1 Ịsamụwẹrị 20:32 - IWE ỌNỊNỊ

³² Di Ijonatani rẹ tụ́ Ịsọọrụ ada anị ohi dị ọ ka, “Sị ẹ vẹ dị ụ ka waa wụ ọ? Sị ọ mẹ wụ?”

1 Ịsamụwẹrị 20:32 Referans Kwoze

Imatiwu 27:23

Dị Ipayireti rẹ ka, “Sị ẹ vẹ? Sị ẹ vị ịsa odivi ọnọọ mẹ?” Dị e re nowu hu avọọ, dị ẹ ka, “Kanyị ọọ za apavahị!”

1 Ịsamụwẹrị 19:5

Dị ọ rẹ ka, “Idevidi vị ana sị ịrẹsụ tụ́ isu dị ọ na wụ Igorayati Anihwirisiti. Ọ kà Ịsọọrụ ô re e Ẹnẹyịmavara mẹ ka Anisirẹrị è huna ọnịvị ẹnịnị, dị ọnị ụvọta hyakụ aa jẹ nị.” Di Ijonatani rẹ ka, “Wàa wụ Idevidi dị wa yẹ ka ebira odivi ụ mẹ nị agụvị ka ẹ yị nyị ịsị ọ mẹ.”

Iruuku 23:22

Dị Ipayireti rẹ kà a yị wa ụpẹ ọhụta ka, “Sị ẹ vẹ, sị ẹ vị ịsa odivi ọnị ọ mẹ? Me yi re ịrẹyị ana a vọrọ ka à sị wụ ọ. Maa kà a ka è tụ́ ọọ ịjapa, dị ma hụrẹ ẹ ụvọ.”

Oyinyima 31:36

Ayị ọ sị kụ́ Ijekọvụ dị ọ ka, “Sị ọnị mẹ̀ ẹ? Ye re ịsa odivi ọnị ọnị mẹ dị ọ maanị kụ́ chire ọnị ịrịịra.

Ịjọọnụ 7:51

“Wáá yẹ ka ọda ayị ọ yị zẹẹ ka à jị ịvị yị ọza, ẹ̀ yị vị a zẹẹ ka ọ̀ kụ́ irenu anị, dị à yẹ ịsị ọ mẹ?”

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ịrẹyị Ọzwọzịsa 9:3

Ọsọnị ọ vị ịrẹyị odivi ịnị avaba ịsị anaa mẹ ịnị ẹhẹ: ka ahịka ịsị ọnyọọnya ọ za ẹhẹ avaba aza ẹtẹ nị. Ayị aza bẹẹ vị ohihi yị ịrẹyị odivi ọnịrị ụra ẹ mẹ yị́ yara, ịrẹma anị dị è ve su.

Ịrẹyị Ọzwọzịsa 7:9

Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị.

Ụhịrẹyị 22:24

Asị ẹwụrị ọnọyịkụ nịnị zị ògù. Asị ẹwụrị anayọkatẹngụ nịnị za ọta.

1 Ịsamụwẹrị 20:7

Ọ̀ọ kà ka ooho, dị ụ yẹ ka mẹ yị kụkụ nyị ịrẹyị anị. Ana àa vị aa kụ́ ayịị hi wu nị, dị wa yẹ ka ọ sị ẹngụ tenyi ka ọnị ọ̀ sị ịsa odivi mẹ mị.”

1 Ịsamụwẹrị 18:11

Di o ne ọha ọnọọ ụpẹ ẹẹva ka ọnị ò gu ọ chire Idevidi na za ugene nị. Di Idevidi hụrẹ oze yọ ịnị ụpẹ ẹyịva ẹnẹẹ nị.

1 Ịsamụwẹrị 19:4

Ijonatani ộ kà ọyịza Idevidi yị Ịsọọrụ ada anị. Ọ kà, “Taarụ, asị a nyị ịsị ụ sị mẹ Idevidi agụvị ka ẹ yị nyị ọ mẹ̀ kà wụ. Avaba ịsa oni Idevidi mẹ vị ọnị ọ nyayịnẹ sị mẹ ọgụvọ wụ.”

1 Ịsamụwẹrị 22:14

Di Ahimẹrẹkị tụ́ ohi dị ọ ka, “Taarụ, wâ yẹ ka ịnị avaba ezi ahụ awụ ẹ yị nyị ọza ana nyị ebira tù Idevidi. Idevidi vị ọyẹ ẹwụ, dị ahịka ọnị ọ vị ọga isoja ene ee sere wu nị. Avaba aneehi awụ vị ana nyayịnẹ sị ụbanyị yọ.

1 Ịsamụwẹrị 20:1

Ịhị ọnọọ di Idevidi oni sị zwe hụrẹ Inayoti ana yà ịnị ẹtẹ Iraama, di o ne tù Ijonatani nị. O mè tù ịzọọ, dị ọ tụ́ Ijonatani dị ọ ka, “Sị mị mẹ̀ ada awụ di ee sì ka ọnị ọ̀ wụ̀ mị? Sị ẹ vị ebira odivi ọnị mị mẹ̀ ẹ?”