1 Ịsamụwẹrị 20:8 - IWE ỌNỊNỊ

⁸ Di Idevidi rẹ ka, “Navọ wa gụ mị ụvọ. Wâ yẹ ka wâ mẹ ka ya hị́ eku yị ẹngụ ọvịdị Ẹnẹyịmavara. Àa nyị ebira odivi ọnị mị mẹ, ẹwụ ụvọta ọ̀ wụ̀ mị. Me yi sì ka wa sị mị na yị ada awụ ka ọ̀ wụ̀ mị.”

1 Ịsamụwẹrị 20:8 Referans Kwoze

2 Ịsamụwẹrị 14:32

Di Abịsarọmị tụ́ Ijowabi ohi dị ọ ka ọnị ộ tụ́ va hị́ ọ ka ò ve tù ọnị, dị ọnị ọ̀ tụ́ ọ hi ohinọyị. Ọ kà vị ọnị ka ọ̀ na họ̀ ohinọyị ka sị ọ sị ọnị hụrẹ Igesuri va mẹ ịzẹnị? Ọ kà ọnị ọ̀ọ yaanị yị yà ịzọọ ọ vana yaanị dà hi hu nị. Dị Abịsarọmị rẹ kà a yị Ijowabi ka oni ee sì ka ọnịrị ohinọyị ò re ẹngụ. Ọ kà ọnị ọ̀ọ rị ịvị ọ̀ wụ ọnị.

1 Ịsamụwẹrị 18:3

Ijonatani ô sì ịrẹyị Idevidi pooro dị ẹ kụkụ hị́ eku yị ẹngụ ka vị ẹnị vaa sị ayịị yị ẹngụ pooro nị.

1 Ịsamụwẹrị 23:18

Dị ẹnị ẹyịva rẹ yà ọvịdị Ẹnẹyịmavara, dị ẹ hị́ eku yị ẹngụ ịzọọ nị. Di Ijonatani si hu aa nọ eehi, di Idevidi ọnị yị yà Ihoresi nị.

1 Ịsamụwẹrị 20:16

Di Ijonatani hị́ eku yị aneehi Idevidi dị ọ ka, “Ẹnẹyịmavara ọ vaa sị họ̀ ọnịvị Idevidi nị.”

Odeyi 25:11

Màa jịnẹ ọda, dị mị mẹ̀ ịsaa vọrọ ka à sị wụ̀ mị nị, mẹ yị kà ka asị aa wụ̀ mị. Ama àa vị ireche kẹnẹ ị́rẹyị ẹnịị vị nị, ẹ yị nyị ọza ana nyẹngụ sị mị chire wa ụvọ. Maa sị ịrẹyị amịị nọ ịda ohinọyị Aniroomi.”

Ụhịrẹyị 3:3

Saasa ịrẹyị ẹnẹẹ, dị ọza ọ̀ zụ sị ayị tụra wụ. Sị ụvọ za a anka ọmọ ọnị aa sị tụ ọrọkọ avọọ. Asị ụ hi ayị anị.

Ahẹ Ụgama 116:11

nyị ọza ọnị mị kụkụ zụ sị ayị tụra, dị mị kụkụ ka avaba aza vi onireche nị.

1 Ịtọpa 12:17

Idevidi ộ na gẹrị wa, dị ọ kà a yị wa ka, àa vị ẹ vẹ ka ẹnị è ve pe ọnị za ọta dị ẹnị ẹ̀ gụ ọnị ụvọ nị, ẹnịnị ẹ̀ nyaasẹ. Ama àa vị ẹ vẹ ka ẹnị ẹ̀ va kụ́ ọnị ahụ yị ọnịvị anị nịnị, Ohomorihi ohiku ộ yẹ. Ọ vaa sị ụyaa rị wa, ka ọnị ẹ yị mẹ wa ọhịmị.

Iruutu 1:8

dị Inawomi hị́ ese ezi anị ẹyịva, dị ọ kà yị wa ka ẹ̀ varẹma ka ọnyị ẹnịnị na nị. Dị ọ kà Ẹnẹyịmavara ọ̀ mẹ ọyịza yị wa anka ẹnị mẹ̀ rẹ mẹ yị ọva ẹnịnị ene sú ọnịrị ọnị nị.

Ijosuwa 22:22

Ẹnẹyịmavara Ohomorihi ene huna ori nịnị ộ yẹ ịsị ẹ vẹ dị ị maanị mẹ. Yee sì ka avaba Anisirẹrị ẹ rẹ yẹ bẹẹ. Àa vị ka ị́ kụ̀ hịrẹ Ẹnẹyịmavara, dị yẹ yị kụkụ sị ayị tụra a nị, a sị ọ dọ yị tụ.

Ijosuwa 2:14

Dị Anọrụ ẹnẹẹ tụ́ ozu hị́ eku ka ẹnị ẹ yị vaa wụ́ wa ịnị ụmẹ ọnị Ẹnẹyịmavara ọ sị ẹtẹ ọnọọ yi ẹnị. Ama asị Ịrahabị kụ uruvo ẹnịnị hi ẹhẹ.

Oyinyima 47:29

Ịjị ụmẹ oni Ijekọvụ ee vee sú aa gụrị ẹtẹ, dị ọ tụ́ na hị́ Ijosẹẹhụ ozi anị dị ọ ka: Òo sì ịrẹyị anị ọ sị ụvọ chire agada anị dị ọ̀ hị́ eku yị ọnị. Ọ kà ọ̀ hị́ eku ka ọ vaa mẹ ịsị ọnị ọ ka ọ mẹ ka ọ yi vee vene ọnị. Ọ kà ọ̀ hị́ eku ka o yi vee ne ọnị tụ́ ịnị ẹtẹ Ijipiti.

Oyinyima 24:49

Di ozi ahụ ọnọọ ka ọ mẹ̀ sị wụ́ aanị, aarịhịnị ọ̀ kà a yị ọnị ọ̀ọ vaa dọ ka ọnị mẹ ịrẹma ọga anị. Ọ kà ọ yị vaa mẹ ịrẹma anị ọ̀ kị kà a yị ọnị dị ọnị ọ̀ yẹ ịzị à a vọrọ ka ọnị ọ̀ zị.

1 Ịsamụwẹrị 20:9

Di Ijonatani ka, “Navọ asị ụ rẹ maanị kà. Màa sị ụtọ kụ́ ịpa anị ka ada amị ee sì ka ọnị ọ̀ wụ̀ wụ, m maa kà a wụ nị.”

1 Ịsamụwẹrị 18:1

Idevidi ọnịrị Ịsọọrụ ẹ sị ịrẹyị ẹnịnị kà ta. Ịnị ụmẹ ọnya di Ijonatani ozi Ịsọọrụ nyayịnẹ sì ịrẹyị Idevidi nị. Avaba ayị anị o si sì ịrẹyị Idevidi, dị ẹnị ẹyịva nyayịnẹ sị ayị yị ẹngụ nị.