1 Ịsamụwẹrị 23:16 - IWE ỌNỊNỊ

¹⁶ Di Ijonatani ozi Ịsọọrụ ne tù Idevidi, dị ọ naa tụ́ ọ ọtụtụrụma ka Ohomorihi vee sere e nị.

1 Ịsamụwẹrị 23:16 Referans Kwoze

2 Itimoti 2:1

Ozi emi, waa nyị ụkata ini oze ayamva oni Ijeesuū sịị yị aza ọnị ọnịrịị sị vị ọnya.

Anẹhwẹsọsị 6:10

Ịrẹyị ọdịrẹma oni mee sì ka ma kà wụ nịnị, yị: Waa dọ ụkataa hụụnị ẹngụ Ananyị yị dị ụ wa zụ nyị ụkata, agụvị ka ọnị ọ nyị avaba ụkata nị.

Iruuku 22:32

Ama ma raà mẹ̀ aduwa yị wụ ka asị ẹdọwụ awụ jị wụ ụvọ. Ịjị ụ wàa sị và ká mị vẹ, dị ụ waa sị ụkataa yị ẹyịnyara awụ ana vọ!”

1 Ịsamụwẹrị 30:6

Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.

Iruuku 22:43

[Dị anggẹẹrị ọnya hụrẹ ẹbẹẹba vẹ, di o ve tù ọọ, dị ọ sị ụkata yọ nị.

Inehemaya 2:18

Dị Inehemaya ộ kà yị wa Ohomorihi mẹmẹ jẹẹ ọnị ịrẹma ọnịrị ịrẹyị ọnị ohinọyị kà. Dị avaba aza tụ ohi vabẹ ka, ozoza! Aa vẹ ẹnị ẹ kwẹẹtẹ ẹnị ẹ tenyi ọvọ ọnọọ tụra. Avọọ ẹnịnị mẹ tụ ẹngụ ọtụtụrụma mẹ̀ ụkọrọ ọnọọ nị.

Ụhịrẹyị 27:9

Ajuwe ọnị ọta obooro sị yị ọza óo hine ọza ayị huni agụ ozoza ọnị eturare aa da nị.

Ụhịrẹyị 27:17

A mẹẹ̄ sị enyusẹ ẹnyị ne ọsa, avọọ ụvọ ẹẹva mẹẹ̄ nyịna ẹngụ nị.

Iwe Ọhụhị Imosiisi ana aa hị́ Ọyịvatụrọda 3:28

Ọ kà yị Ijosuwa, dị ọ tụ́ ọ ọtụtụrụma agụvị ka ọnị vaa kụ́ aza jịnẹ irehu Ijodani naa dọ ẹtẹ ọnị Imosiisi ee re avọọ nị.

Ijoovu 16:5

Ama àa vị ọnị yọ nị, ọnị aa tụ ọ ọtụtụrụma dị ọnị ka ịrẹyị ana vaa sị ayị nẹtẹ.

Ezikẹẹrị 13:22

Ọ kà, waa raa sị ireche mẹ ka aza ọyịza ọnị ọnị è yị sì ka ọnị kụ ẹngụkata tu, asị ẹ kụkụ nyị ọtụtụrụma. Waa mẹ nịnị ka asị aza ẹhịmị và hụụnị ebira odivi ẹnịnị agụvị dị ẹnịnị ẹ̀ zụ ha.

1 Ịsamụwẹrị 23:15

Idevidi mẹ̀ vavọọ yà ini iriku Ihoresi ịnị avị ana aà hí Izihwi, dị ọ wụ́ ka Ịsọọrụ ee sì ka ọnị ọ̀ va wụ ọnị nị.