ịnabarị tụ́ ezida Idevidi ohi dị ọ ka, “Ẹnẹ ẹ vị Idevidi kẹ? Ẹ̀nị aā hị́ ozi Ijeese? Ezida vị ana kụkụ ee zwee huu ịda ọga ẹnịnị ịnị ụmẹ ọnọnị.

1 Ịsamụwẹrị 25:10 Referans Kwoze

Ọdọvịdị 9:28

Ịjọnọọ dị Igaarị ozi Ebedi kà ọpa ịsị ẹyịrị Abimẹrẹkị ọnịrị Ịsẹkẹmị aa mẹ? Ẹnị Abimẹrẹkị waa vaa sị mẹ̀ ezi ahụ anị nị? Dị ọ ka ẹnẹ vị ozi Ijerubaari ọnị ahịka Izeburu ọ vị atụra anị nị? Dị ọ rẹ ka ịsị ẹ vẹ dị ẹnị aa va hẹkẹ Abimẹrẹkị ọnịrị Izeburu atụra anị ana vịdị aa hẹkẹ Anịhamọ. Ịhamọ ọnọnị ọ vị ada Ịsẹkẹmị ọbanyị nị.

Ayịsaya 32:7

Aza edivi vị ana aā mẹ̀ ebira odivi. Òo zee eyi asị a nyị ịsị onosiye mẹ, di e gẹ eyi, di e cheeche kú ọ ka ẹnị ẹ̀ wụ ọ.

Ayịsaya 32:5

Aza ẹ yị kụkụ vaa kà a ka ọnụra nịnị ẹ vị ọyẹrẹyị, di aza edivi nịnị vi ọza obooro nị.

Ịrẹyị Ọzwọzịsa 7:10

Asị ụ re họ̀ use ka: Sị ẹ vẹ dị ahịka ụmẹ ịyẹẹyẹ o zoza hu ụmẹ ọnọnị nị? Ọ ka ẹ yị nyị ịrẹyọyẹ ka ọza ọ̀ vavọọ họ̀ use ịrẹyị.

1 Ohinọyị 12:16

Ịjị ọ maanị sị yà, Anisirẹrị nịnị ê re ka ohinọyị ọ yị wụ́ ịrẹyị ọnị ẹnị kà. Dị aza ẹnẹẹ ve tụ́ ohinọyị ohi dị ẹ ka, “Ẹ yi va nyị aayị rị tụ́ ini ozi Ijeese, o! Ẹwụ nịnị Anisirẹrị, ọzọza ọ̀ọ nọ ini eehi o! Idevidi, ẹwa rẹ na sị eyi pè irehi ẹwụ!” Ịzẹyịza di Anisirẹrị si hu aa nọ ini eehi ẹnịnị nị.

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

1 Ịsamụwẹrị 22:2

 nyị aza ẹnyị ana ayị vịdị aa kụ́ ọnịrị aza ana ayị ẹnịnị si du. Dị ẹngụ aza ẹnẹẹ kụ́ ẹngụ gụ di ẹ kụ́ ẹngụ ẹnịnị na yị Idevidi nị. Ẹnịnị vị akana, dị ahịka Idevidi ẹ kụkụ sị mẹ ọga nị.

1 Ịsamụwẹrị 20:30

Ịsọọrụ ộ kụ́ ayị hi Ijonatani. Dị ọ ka, “Ẹwụ ozi ọnẹẹ kẹnẹ-kẹnẹ, ọnẹẹ anakamawụ ọnọnị. Maa yẹ ka ẹwụrị ozi Ijeese ọ ya nị. Ụhị ọ vaa nyị ẹwụrị ọnyị awụ nị.

Ọyịkụra 5:2

Di Ihwarawo ka, “Ẹ̀nị aā hị́ Ẹnẹyịmavara nịnị kẹ? Ẹ̀nị ọnọọ vị ana aa kà ịrẹyị ana vọrọ ka ọnị ò batọ anị, ọnị ọnị vaa hụ agụvị anịị hụrẹ Anisirẹrị nịnị ụvọ? Ọ kà ọnị ọ yị yẹ ka â vavọọ nyị Ẹnẹyịmavara. Dị ọ ka dị asị a kụ́ ịrẹka gọdọ, ọnị ọ yị vaa zẹẹ ka Anisirẹrị ẹ̀ na.”

1 Ịsamụwẹrị 25:9

Ezida Idevidi mẹ̀ na sị ngụ ịda Ịnabarị, dị ẹ kà ụtụ Idevidi yọ, dị ẹ jẹẹ nị.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.