1 Ịsamụwẹrị 21:7 - IWE ỌNỊNỊ

⁷ Ịhị ọnọọ â nyị ozi ahụ Ịsọọrụ ọnya aanị ana a za tụ́ ịzọọ. Ịrẹha anị ori Idowegi nị. Anedomi ọ vị nị, dị ahịka ọnị ọ vị ọga aza ana sị eyi pè ịsụpa Ịsọọrụ nị.

1 Ịsamụwẹrị 21:7 Referans Kwoze

1 Ịsamụwẹrị 22:9

Idowegi Anedomi ọnịrị ezi ahụ Ịsọọrụ e dudu jẹẹ ịzọọ nị. Dị ọ ka oni ô re ozi Ijeese màa nọ Inobi ịda Ahimẹrẹkị ana vi ozi Ahitubi.

1 Ịtọpa 27:29

Isitirayi ana vị Anisaroni o si eyi pe ọkọnị imaaru ana aa kụụ rị inozi ẹtẹ Ịsarọnị nị; dị Isahwati ozi Adirayi ọnị si eyi pe ọkọnị imaaru ana aa kụụ rị inozi nị.

Imatiwu 15:8

‘Irenu kẹnẹ aza ẹnẹnị sị gụrị mị nị, irenu kẹnẹ ẹ sị sị ụbanyị yị mị nị. Ama ẹnịnị ẹ yị dọ ịrẹyị amị tụ́ ịnị ayị ẹnịnị.

Emọsị 8:5

Ẹkẹhị kẹnẹ ọ jị osohu Anisirẹrị nịnị areyi nị. Ịhị eyi a nị dị ẹ ná ịsa ohu ẹnịnị ọ kà tụ́ wa ayị nị. Ẹkụhị eche ụhwẹ ọwọọwa ọnịrị ẹkụhị ụhwọtụ ẹnị ẹ yị nyị ohu vị ana dọ wa oze. Ẹnịnị vị ana da ẹkẹhị hi ịsa dị ẹ sị ẹnya ẹjịjị-ẹjịjị tụ́ ọ aā sịị kụ́ ọza ịrẹsụ nị.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

2 Ịtọpa 26:10

Ộ rẹ dà irehi ọyịtẹ̀ ọgọdọ tụ́ ịnị akakana ẹkụra, dị ọ chị iruku enyi ọrụrụ-ọrụrụ hi ẹtẹ agụvị ka ộ nyị ụnọ ana dẹngụ tụ́ iruvo ataba ene hi eyi ụvẹtẹ ọnịrị inozi. Ka ô sì ịrẹyị aarẹ, dị ọ tụ́ aza ọtụtụrụma ka ẹ dà ụbazị ịvayịnị rụrụ tụ́ ịnị ataba, dị ẹ kụ́ ịrẹkụ tụ́ ini ẹtẹ ene zoza, dị ọ dọ aza ka ẹ kụ ịrẹkụ yị ọnị nị.

1 Ịsamụwẹrị 14:47

Ịsọọrụ mè nyima dị aa mẹ ohinọyị tụra Anisirẹrị dị o pè avaba ọnịvị ẹnịnị kụ̀ ịrẹkụ nị. Ọnịvị ẹnẹẹ ẹ vị Animowabi, Anamọnị, Anedomi, ohinọyị Anizoba ọnịrị Anihwirisiti nịnị. Ịzị ọ̀ọ và zị kẹnẹ, dị ọ sị ụya rị ọnịvị ẹnẹẹ ẹtẹẹtẹrẹ.

1 Ịsamụwẹrị 11:5

Ẹ mẹ̀ vavọọ a tịị tụ́ orere booboro, di e vene re ka Ịsọọrụ ọnị ộ và ịsụpa anị hi ọvịdị hụụnị aarẹ aa vẹ nị. Dị Ịsọọrụ kà, “Aza ẹnẹnị mè rẹ? Sị ẹ vẹ dị ẹ maanị ee sú ùnè?” Dị aza ẹnẹẹ rẹ kà a yọ ịrẹyị anị Anijabesi va kà nị.

