1 Ịsamụwẹrị 2:1 - IWE ỌNỊNỊ

¹ Ịhaana ộ mẹ̀ aduwa dị ọ kà, “Ẹnẹyịmavara ọ raà mẹ̀ ka maa jẹ ịrajẹ; Ayị amị vị ana nyayịnẹ hine agụvị ịsa ọnị ọ mẹ̀ yị mị. Ma nyẹngụ jẹẹ ọvịdị ọnịvị amị, di mee nyi wa unyi. Mâ dà jẹ kẹnẹ ka Ohomorihi ọ raà dọ mị tụ́.

1 Ịsamụwẹrị 2:1 Referans Kwoze

Ahẹ Ụgama 13:5

Ama mâ yẹ ka ẹwụ vi ene eē sì ịrẹyị ọza pooro. Ọnọọ mị sị ayị tụra nị Maa jẹ agụvị ka ẹwa vaa dọ mịị tụ́ nị.

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

Ahẹ Ụgama 92:10

Wa raà mẹ ka ma nyị ụkata anka ụnọ, dị ụ raà mẹ ka ò zee mị dị maa jẹ nị.

Ahẹ Ụgama 89:17

Ẹwaa sị ụbanyị ọnịrị ụkataa yị wa nị. Wê nyị yi iyi, dị ụ sị ụkata yị nị.

Anihwiripi 4:4

Waa jẹ nịnị ụmẹ tụra ụmẹ agụvị Ananyị yị. Me re tenyi ọ kà, mị ka waa jẹ nịnị.

Ahẹ Ụgama 20:5

Ịjị wàa sị ọnịvị awụ huna, dị yaa jẹ kẹnẹ dị yaa kụ́ Ohomorihi avọ ka wa sị ẹbẹẹba ọnịvị awụ nyị Ẹnẹyịmavara ọ̀ navọ ọ̀ sị avaba ịsị wèe sìi yị wụ.

Ahẹ Ụgama 9:14

Wẹ̀ yị zẹẹ ka me sú, mị va zụụ jẹẹ Ịzayọnị ịnị akakana aza awụ dị maa gā wụ Dị mị ya ịzọọ dị maa jẹ agụvị ka wa raà dọ mị tụ́.

Ahẹ Ụgama 35:9

Ẹnẹyịmavara, wàa vavọọ sị ọ mẹ, dị ụ sị mị dọ ha nị ụ vaa mẹ ka maa jẹ, dị ịnẹ amị ee hine.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Aniroomi 5:11

Ẹ yị vị avọọ kẹnẹ, ọ mẹ̀ vị. Ohomorihi ọ raà mẹ ka yaa mẹ ụbanyị agụvị Ijeesu Ananyị yị Ikirisiti, ọnị ọ mẹ ka ẹyịrị Ohomorihi ọ̀ varẹma ze nị.

Ihabaku 3:18

ọ ka ayị anị vee hine, dị ọnị aa jẹ agụvị ka Ẹnẹyịmavara, Ohomorihi ọ vị ẹnẹdọha anị nị.

Ahẹ Ụgama 118:14

Ẹnẹyịmavara ọ raà mẹ ka ma nyị ụkata, ọnị mị vaa jị ahẹ gono nị. Ọnị aa dọ mịị há nị.

Ahẹ Ụgama 89:24

Ụ rẹ ka ụ vee sì ịrẹyị anị dị ụụ sị ayị yọ. Dị ụ rẹ mẹ ka ọ̀ nyị ẹbẹẹba ọnịvị anị.

Ọyịkụra 15:21

Di Imeriyamị aa jị ahẹ yị wa dị ọ ka, “Waa jị ahẹ gono Ẹnẹyịmavara agụvị ka ọ sị ọnịvị anị hú ẹtẹ. Ọnọọ ọ sị zụ̀ ka ộ nyị ụbanyị. Umaata ọnịrị onumaata vị ọnị ọ tụ ụvọ và hi ini òkū.”

