1 Ịsamụwẹrị 18:11 - IWE ỌNỊNỊ

¹¹ Di o ne ọha ọnọọ ụpẹ ẹẹva ka ọnị ò gu ọ chire Idevidi na za ugene nị. Di Idevidi hụrẹ oze yọ ịnị ụpẹ ẹyịva ẹnẹẹ nị.

1 Ịsamụwẹrị 18:11 Referans Kwoze

1 Ịsamụwẹrị 20:33

Dị Ịsọọrụ ne ọha ana yarị ọ ka ọnị ọ̀ gu ọ chire Ijonatani nị. Di Ijonatani sị yẹ ka ịzẹyịza ada anị ọ sị ẹngụ tenyi ka ọnị ọ wụ Idevidi nị.

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ịjọọnụ 10:39

Di e re yee sì ka ẹnị ẹ̀ za Ijeesu nị, ama dị ọ sị tụ̀ wa ụvọ nị.

Ịjọọnụ 8:59

Dị ẹ kụ́ ụvọ kụ́ ịrẹta, ka eni è ne e hi Ijeesu nị, ama dị Ijeesu sị ẹngụ anị tẹ yị wa, di o hụụnị irehi Ohomorihi nị.

Iruuku 4:30

Ama di Ijeesu zị oze ịnị akakana ẹnịnị, di o si hu aa na nị.

Ụhịrẹyị 27:4

Ọza anaā kụ ayị óo divi, ama ọza anaā kụ́ ụhị o divi hu nị.

Anihiburu 11:34

Aza ẹnyị ẹnịnị ệ mẹ ka ịra ana aa za giri-giri, ò mi. Aza ẹnyị ẹ rẹ há hụrẹ ụvọ aza ana ka ẹnị aa wụ̀ wa. Aza ẹnyị ana vịdị vị ọkụmị, ẹ sị ụkata nyị. Ẹ sị vara ọkụrẹkụ ana nyị ụkata. Ẹnịnị kụkụ aa dụ isoja nịnị anẹkụra ọsa.