1 Ịsamụwẹrị 2:5 - IWE ỌNỊNỊ

⁵ Aza anaā vịdịị nyị dị ịnẹ aa ha wa vị ana kụkụ ya ahụ ọza dị ẹ̀ va rị ịsa. Dị ịnẹ aa ha aza ọnị ụngwẹẹ̄ vịdịị kụ̀, dị ayị hi wa ka ụngwẹ ộ vịdị kụ̀ ẹnị da nị. Ọnẹẹ ana vịdị vị ọbọrị vaa ma ezi ịhịmba, dị ọnyị ezi ọrụrụ vaa vara ọbọrị.

1 Ịsamụwẹrị 2:5 Referans Kwoze

Iruuku 1:53

Ộ sị ịsa ozoza yị aza ọnị ụngwẹ aa kụ̀, dị ọ dụ opisa nịnị aa nọ eehi avosusu nị.

Ahẹ Ụgama 113:9

Ộ mẹ ka ọbọrị ọ̀ ma ozi, dị ọ kụkụ sị ụbanyị yọ tụ́ ini eehi anị nị Waa kụ́ Ẹnẹyịmavara.

Ijeremaya 15:9

Ọnyozi ọnị ezi ịhịmba su, vị ọnị ewu za, dị â tụ kẹẹkẹẹ. Ọọdụ anị ọ sị vara ịrahụ yọ; asị ụhị mẹ nyị ọ, dị ayị anị sị du nị. Ẹnẹyịmavara ọ́ sị ọ ka, ọnị vaa navọ ọnịvị Anijuda nịnị ka ẹ̀ vaa wụ́ ẹnịnị ana kụkụ yị yara.

Ahẹ Ụgama 34:10

Wáá yẹ ka ịjị ẹnyị ụngwẹ kụ̀ idu nịnị di e yi re ịsa rị? Ama aza ana ahịka ẹẹ̄ mẹ̀ ịsa ẹnẹ Ẹnẹyịmavara kà, ẹ yị nyị si e yee sì ẹnị è yi vee re.

Iruuku 16:25

Dị Abụrahamị ka: ‘Ozi, tamayị ka ụ mẹ̀ yà ẹhẹ, wâ dọ ịsa ọyịza-ọyịza, di Ịrasarụsị ọnị rị ụya ẹtẹẹtẹrẹ nị. Ama booro aanị, ẹngụ anị ọ sị rọ tụ́ ịzẹnị, ama ẹwụ aa rị ụya ịzọọ.

Ayịsaya 54:1

Ẹnẹyịmavara kà: Ẹwụ ọbọrị, waa jị ahẹ. Ẹwụ ẹnẹ ẹ̀ yị barẹẹ da, wa jị ahẹ booboro, dị ụ waa jẹ. Agụvị ka ụ vaa nyị ezii huna ọnẹẹ ana và ọnọrụ.

1 Ịsamụwẹrị 1:6

Ọhịnị anị Ipenina vị eneē sii ka ọnị ọọ̄ sune ayị ka ọ vị ọbọrị.

1 Ịsamụwẹrị 1:20

Ịjị ọ naa mẹ ụmẹ chee, dị Ịhaana zyẹẹ, dị ọ ma ozi ọnọrụ nị. Dị ọ ka ịrẹha ozi anị ọnọọ ọ rị Ịsamụwẹrị nị. Ọ kà ọnị ộ pa a hụụnị ụvọ Ẹnẹyịmavara.

Anigaratiya 4:27

 chẹrẹ tụ́ ini Iwe Ohomorihi ka: Ẹwụ ọbọrị ẹnẹ ẹ̀ yị ma ozi, waa jẹ! Ẹwụ ọnị ịrẹẹ ọọ̀ yị zị da, wee nowu ịrajẹ ẹtẹẹtẹrẹ, agụvị ka ọnẹẹ ana vị ọnịnya vaa nyị ozii huna ọnẹẹ ana nyị ọnọrụ.

Iruutu 4:15

Ose ozi ẹwụ ọnọnị ô sì ịrẹyị awụ. Ọnị ọ ma ozi ọnọọ yị wụ nị. Ô huna ezi ọnọrụ ịhịmba yị wụ. Ozi ọnọnị va sị ụkata awụ vara ọwọọwa. Ọ va tẹsị awụ wèe sị bo.”

Ayịsaya 33:9

Ẹtẹ ọnọọ kụkụ vi osusu tịtẹ kẹnẹ, ẹ yị kụkụ nyị ọza ịnị anị. Avaba ọchị ene hi ini iriku Ịrẹbanọnị ẹ kụ́ wọrọ. Ini ozi Ịsarọnị ana vịdị maanị zoza ọ kụkụ sị vara ọpaapara. Ọchị ene hi ịnị ataba Ịbasanị ọnịrị Ịkamẹrị ẹ kụ́ wọrọ avị.