1 Ịsamụwẹrị 23:3 - IWE ỌNỊNỊ

³ Dị aza Idevidi ka ẹnị vi ene hyakụ ee hí angwa ẹnị mẹ̀ yị yà Ijuda aanị. Ẹnị ẹ́ẹ́ va zụụ nọ Ikeyira nee pè Anihwirisitii kụ̀ ịrẹkụ.

1 Ịsamụwẹrị 23:3 Referans Kwoze

Ijeremaya 12:5

Dị Ẹnẹyịmavara kà, Ijeremaya, ẹwụrị aza ana sị ahụ ee zwe echi dị ọ sị ngụ ụ ẹngụ nị, wéé ve zuu pe umaata zwe echi? Wẹ ẹ yị zụ vọrọ jẹẹ ịnị ọyị chapaa, sị ụ vaa mẹ ịnị uruku Ijodani?

Ahẹ Ụgama 11:1

Wáá yẹ ka Ẹnẹyịmavara mị sị ayị tụra nị? Ụ́ mẹmẹ zụ kà ka mee zwee nọ ịnị ataba anka inomi avọọ?

1 Ịsamụwẹrị 23:26

Ịsọọrụ ọnị yà akaha ataba ọnya, di Idevidi ọnịrị aza anị ẹnị re hi akaha ataba ọsa, di e wuse ee zwe ka asị Ịsọọrụ zụ za ọnị nị. Ô tù ụpẹ ọnya ụvọ Ịsọọrụ ọnịrị aza anị ee vee kú Idevidi ọnịrị aza anị.

1 Ịsamụwẹrị 23:23

Ne họ̀ use avaba ịzị ọ̀ọọ̄ tẹ, dị wa yẹ dị wa va kà a mị nịnị. Màa sị yẹ ka ọ yà ịzọọ, dị ẹmịrị ẹwụ nịnị zị na. Aha tụra aha ọnị ọ̀ọ yà ịnị Anijuda nịnị, mi vee sì ọ di me re e.”

1 Ịsamụwẹrị 23:15

Idevidi mẹ̀ vavọọ yà ini iriku Ihoresi ịnị avị ana aà hí Izihwi, dị ọ wụ́ ka Ịsọọrụ ee sì ka ọnị ọ̀ va wụ ọnị nị.

1 Ịsamụwẹrị 23:2

Di Idevidi va na họ̀ Ẹnẹyịmavara kà ọnị ọ́ọ́ na, dị ọnịrị Anihwirisiti ẹ̀ na kụ̀ ịrẹkụ nị. Dị Ẹnẹyịmavara kà ò ne pè Anihwirisiti kụ̀ ịrẹkụ, dị ọ dọ Anikeyira nịnị tụ́ nị.

1 Ịsamụwẹrị 23:4

Di Idevidi rẹ na họ̀ Ẹnẹyịmavara kà ẹnị ẹ́ẹ́ na nị. Dị Ẹnẹyịmavara kà ẹ̀ na ka ọnị vaa mẹ ka è huna Anihwirisiti nị.