1 Ịsamụwẹrị 2:27 - IWE ỌNỊNỊ

²⁷ Ẹkụhị ọnya ọza Ohomorihi ọnya aanị ộ va kà ụtụ ọnị Ẹnẹyịmavara tụ́ hi Eri. Ọ kà ụmẹ ọnị óhiku ẹnịnị sị vị ọrịhị tụ́ ịnị ụvọ ohinọyị Anijipiti, ọnị ộ sị ẹngụ anị zụ̀ wa.

1 Ịsamụwẹrị 2:27 Referans Kwoze

1 Ohinọyị 13:1

Ẹkụhị ọnya di Ijerobowami hịrẹ nọ aha ịsọvọ ka ọnị ọ̀ na rị eturare ịra mẹ̀ ịsọvọ nị. Ọ mẹ̀ vavọọ yà ịzọọ, di o vene re ka ọza Ohomorihi ọnya aanị ộ hụrẹ Ijuda vẹ nị. Â nyị ịrẹyị ẹnị Ẹnẹyịmavara sị tụ́ ọza ọnọọ ka ọnị ọ̀ kà yị aza ene hi Ịbẹtẹrị.

Ọdọvịdị 13:6

Dị ọnẹẹ ọnọọ na kà a yị ọva anị nị. Ọ kà â nyị ọza Ohomorihi ọnyara aanị ana sị mẹ anka anggẹẹrị ene ve tu ọnị. Ọ nyayịnẹ e chire ọza angwa nị. Ama ọnị ọ yị họ̀ ọ ịzị ọ hụrẹ vẹ, ẹ yị rẹ ka yị ọnị ịrẹha anị rị.

Iwe Ọhụhị Imosiisi ana aa hị́ Ọyịvatụrọda 33:1

Aanị Imosiisi, ọza Ohomorihi mẹẹ mẹ̀ aduwa yị Anisirẹrị nịnị dị ò ve su nị.

Ọyịkụra 4:27

Dị Ẹnẹyịmavara hị́ Eerọnị dị ọ ka: Ọ na oze ịnị ụnọmị dị ọ na gẹrị Imosiisi. Ịzẹyịza dị aa na, dị ọ na gẹrị ọ, dị ọ hara Imosiisi kú ayị nị.

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.

1 Itimoti 6:11

Ama ẹwụ ana vị ọza Ohomorihi, asị ụ sị ụvọ tụ́ ịnị ịsa ẹnẹẹ! Sị vụrị we re ka waa mẹ̀ ebira ana vọrọ, dị o re zé Ohomorihi eyi! Wa yịị sị ayịị tụra Ohomorihi! Wee sì ịrẹyị ọza, dụ wa nyị isuuru, dụ wa rẹ nyị ebira hẹẹ!

1 Ịsamụwẹrị 9:4

Ịzẹyịza dị ẹ kwẹẹtẹ dị ẹ zị oze ẹkụra Ehwireemi ana yà ịnị ataba, dị ẹ vavọọ zị ọ na ngụ okokooro ịzị aā hị́ Isarisa nị. Ẹnịnị e yi re ịkẹrịkẹtẹ ẹnẹẹ. Dị ẹnịnị na, dị ẹ rẹ nọ ịnị ẹtẹ Ịsọọrụ nịnị rẹ zi oze ẹtẹ Anịbẹnjamịnị na para hu nị, di è yi rị re ịkẹrịkẹtẹ ẹnẹẹ nị.

Ọdọvịdị 6:8

dị ọ tụ́ ọnịsẹ ana ka enube yị wa nị. Ẹnẹyịmavara kà ọnị ọ sị wa hụụnị udi ọrịhị ana a za wa Ijipiti nị.

Ọyịkụra 12:43

Dị Ẹnẹyịmavara rẹ kà a yị Imosiisi ọnịrị Eerọnị dị ọ ido ana yà ini eche ọyịparahu yị. Ọ kà ọzọga ọ mā rị ịnị ịsa eche ọnọọ.

Ọyịkụra 12:1

Ẹnẹyịmavara ộ kà a yị Imosiisi ọnịrị Eerọnị e mè hi Ijipiti, dị ọ ka:

1 Ịsamụwẹrị 3:12

Ọ kà ịjị ụmẹ òo si tù, avaba ịrẹyị ọnị ọnị vịdị kà a ka o vee tù Eri, ọnị aa mẹ̀ ẹ ọ ka ịrẹyị ọnọọ vee tù avaba anovwoovu Eri bemi.

1 Ohinọyị 2:27

Di Isoromọnị dụ Abiyata hụụ ịzọọ ka asị ọ kụkụ vị ohirẹsụ irehi Ohomorihi yi Ẹnẹyịmavara nị. Ịrẹyị ọnọnị ộ mẹ̀ ka ịrẹyị ẹnị Ẹnẹyịmavara kà tụ́ ịrẹsụ irehi Eri ịnị ẹkụra Isiro ọ̀ sẹ.

1 Ịsamụwẹrị 9:6

Di ozida ọnị ọnịrị Ịsọọrụ zị aanị hị́ Ịsọọrụ dị ọ ka ọ́ọ́ yẹ ka â nyị ọza Ohomorihi ọnya ịnị ẹkụra ọnọnị. Ọ kà aza ệ sị ụbanyị yọ ẹtẹẹtẹrẹ, ka avaba ịrẹyị ọnị ộ kà, avọọ ọ mẹ̀ raa yịị yà nị. Ozida ọnọọ ka Ịsọọrụ ẹ̀ vẹ dị ẹnị ẹ̀ nọ ịzọọ, ka ọ zụ hụ ọ dị ọ kà a yị ẹnị oze ana a vọrọ ka ẹnị ẹ̀ zị.