Oyinyima 26:20

Di Anigerari ana aa kụ́ ịsụpaa rị ee pe aza Ayiziiki ana raa kụ́ ịsụpaa rị zune ịkangga ọnọọ nị. Ẹnịnị ka ẹnị ẹ nyị enyi ọnọọ nị. Agụvị avọọ di Ayiziiki ka ịkangga ọnọọ ọ rị “Ịkangga Ịrazị” nị, agụvị ka ê pe e zune e.

1 Ịsamụwẹrị 21:8

Di Idevidi họ̀ Ahimẹrẹkị ka ọ́ọ nyị ọha àa vị ụhwọ nị. Idevidi ka ọnị ọ yị za ọha anị ọnịrị ụhwọ anị rị ụvọ, agụvị ka ụtụ eyiha-eyiha ohinọyị tụ́ ọnị nị.

1 Ịsamụwẹrị 22:22

Di Idevidi ka, “M ne re Idowegi Anedomi ọnọọ ịhị ọnọọ, mâ yẹ ka vị aa naa kà a yị Ịsọọrụ nị. Ẹma mẹ ka avaba aneehi ada awụ è sú aanị nị.

1 Ịtọpa 27:31

Ijazizi ana vị Anihaga o si eyi pe ọkọnị atẹmẹ nị. Avaba aza ẹnẹnị vị ana si eyi pe ogu yi ohinọyị Idevidi.

Ireevi 22:10

Ọza ọnị ẹ̀ yị vị aza ohirẹsụ irehi Ohomorihi ẹ́ yị vaa rị ịnị ịsị a sị va yị Ohomorihi irenyi, ọzọga ene ve heyi ohirẹsụ ịrẹsụ Ohomorihi à vị ọza ana á dọ ka ọọ mẹ̀ ụkọrọ ịdị anị ẹ́ yị vaa nyayịnẹẹ rị ịnị ịsa ọnịnị ọnọnị.

Ireevi 22:13

Ama ana àa vị osoku à vị ka vị́ ó yi ọnọrụ ama dị ẹ̀ yị nyị ozi, dị ọ vavẹ va ra ịnị eehi ada anị anka ịjị ọnị ọ vị ozweyi nị, ọ nyẹngụ rị ịsọyịrị ana a sị va yị ada anị agụvị ka ọ́ọ vị ohirẹsụ irehi Ohomorihi. Aza ohirẹsụ irehi Ohomorihi kẹnẹ ẹ zụ rị ịnị ịsa ọnọọ nị.

Ireevi 24:5

Ẹnẹyịmavara kà Imosiisi ọ̀ ká ayị ọyịkwọ ene zoza dị ẹ sị mẹ ịbụrẹdị ẹwụrẹva. Ẹ̀hụ ayị ikirogirami ẹẹva avọọ a vaa sị mẹ ịbụrẹdị ikonyi ikonya nị.

Ireevi 24:8

Avaba ẹkụhị ọnị ọza ẹ̀ yị ma mẹ̀ ụkọrọ, ọvịdị Ẹnẹyịmavara pooro yị Anisirẹrị nịnị. Ịzẹzẹ ọ vị yị wa pooro nị.

1 Ịsamụwẹrị 22:10

Ọ kà Ahimẹrẹkị ộ họ̀ Ẹnẹyịmavara use ịrẹyị agụvị Idevidi dị ọ kà a yi Idevidi nị. Dị ọ rẹ ka ộ hyakụ sị ịsa yi Idevidi ka ọ̀ rị ọ àa na oze. Dị ọ rẹ ka Ahimẹrẹkị ọ raà sị ụhwọ Igorayati Anihwirisiti yị Idevidi nị.