1 Ịsamụwẹrị 21:8 - IWE ỌNỊNỊ

⁸ Di Idevidi họ̀ Ahimẹrẹkị ka ọ́ọ nyị ọha àa vị ụhwọ nị. Idevidi ka ọnị ọ yị za ọha anị ọnịrị ụhwọ anị rị ụvọ, agụvị ka ụtụ eyiha-eyiha ohinọyị tụ́ ọnị nị.

1 Ịsamụwẹrị 21:8 Referans Kwoze

1 Ịsamụwẹrị 21:7

Ịhị ọnọọ â nyị ozi ahụ Ịsọọrụ ọnya aanị ana a za tụ́ ịzọọ. Ịrẹha anị ori Idowegi nị. Anedomi ọ vị nị, dị ahịka ọnị ọ vị ọga aza ana sị eyi pè ịsụpa Ịsọọrụ nị.

1 Ịsamụwẹrị 21:9

Di ohirẹsụ irehi Ohomorihi ọnọọ ka ụhwọ Igorayati Anihwirisiti ọnị ọ wụ ini ozi Era ịhị ọnọọ tịtẹ ịzẹnị. Â sị ịta para a tụ́ ịrẹma ịharamịra ịzọọ. Ọ kà òo sì ọnọọ dị ọ̀ sị ọ agụvị ka ẹ yị nyị ụhwọ ọsa ịzẹnị. Di Idevidi ka, “sị ọ mị, ka ẹ yị nyị ụhwọ ene huna ọnọọ.”

1 Ịsamụwẹrị 22:9

Idowegi Anedomi ọnịrị ezi ahụ Ịsọọrụ e dudu jẹẹ ịzọọ nị. Dị ọ ka oni ô re ozi Ijeese màa nọ Inobi ịda Ahimẹrẹkị ana vi ozi Ahitubi.

1 Ịsamụwẹrị 22:22

Di Idevidi ka, “M ne re Idowegi Anedomi ọnọọ ịhị ọnọọ, mâ yẹ ka vị aa naa kà a yị Ịsọọrụ nị. Ẹma mẹ ka avaba aneehi ada awụ è sú aanị nị.

Ẹsịta 8:14

Ọda ọnọnị vị ana tụ́ ẹhẹ ịnị ẹkụra Isusa ana vị ohi ẹtẹ ẹkụra. Dị ọnụtụ ohinọyị nịnị si umaata zwe echeechi na kà ụtụ ọnọnị anka ọda ọnị ohinọyị mẹ yi wa nị.

Iruuku 10:4

Asị ụ sị asụnụ za nịnị, asị ụ rẹ sị ampo nịnị! Asị ụ za adava nịnị, asị ụ rẹ jẹẹ kụ́ ọza óze nịnị.