1 Ịsamụwẹrị 20:17 - IWE ỌNỊNỊ

¹⁷ Dị Ijonatani ka Idevidi ọ̀ rẹ hị́ eku ka ọnị ô sì ịrẹyị ọnị Ijonatani nị. Ijonatani vị ana nyayịnẹ sì ịrẹyị Idevidi anka ẹngụ anị ụvọta.

1 Ịsamụwẹrị 20:17 Referans Kwoze

Ụhịrẹyị 18:24

Aza ẹnyị vị eneē vene ẹngụ ka ọta ẹnị vị nị ama a nyị ọta ẹnyị ana gụrị ẹngụ huna ẹyịnyara.

1 Ịsamụwẹrị 18:3

Ijonatani ô sì ịrẹyị Idevidi pooro dị ẹ kụkụ hị́ eku yị ẹngụ ka vị ẹnị vaa sị ayịị yị ẹngụ pooro nị.

1 Ịsamụwẹrị 18:1

Idevidi ọnịrị Ịsọọrụ ẹ sị ịrẹyị ẹnịnị kà ta. Ịnị ụmẹ ọnya di Ijonatani ozi Ịsọọrụ nyayịnẹ sì ịrẹyị Idevidi nị. Avaba ayị anị o si sì ịrẹyị Idevidi, dị ẹnị ẹyịva nyayịnẹ sị ayị yị ẹngụ nị.

2 Ịsamụwẹrị 1:26

Ijonatani, ọhụva amị, isu awụ ộ zị mị Ewee re sì ịrẹyị amị pooro, ọnị ọza ọ̀ yị zụ ka. Wâ hyakụ sì ịrẹyị amị hụụnị ọnẹẹ mè zụ sì ịrẹyị ọza

Iwe Ọhụhị Imosiisi ana aa hị́ Ọyịvatụrọda 13:6

Ọ daka vị ọnyara awụ, ọ vị ozi ewu ọnọrụ a vị ọnẹẹ, ọ vị ose ewu ọnị u sì ịrẹyị a vị ọta awụ òo were-were aa tụ wụ ụka ka wa hẹkẹ ori nịnị ọnị ẹwụrị ohiku awụ nịnị ẹ yị hẹkẹ da nị,

Ijeremaya 40:9

Igidarịya ộ kà a yị wa ka, asị ẹnịnị hí angwa ọ̀ yị hụrẹ ẹngụ ẹnịnị ụvọ yị Anibabironi nịnị. Ọ kà ẹnịnị ẹ̀ yaatụ ịnị ẹkụra ẹnịnị dị ẹ̀ sị ịrẹsụ yị ohinọyị Ịbabịrọnị ka ọ vaa rọ̀ wa ẹngụ.

Ụhịrẹyị 17:17

Ọtọta vị eneē su usu ẹngụ, ama anda vị anaā sịị ụvọ pe ẹnya yị ẹngụ ịrẹyị òo tu ọza.