Ọyịkụra 15:1

Ahẹ oni Imosiisi ọnịrị Anisirẹrị jị gono Ẹnẹyịmavara ịhị ọnọọ yị: “Maa jị ahẹ gono Ẹnẹyịmavara agụvị ka ọ sị ọnịvị amị huna, ọ raà sị zụ̀ ka ọnị Ộ nyị ụbanyị. Umaata ọnịrị onumaata vị ọnị ọ tụ́ ụvọ và hi òkū.

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

Ahẹ Ụgama 51:15

Ẹnẹyịmavara, navọ wa há mi irenu, di maa kụ́ wụ avọ.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Ihabaku 3:1

Aduwa ọnị Ihabaku mẹ̀.

Ahẹ Ụgama 75:10

Ohomorihi vaa gara ụkata aza edivii ha, dị ọ mẹ ka aza ana aa mẹ̀ ebira ana vọrọ ẹ̀ẹ nyị ụkata hu avọọ.

Ahẹ Ụgama 71:8

Eyinị-eyinị vị ọnị maa kụ́ wụ avọ pooro, dị maa kà a ka wâ nyị ụbanyị.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Iruuku 1:69

Ọ raà sị Ọdọzaha ọbanyị ọnya hụrẹ ini ovwoovu Idevidi ozi ahụ anị yị yị.

Inehemaya 11:17

Imataniya ozi Imika ana vị ozi Izabidi ozi Asahwi ọ kụ aza jị ahẹ ana sị mẹ̀ aduwa ọyị kụ avọ nị; Ẹnị ana vị ọnọgụhụva anị ẹ vị Ibakibukiya ọnịrị Abida ozi Isamuwa ana vị ozi Igarari ozi Ijedutuni.

Iwe Ọhụhị Imosiisi ana aa hị́ Ọyịvatụrọda 33:17

Ijosẹẹhụ ọ nyị ụkata anka ụnọ, dị ọ nyị ọpanyị ẹya nị. Otomiroku isoja Ehwireemi ọnịrị Ịmanasẹ vị ana nyị ụkata anka ụnọ nịnị. Ẹya mẹẹ sị ọpanyị anị gara ọnịvị anị ha avọọ, avọọ ezi Ijosẹẹhụ mẹ vaa mẹ ọnịvị ẹnịnị, dị ẹ dụ wa ne hị́ ụta ẹhẹ nị.

Ijoovu 16:15

Ijoovu ka ọnị ọ zị ẹngụ, dị ọnị chire awuru anaa sị zị ẹngụ, dị ọnị yaatẹ tụ ịnị edudu nị.

Ahẹ Ụgama 148:14

Ọ raà mẹ ka aza anị ẹ̀ nyị ụkata dị avaba ẹnịnị kụkụ aa kụ́ ọ avọ nị. Mị ka Anisirẹrị ọnị ọ nyayịnẹ sì ịrẹyị anị vị ana aa kụ́ a avọ Waa kụ́ Ẹnẹyịmavara avọ nịnị.

1 Ịsamụwẹrị 1:6

Ọhịnị anị Ipenina vị eneē sii ka ọnị ọọ̄ sune ayị ka ọ vị ọbọrị.

1 Ịsamụwẹrị 1:7

Avọọ oō mee du ọ ayị ịrayị-ịrayị ẹnịnị ẹẹ nọ ịnị irehi Ẹnẹyịmavara nị. Dị ahịka Ịhaana ee sụ ùnè, dị ọ yị rị ịsa nị.

2 Ịtọpa 20:27

Ịjị ẹ sị mẹ̀ ta, di Ijehosahwati kụ́ isoja anị varẹma vẹ Ijerusarẹmị ịnị ịrajẹ ka Ẹnẹyịmavara ọ raà sị wa nyị ẹbẹẹba ọnịvị ẹnịnị.

Ahẹ Ụgama 21:2

Ohomorihi avaba ịsị ohinọyị ee sì vị ọnị ụ sị yọ mị ka avaba ịsị ọ ka wa sị yị ọnị vị ọnị ụ sị yọ ẹ yị nyị ikonya ana vọ ẹtẹ.

Ahẹ Ụgama 89:18

Mị ka Ẹnẹyịmavara ee sere yị ka asị a nyị ịsị e tù yi nị. Ọnị Ohomorihi ana Anisirẹrị aa hẹkẹ ọ vị ohinọyị ayị nị.