1 Ịsamụwẹrị 17:55 - IWE ỌNỊNỊ

⁵⁵ Idevidi mèe nee tù Anihwirisiti ọnọọ, Ịsọọrụ ô re e. Dị Abịna ana vị ọga isoja use ka ẹnị ẹ ma ozi ọnọọ nị. Dị Abịna ka ọnị ộ sị ịrẹsụ ohinọyị hị́ eku ka ọnị ọ yị hyakụ yẹ.

1 Ịsamụwẹrị 17:55 Referans Kwoze

1 Ịsamụwẹrị 17:58

Dị Ịsọọrụ ka, “Ozi ọnọnị, ẹnị ẹ ma wụụ?” Di Idevidi ka, “Taarụ, Ijeese ana vị Anịbẹtịrẹhẹmị ọ vị ada amị nị.”

Oyinyima 42:15

Dị ọ ka ịsị ọnị aa vaa kà aanị ọnị vaa sị yẹ iruvo ẹnịnị nị. Dị ọ ka ọnị ộ sị ịrẹsụ ohinọyị hị́ eku ka à yị vị ọhụva ẹnịnị ana vị ozweyi vẹ ịzẹnị, ẹ yị nyị ọza ẹnịnị ana aa hụụ ịzẹnị.

1 Ịsamụwẹrị 16:12

Ịzẹyịza di Ijeese tụ́ dị a na hị́ ozi ọnọọ vẹ nị. Ozi ọnọọ mẹ̀ vẹ ô zoza ẹtẹẹtẹrẹ, dị ahịka ovivi ọ vị nị. Dị Ẹnẹ ẹ̀ yị mā ka Ịsamụwẹrị ọ̀ kwẹẹtẹ dị ọ̀ nyị ọ, ka ọza ọnị ọnị aa ka ọ vị ọnọọ nị.

1 Ịsamụwẹrị 17:54

Di Idevidi sị ịrẹsụ Anihwirisiti ọnọọ, dị ọ sị ọ nọ Ijerusarẹmị nị. Dị ọ kụ́ ẹnya ịrẹkụ Anihwirisiti hi ịnị ajẹngụ anị nị.

1 Ịsamụwẹrị 17:56

Di ohinọyị ka ò ne họ̀ use ka ẹnị ẹ vị ada ozi ọnọọ nị.

1 Ịsamụwẹrị 26:5

Di Idevidi si hu aa nọ ịzị Ịsọọrụ kụ́ udi tụ́ nị. Ọ mẹ̀ na, di o re ịzị Ịsọọrụ ọnịrị Abịna ozi Ineri ana vị ọga isoja hi nị. Ịsọọrụ vị ana hụtụ ịnị ajẹngụ, di isoja anị kara a nị.

1 Ịsamụwẹrị 1:26

Dị Ịhaana kà, “Nda, wáá kụkụ yẹ mị aanị? Ẹmị ma vị ọnẹẹ ana jẹẹ ịzẹnị aa mẹ̀ aduwa hi Ẹnẹyịmavara ịhị ọnọọ nị.

1 Ịsamụwẹrị 14:50

Ịrẹha ose Ịsọọrụ ọ rị Ahinowamị nị. Ahinowamị ọnọọ vị ozi Ahimaazị. Ịrẹha Ọga isoja Ịsọọrụ ọ rị Abịna nị. Abịna ọnị vi ozi Ineri, Ineri ọnọọ vị ọyịnyara ada Ịsọọrụ.