1 Ịsamụwẹrị 17:32 - IWE ỌNỊNỊ

³² Idevidi mè tù ịda Ịsọọrụ dị ọ kà a yị Ịsọọrụ dị ọ ka asị a nyị ọza ana ayị hụrẹ ịnẹ agụvị Anihwirisiti ọnọọ. Ọ kà ọnị Idevidi ozida Ịsọọrụ ve nee pe Anihwirisiti ọnọọ kụ̀ ịrẹkụ.

1 Ịsamụwẹrị 17:32 Referans Kwoze

1 Ịsamụwẹrị 16:18

Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

Ahẹ Ụgama 3:6

Òo zee e eyi otomiroku aza ẹ̀ kwẹẹtẹ tù mi, eyi ụvọnị-ụvọnị angwa ọ yị hyakụ maanị ee hi mị.

Ayịsaya 35:4

Kà ẹ yị aza ana ayị aa hụrẹ ịnẹ ka asị angwa rè hí wa; ẹ̀ nyị ọtụtụrụma, ka Ohomorihi ẹnịnị aa vaa dọ wa há. Dị ọ ụya rị ọnịvị ẹnịnị.

Ịrịka 14:9

Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Anihiburu 12:12

Ụvọ awụ nịnị ana sị kata, re ka wáa sị ụkata yọ nịnị! Idinku awụ nịnị ana rẹ sị kata, re ka wáa mẹ ka ọ̀ rẹ nyị ụkata nịnị!

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

Ijosuwa 14:12

Dị ọ ka Ijosuwa ọ sị ẹtẹ ịrẹsụ ataba ọnị Ẹnẹyịmavara kà ọ vị anị yị ọnị, Ẹnẹyịmavara vaa gụ ọnị ụvọ dị ọ dọ aza ene hi ịzọọ ẹtẹ anka o me wo oto yị ọnị. Dị ọ ka aa vị eyi Ijosuwa aza ana vọ e juwe ajịmasị ana ra hi ịnị ẹkụra ẹbanyị-ẹbanyị ana jị ọvọ kara.

Ịrịka 13:30

Dị Ịkarẹbị mẹ̀ ka aza anaa rị uhuhu hi Imosiisi e ku irenu ẹnịnị nị. Dị ọ ka, a vẹ ẹnịnị ẹ na dọ ẹtẹ ọnọọ booro aanị. Ẹnị ẹ zụ huuna wa.

1 Ịsamụwẹrị 17:31

Aza ệ wụ́ ịrẹyị ọnị Idevidi aa kà, dị ẹ na kà a yị Ịsọọrụ, dị Ịsọọrụ ka à na hị́ Idevidi vẹ nị.

Ayịsaya 7:4

Ọ kà òo ne si tụ̀ ọ dị ọ̀ kà a yọ ka ò si eyi pè ẹtẹ dị ọ̀ vayị nẹtẹ. Kà a ka asị o hí angwa. Kà a ka asị ayị hụrẹ ẹ ịnẹ agụvị ịrẹyị Irezini ọnịrị Aramị ana vi Iremaraya ana aa kụ́ ayịị hi wu. Ẹnịnị vị ana sị mẹẹ ẹjịjị ịra ẹẹva ana aa tụ́ areyi avọọ.