1 Ịsamụwẹrị 20:24 - IWE ỌNỊNỊ

²⁴ Di Idevidi tẹ tụ́ ịnị avị ịzọọ nị. Ịhị ẹkụhị eche ụhwẹ ọwọọwa si tù, di ohinọyị va yaayịtẹ dị aa rị ịsa nị.

1 Ịsamụwẹrị 20:24 Referans Kwoze

Ụhịrẹyị 21:3

Ọza ọ̀ mẹ̀ ịsị ẹ vọrọ o hine Ẹnẹyịmavara hu ịsọvọ ọyịmẹ̀ nị.

Ụhịrẹyị 17:1

Akịka ẹnụ oyihù ọnị ọza sị ẹngwọọrọ rị, o dahi hu ịsa chọmị-chọmị ọnị ọza rị dị aa họ̀ ọ ọrọkọ nị.

Ụhịrẹyị 15:17

Ọza ọ rị ụka ịdị ọza ene sì ịrẹyị anị, ọ mẹ hụụnị ka ọ na rị iya ịdị ọza anaa kụ ayị anị nị.

Ụhịrẹyị 4:17

Ebira odivi ọ vị ịsọyịrị ẹnịnị, dị ezigi ọyị mẹ̀ sị mẹ anka enyi oyihú yị wa avọọ nị.

Ịjọọnụ 18:28

Dị ẹ rẹ sị Ijeesu hụụnị eehi ịdị Ikayahwasi, dị ẹ sị ọọ nọ ịdị ịgọvọnọ nị. Ẹnẹnẹ viri-viri ọ vị nị. Aniju nịnị ẹ yị ngụ ịzọọ, agụvị ka e yi sì ka eni è du ẹngụ ẹnịnị ẹngụ, agụvị ẹ̀ zụ rị ịsọyịrị Eche Ọyịparahu.

Ịzakaraya 7:6

Ẹnịnị àa rị, di e yee hu, aa vị agụvị ịnẹha ẹngụ ẹnịnị.

Ụhịrẹyị 21:27

Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị.

1 Ịsamụwẹrị 20:5

Di Idevidi tụ́ ohi dị ọ ka, “Wáā yẹ ka ụhwọọ ọ vị eche ụhwẹ ọwọọwa nị? Â vọrọ ka ma yaayịtẹ pè ohinọyị dị ẹmịrị ọ ọ̀ rị ịsa. Jẹẹ ma na tẹ̀ ịnị avị pooro ne tù oruva uhurenyi.

1 Ịsamụwẹrị 20:23

Ịnị ịrẹyị ẹnị ẹmịrị ẹwụ kà aanị yẹ ka Ẹnẹyịmavara vị onivenu ẹmịrị ẹwụ.

1 Ịsamụwẹrị 20:25

Ohinọyị vị ana yaayịtẹ ịzị ọ vịdị yịị yaayịtẹ ọgụrị ugene. Di Ijonatani ọnị kwẹẹtẹ, dị Abịna ọnị yaayịtẹ akaha Ịsọọrụ nị. Ama ẹ yị nyị ọza ana yaayịtẹ aha Idevidi,