1 Ịsamụwẹrị 20:12 - IWE ỌNỊNỊ

¹² E mè tù ịzọọ di Ijonatani kà a yi Idevidi dị ọ ka ọnị ộ sị Ẹnẹyịmavara ana vị Ohomorihi Anisirẹrị tẹ ivenu, ka â nyị ọnị mẹmẹ vaa họ̀ ada anị irenu wụ, ịnị ụmẹ aanị uhurenyi. Ọ kà ada anị ọ̀ọ ka ọyịza Idevidi, dị ọnị tụ́ na kà a yọ.

1 Ịsamụwẹrị 20:12 Referans Kwoze

Ụhịrẹyị 20:5

Ayị ọza ọ nyịnẹ hụụnị ịkangga, ama ọza ọnị eyi anị hweyi ọ zụ yẹ nị.

Ahẹ Ụgama 17:3

We ve tù mị ịrahụ dị ụ zama mi re nị. Wâ yẹ ayị amị, wâ yẹ ka me yi sì ka ma sị irenu amị ka ịsa odivi.

Ijoovu 31:4

Ijoovu ka Ohomorihi ee re ịsa tụra ịsa ọnị aa mè ọnịrị avaba ahụ ọnị ọnị ee hu.

Ijosuwa 22:22

Ẹnẹyịmavara Ohomorihi ene huna ori nịnị ộ yẹ ịsị ẹ vẹ dị ị maanị mẹ. Yee sì ka avaba Anisirẹrị ẹ rẹ yẹ bẹẹ. Àa vị ka ị́ kụ̀ hịrẹ Ẹnẹyịmavara, dị yẹ yị kụkụ sị ayị tụra a nị, a sị ọ dọ yị tụ.

1 Ịsamụwẹrị 20:11

Di Ijonatani kà Idevidi ọ̀ vẹ dị ẹnị ẹ̀ jịnẹ nọ ịnị avị nị. Dị ẹnị ẹyịva si hu aa nọ ịnị avị nị.

1 Ịsamụwẹrị 20:13

Ọ kà àa vị ada anị èe sì ka ọnị ọ̀ mẹ̀ ẹ ịrẹyị odivi ịzẹyịza nị, ọnị vaa tụ́ naa kà a yị Idevidi, dị ọnị ọ̀ mẹ ka ò zwe dị asị a nyị ịsị ẹ mẹ̀ ẹ. Ọ kà ọnị ọ̀ yị vavọọ mẹ dị asị Ẹnẹyịmavara zẹẹ ka ò zoza yị ọnị. Dị ọ rẹ ka Ẹnẹyịmavara ọ̀ yà pè Idevidi anka ọ mẹ̀ yà pè Ịsọọrụ ada anị nị.

1 Ịsamụwẹrị 23:18

Dị ẹnị ẹyịva rẹ yà ọvịdị Ẹnẹyịmavara, dị ẹ hị́ eku yị ẹngụ ịzọọ nị. Di Ijonatani si hu aa nọ eehi, di Idevidi ọnị yị yà Ihoresi nị.

2 Ịsamụwẹrị 21:7

Ohinọyị ọ yị zẹẹ ka à nyị ịsị ẹ kanyị Imehwibọsẹtị ozi Ijonatani ana vị ozi Ịsọọrụ, agụvị ka â nyị eku ẹnị ẹnịrị Idevidi ne beri Ijonatani ozi Ịsọọrụ a vịdị sị hí yị ẹngụ. Ẹnịnị ệ sị Ẹnẹyịmavara tẹ ivenu ini eku ọnọọ.