1 Ịsamụwẹrị 18:1 - IWE ỌNỊNỊ

¹ Idevidi ọnịrị Ịsọọrụ ẹ sị ịrẹyị ẹnịnị kà ta. Ịnị ụmẹ ọnya di Ijonatani ozi Ịsọọrụ nyayịnẹ sì ịrẹyị Idevidi nị. Avaba ayị anị o si sì ịrẹyị Idevidi, dị ẹnị ẹyịva nyayịnẹ sị ayị yị ẹngụ nị.

1 Ịsamụwẹrị 18:1 Referans Kwoze

Ụhịrẹyị 18:24

Aza ẹnyị vị eneē vene ẹngụ ka ọta ẹnị vị nị ama a nyị ọta ẹnyị ana gụrị ẹngụ huna ẹyịnyara.

1 Ịsamụwẹrị 20:17

Dị Ijonatani ka Idevidi ọ̀ rẹ hị́ eku ka ọnị ô sì ịrẹyị ọnị Ijonatani nị. Ijonatani vị ana nyayịnẹ sì ịrẹyị Idevidi anka ẹngụ anị ụvọta.

2 Ịsamụwẹrị 1:26

Ijonatani, ọhụva amị, isu awụ ộ zị mị Ewee re sì ịrẹyị amị pooro, ọnị ọza ọ̀ yị zụ ka. Wâ hyakụ sì ịrẹyị amị hụụnị ọnẹẹ mè zụ sì ịrẹyị ọza

1 Ịsamụwẹrị 18:3

Ijonatani ô sì ịrẹyị Idevidi pooro dị ẹ kụkụ hị́ eku yị ẹngụ ka vị ẹnị vaa sị ayịị yị ẹngụ pooro nị.

Anikorasi 2:2

Mị vavọọ aa vụrị agụvị ayị ẹnịnị ẹ̀ vị́, di è zụ sì ịrẹyị ẹngụ, dị ẹ̀ rẹ zụ vabẹ. Mee sì ka ẹ̀ yẹ ẹtẹẹtẹrẹ ịsa Ohomorihi vị ọnịrị ịrẹyị oni iruvo anị nyịnẹ. Ịrẹyị ọnọọ ọ vị Ikirisiti ọnị nyẹmba nị.

Oyinyima 44:30

Dị ọ ka éē re ka ọnị òo ve ne tù ada anị, dị ọnịrị ozi ọnọọ ọ̀ yị zị na nị, dị ahịka o yi re ozi ọnọọ nị, vi ee sú nị. Ọ raà sị ịrẹyị ozi ọnọnị tụ́ ịnị ayị baaba. Ịjọnọọọ dị ahịka ayodu ọnị sị mẹ ka ada anị ọzọkwọọkụ ò su nị.

Iwe Ọhụhị Imosiisi ana aa hị́ Ọyịvatụrọda 13:6

Ọ daka vị ọnyara awụ, ọ vị ozi ewu ọnọrụ a vị ọnẹẹ, ọ vị ose ewu ọnị u sì ịrẹyị a vị ọta awụ òo were-were aa tụ wụ ụka ka wa hẹkẹ ori nịnị ọnị ẹwụrị ohiku awụ nịnị ẹ yị hẹkẹ da nị,

1 Ịtọpa 12:17

Idevidi ộ na gẹrị wa, dị ọ kà a yị wa ka, àa vị ẹ vẹ ka ẹnị è ve pe ọnị za ọta dị ẹnị ẹ̀ gụ ọnị ụvọ nị, ẹnịnị ẹ̀ nyaasẹ. Ama àa vị ẹ vẹ ka ẹnị ẹ̀ va kụ́ ọnị ahụ yị ọnịvị anị nịnị, Ohomorihi ohiku ộ yẹ. Ọ vaa sị ụyaa rị wa, ka ọnị ẹ yị mẹ wa ọhịmị.

1 Ịsamụwẹrị 19:2

Dị ọ na kà a yị Idevidi dị ọ ka, “Ada amị ee sì ka ọnị ọ̀ wụ̀ wụ. Re ka waa sị eyi pè ẹngụ awụ, o! Ẹnẹnẹ ụhwọọ viri-viri zwe di we sì aha dị wa na tẹ̀ tụ́ ịzọọ.

Ọdọvịdị 20:11

Avaba Anisirẹrị saka-saka ẹ̀ vabẹ, dị ẹ kụ ịrẹkụ ne tu Anẹkụra ọnọọ.

Ahẹ Ụgama 86:11

Ẹnẹyịmavara, navọ wa si oze awụ zụ̀ mị, ka ịzẹyịza awụ mị vaa saasa nị. Navọ ayị amị ò vị ọnya, dị me zụ hí angwa awụ.

1 Ịsamụwẹrị 14:45

Dị aza ẹnẹẹ va kà a yị Ịsọọrụ dị ẹ ka, “Ụ wáá vị ana aa vaa kà a ka à wụ Ijonatani nị? Wáá yẹ ka ọnị ọ maanị dọ Anisirẹrị tụ́ aanị nị? Ireche yọ nị, oo! Ẹnẹyịmavara ọ̀ọ vị ọnya, ẹ yị nyị ịsị a nyayịnẹ sị mẹ Ijonatani. Yâ yẹ ka Ohomorihi ọ gụ ọ ụvọ ka ọ maanị mẹ ajịnị aanị nị.” Avọọ aza ẹnẹẹ mẹ̀ mẹ dị ẹ dọ Ijonatani tụ́ dị ọza ọ̀ yị rẹ vaa wụ̀ ọ nị.

1 Ịsamụwẹrị 19:1

Ịsọọrụ ộ hị́ ozi anị Ijonatani ọnịrị avaba ezi ahụ anị dị ọ ka ẹnịnị ẹ̀ wụ Idevidi nị. Ama Ijonatani oni ô sì ịrẹyị Idevidi ẹtẹẹtẹrẹ.

1 Ịsamụwẹrị 20:8

Di Idevidi rẹ ka, “Navọ wa gụ mị ụvọ. Wâ yẹ ka wâ mẹ ka ya hị́ eku yị ẹngụ ọvịdị Ẹnẹyịmavara. Àa nyị ebira odivi ọnị mị mẹ, ẹwụ ụvọta ọ̀ wụ̀ mị. Me yi sì ka wa sị mị na yị ada awụ ka ọ̀ wụ̀ mị.”

1 Ịsamụwẹrị 22:8

A vị agụvị avọọ avaba awụ nịnị kụkụ kwẹẹtẹ tù mii? Ẹ yị hyakụ va nyị ọza ana jị ọ ahị hi mi ụtọ ka ozi emi ọnịrị ozi Ijeese ẹ raà hị́ eku yị ẹngụ. Ẹ yị nyị ọza awụ ọnị ịrẹyị amị jị areyi ana a vọrọ ka ọ̀ va kà a mị ka ozi emi ọ raà tụ́ ozi ahụ amị ịrẹyị ka ò kukuu bè mi anka ịsị aa mẹ booro aanị.”

1 Ịsamụwẹrị 23:18

Dị ẹnị ẹyịva rẹ yà ọvịdị Ẹnẹyịmavara, dị ẹ hị́ eku yị ẹngụ ịzọọ nị. Di Ijonatani si hu aa nọ eehi, di Idevidi ọnị yị yà Ihoresi nị.