1 Ịsamụwẹrị 2:6 - IWE ỌNỊNỊ

⁶ Ẹnẹyịmavara ọ zụ mẹ ka ọza ò sú, dị ọ rẹ zụ mẹ ka ọza ọ̀ yàra nị. Ọ zụ mẹ ka ọza ọ̀ nọ ini ikuta, dị ọ rẹ zụ mẹ ka ọza ọ̀ ha hụụnị ikuta jịnẹ vẹ nị.

1 Ịsamụwẹrị 2:6 Referans Kwoze

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

Ayịsaya 26:19

Aza ayị ene sú rẹ vana vaa yàra. Ẹnịnị vaa haa kwẹẹtẹ. Ẹwụ nịnị avaba aza ene hi ini ikuta vaa haa kwẹẹtẹ dị ẹ yaa jị ahẹ ịrajẹ. Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.

2 Ohinọyị 5:7

Óhinọyị Anisirẹrị mẹ̀ kà ịrẹta ọnọnị kẹnẹ, dị ayị anị du, dị ọ na awuru anị hi ẹngụ. Ọ kà, vị ọnị wáá vị Ohomorihi ana zụ dọ ọza ụhwẹ, dị ọ́ rẹ zụ mẹ ka ọza ọ̀ yara nị? Sị ẹ vẹ dị aa tụ ọza vee tu ọnị ka ọnị ọ̀ mẹ̀ ẹ ụkụ ọbanyị anị? Ọ kà, è re ka, vị ohinọyị Isiriya ee sì ọnị ịrazị kẹnẹ aanị nị.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ijoovu 5:18

Ọ̀ọ nya ọza ịsa, dị ọ za gụrị ẹngụ. Ọ̀ọ tọ ọza ụnava dị ọ rẹ wụ ọ ụnanava.

Ịjọọnụ 11:25

Dị Ijeesu kà a yọ ka, “Ẹmị ọnọnị ọọ̄ ha ọzaa hụụnị isu, dị mị rẹ mẹ ka ọza ọ̀ yàra nị. Ọza ana àa sị ayị tụra mị, ọ̀ọ daka sú, ọ vị vaa yàra pooro zịna-zịna.

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

Ahẹ Ụgama 116:3

Mâ nyị ẹngụkata ọnịrị ayodu ana ahịka ọ sị vọ chee me wusu. Mị ka ọ sị vọ hwẹ̀ à raà sị mị ne chire ẹtẹ.

1 Ịsamụwẹrị 20:3

Di Idevidi rẹ hị́ eku dị ọ ka, “Ịzẹyịza m maa kà nị. Ada awụ ộ yẹ ịnị ayị anị ka wee sì ịrẹyị amị ẹtẹẹtẹrẹ. Agụvị avọọ ọ yị zẹẹ ka wa yẹ ịsị ọnị vaa mẹ̀ ka ayị va kụ́ wụ. Maa sị Ẹnẹyịmavara tẹ ivenu, dị mị rẹ sị ịrẹsụ awụ hị́ eku ka owu ihihine ọnya kẹnẹ ọ jị ọnịrị isu ịnẹ aanị nị.”

Ahẹ Ụgama 68:20

Ohomorihi ayị vị Ẹnẹyịmavara, Ananyị yị ọ ka asị i sú nị.

Ịrẹyị Ọzwọzịsa 3:3

Aa nyị ụmẹ ana a sịị wụ̀ ọza, dị a nyị ụmẹ ana a sịị mẹ ọza ụkụ nị. Aa nyị ụmẹ ene e sii wú irehi hi ẹtẹ, dị a nyị ụmẹ ana a sịị tenyi ọ tụra nị.

Ezikẹẹrị 37:3

Ezikẹẹrị ka Ẹnẹyịmavara ộ kà a yị ọnị ka, ozi-ọza, ẹchụkụ ẹnẹnị ẹ́ẹ́ kụkụ zụ vara ọza da? Dị ọnị tụ́ ohi ka, Ẹwụ Ẹnẹyịmavara Ochẹtẹẹngụ kẹnẹ ọ yẹ nị.

Ezikẹẹrị 37:12

Avọọ, ọnị ọ̀ kà ịsẹ yị aza anị Anisirẹrị nịnị ka, ọnị, Ẹnẹyịmavara Ochẹtẹẹngụ vaa hụ̀ ikuta ẹnịnị, dị ọnị kụ wa tụ ẹhẹ. Ọnị vaa kụ waa varẹma vaavẹ ẹtẹ Isirẹrị.

1 Ohinọyị 17:22

Ẹnẹyịmavara ộ wụ́ ịrẹyị Erija, dị ọ sị ụhwẹ ozi ọnọọ vavẹ va tụ́ ọ ẹngụ, di ozi ọnọọ varẹma yàra nị.

Ahẹ Ụgama 30:4

Ẹwụ nịnị aza ana sị ayị yọ, waa jị ahẹ kụ́ ọ Waa jị ahẹ nịnị, we siī gono ò!

Ahẹ Ụgama 71:20

Ohomorihi, wâ sị eyi amị re ịrẹyị. Mâ rị ụya ana ngụ ajẹ, ama ụ vaa sị mịị varẹma kwẹẹtẹ, ụ rẹ vanaa sị mị kwẹẹtẹ hụụnị eteesu oni mi chì ngụ.