1 Ịsamụwẹrị 24:9 - IWE ỌNỊNỊ

⁹ Dị ọ kà a yị Ịsọọrụ dị ọ ka, “Sị ẹ vẹ dị waa wụ́ ịrẹyị aza ana aa kà a ka vi i mee sì ka ma wụ nị?

1 Ịsamụwẹrị 24:9 Referans Kwoze

Ụhịrẹyị 29:12

Ọdọvịdị anaā wụ́ ịrẹyị ireche vị ọnị aza ana kara a cheeche yị.

Ijemiisi 3:6

Ịrarẹ vị ana sị mẹẹ anka ịra avọọ. Avaba ịsa edivi ene hi ịnị ẹhẹ ọnọnị hi ịnị ịrarẹ ọza, dị ẹ na ngụ ịnị ẹngụ ọza, dị e du ọ. Ọ nyẹngụ jị ịra tụ́ ịnị avaba ẹhẹ ọza saka-saka. Ini eku ịra gẹdẹ-gẹdẹ ụ́kata ịra ọnọọ yà nị.

Ụhịrẹyị 26:28

Ọza ọnị ọza e yi sì ịrẹyị anị oo cheeche ku ka ọ̀ọ zị ọ nị. Ireche vi ene du ọza.

Ụhịrẹyị 25:23

Ireche vị ana mẹ̀ ọzaa kụ ayị anka ahị ana hụrẹ eyi ẹbẹẹba mẹẹ̄ zụ orihi avọọ.

Ụhịrẹyị 18:8

Ịrẹyị ịrẹma ọza ọyị kà a hine ẹtẹẹtẹrẹ; aza hụra si ka ẹnị ẹ̀ wụ ọ.

Ụhịrẹyị 17:4

Ọza odivi vị eneē si ka aa ka ọhịmị ọza, avọọ onireche meē si ka ọnị ọ wụ ka è du ọza.

Ụhịrẹyị 16:28

Aza ọhịmị vị anaā kụ ọza ịrẹsụ nya ẹngụ; ẹ́ẹ sị ireche jị ụna ọọtọta ana sị ayị yị ẹngụ nị.

Ahẹ Ụgama 141:6

Ịjị àa raà tụ́ ọdọvịdị ẹnịnị ụvọ wọrọ ọ̀bà, aza ẹnẹẹ vaa dọ ka ịrẹyị ịzẹyịza m maa kà nị.

Ahẹ Ụgama 101:5

Ọza ene ee weree kà ịrẹyị ịrẹma ọza vị ọnị maa sịị hụrẹ oze. Mẹ yị vaa dọ ka ọza ọ̀ọ mẹ eyi, di òo wuu zị.

1 Ịsamụwẹrị 26:19

Taarụ ohinọyị, navọ wa wụ́ ịrẹyị amị. Àa vị Ẹnẹyịmavara ọ ka waa dụ mị nị, ọ̀ navọ ọ̀ dọ ịsọvọ ọnị maa sịị da ịpẹ. Àa vị aza ẹ maanị aa tụ́ wụ́ ịrẹyị nị, Ẹnẹyịmavara ọ yị vaa zẹẹ ka ò zoza yị aza ẹnẹẹ. Ẹ sị mị dụ hụụ ịda aza Ẹnẹyịmavara, ẹ ka ma kụkụ naa hẹkẹ ori.

Ireevi 19:16

Ọ kà à sị ẹnịnị yà ịnị akakana anda ẹnịnị dị ee du ọza ịrẹma. À sị a nyị ọza ana na dọ ivenu ireche ana vaa mẹ ka à wụ ọnọhụva anị.

1 Ịsamụwẹrị 20:1

Ịhị ọnọọ di Idevidi oni sị zwe hụrẹ Inayoti ana yà ịnị ẹtẹ Iraama, di o ne tù Ijonatani nị. O mè tù ịzọọ, dị ọ tụ́ Ijonatani dị ọ ka, “Sị mị mẹ̀ ada awụ di ee sì ka ọnị ọ̀ wụ̀ mị? Sị ẹ vị ebira odivi ọnị mị mẹ̀ ẹ?”

1 Ịsamụwẹrị 24:8

Di Idevidi ọnị rẹ jịnẹ hụụnị ụtẹha ọnọọ, dị ọ hị́ Ịsọọrụ nị, dị ọ ka, “Taarụ, ohinọyị!” Dị Ịsọọrụ kana eyi sì Idevidi nị. Di Idevidi tana tụra ẹtẹ kụ́ ọ nị.

1 Ịsamụwẹrị 24:10

Ẹwụ ụvọta ọ sị o re ajịnị ka Ẹnẹyịmavara ộ sị wụ́ chire mi ụvọ ụ mẹ̀ yà ịnị ataba. Aza ẹnyị ka ma wụ̀ wụ, dị mị ka eyiye nị. Mị ka Ẹnẹyịmavara ọ nyị wụ nị, mẹ yị vaa sị ụvọọ kanyị wụ.

1 Ịsamụwẹrị 26:18

Di Idevidi rẹ ka, “Taarụ, sị ẹ vẹ dị waa dụ mị aanị? Sị mị mẹ̀? Sị ẹ vị ịvị awụ ọnị mị rị?

Ijeremaya 37:18

Ijeremaya ka ọnị ộ varẹma họ̀ ohinọyị Ịzẹdẹkaya use ka, ebira odivi sị ọnị mẹ hi ọ ọnịrị ọdọvịdị anị nịnị, sị ọnị mẹ aza, ọnị asị jị ọnị ẹngwa kẹ?

1 Ịsamụwẹrị 20:41

Ozi ọnọọ mẹ̀ si hu, di Idevidi kwẹẹtẹ hụrẹ akaha ịrẹta ịzị ọ tẹ tụ́ nị. Dị ọ tana tụra ẹtẹ kụ́ Ijonatani ụpẹ ẹẹta nị. Di e kú ẹngụ irenu di eyee sụ ùnè nị. Di ahịka Idevidi ee sụ ùnè hu nị.