1 Ịsamụwẹrị 16:4 - IWE ỌNỊNỊ

⁴ Ịzẹyịza dị Ịsamụwẹrị mẹ̀ ịsa ẹnị Ẹnẹyịmavara kà ọ̀ mẹ nị. Ịsamụwẹrị mẹ̀ na ngụ Ịbẹtịrẹhẹmị, Angwa ô hí ọdọvịdị ẹkụra nịnị èe me re e. Dị ẹ kà, “Áá vị ẹ̀ yị nyị ịrẹyịị?”

1 Ịsamụwẹrị 16:4 Referans Kwoze

1 Ohinọyị 2:13

Ẹkụhị ọnya Adonija ozi Ihagiti o ne tu Ịbẹẹsẹba ọnyị Isoromọnị. O mè tù ịzọọ di ọnyị Isoromọnị ka, “Nyaasẹ, a vị â yị nyị ịrẹyịị?” Di Adonija kà, “Eyiye ẹ yị nyị ịrẹyị,

Iruuku 5:8

Ịjị Ịsayịmọnị maanị re e, dị ọ và ku ẹtẹ ọ́vịdị Ijeesu, dị ọ ka, “Ananyị yị, hụụ ịda amị, ka ọnịvị mị vị nị!”

2 Ohinọyị 9:22

Ijorami ộ họ̀ Ijehu use ka: ẹngwọọrọ ọọ sị aa vẹ nị? Dị Ijehu ka, “á mẹmẹ zụ nyị ẹngwọọrọ ịrẹma ọnị ọpọchị ọnịrị ori ọnị ọnyị awụ Ijezebẹrị nyima anị yi hi ẹtẹ?”

1 Ịsamụwẹrị 21:1

Idevidi ọ na sị ngụ ịzị aā hị́ Inobi, dị ọ nọ ịda ohirẹsụ irehi Ohomorihi ana yà ịzọọ ana aā hị́ Ahimẹrẹkị nị. Ahimẹrẹkị mẹ̀ na gẹrị Idevidi, dị ẹngụ anị aa da ẹgahị nị. Dị ọ họ̀ Idevidi dị ọ ka, “Sị ẹ vẹ dị ahịka ẹwụ ịnyara aa vẹ nị? Sị ẹ vẹ dị ẹ̀ yị nyị ọza ana saasa awụ?”

1 Ohinọyị 17:18

Dị ọnẹẹ ọnọọ va hị́ Erija dị ọ ka, “Sị ẹ na jị gẹ ẹmịrị ẹwụ kẹ, ẹwụ ọza Ohomorihi? Vị ụ vẹ ịda amị ka wa va mẹ ka à tamayị ebira odivi ọnị mị vịdị mẹ, dị à wụ ozi emi nii?”

Iruuku 8:37

Dị avaba anẹkụra ana kara Igerasa aa dá ịpẹẹ yị Ijeesu ka ọ̀ hụụ ịdị ẹnịnị nị, agụvị ka angwa ee hí wa ẹtẹẹtẹrẹ. Dị Ijeesu ngụ ẹpa, ka ọnị ọ̀ varẹma nị.

Iruuku 2:4

Ijosẹẹhụ ọnị ọ rẹ hụrẹ ẹkụra Ịnazarẹtị ịnị ẹtẹ Igariri nọ Ijudiya, dị ọ nọ ẹkụra Ịbẹtịrẹhẹmị ịzị a yà ma Idevidi ohinọyị nị. Ijosẹẹhụ ộ nọ ịzọọ, agụvị ka ini ovwoovu Idevidi ọ chị hụrẹ vẹ nị.

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Ihoseya 6:5

Ẹnẹyịmavara kà ọnị ộ tụ́ ọnịsẹ anị ka ẹ sẹ wa rugurugu. Avọọ ọnị mẹ rẹẹ̀ sị ịrẹyị anị wụ́ wa nị. Dị ọnị sị usu chire wa angwa nị. Ọkarẹyị ọnị ọnị vaa mẹ̀ yị wa vaa vẹ anka ịnyanya mẹẹ rị vee avọọ nị.

2 Ịsamụwẹrị 6:9

Ịhị ọnọọ angwa Ẹnẹyịmavara ô hị́ Idevidi. Dị ọ ka, “Apoti Ohomorihi ọnọnị, máá zụ sị ọ tụ́ ịda amị aanị?”

Oyinyima 48:7

Ọ kà agụvị ọnya anị ọnị vavọọ sị kà nị. Ọ kà ọnị mẹ̀ hụrẹ akẹbẹẹba Imesopotamiya aa vẹ Irechẹrị ve sú ịnị ẹtẹ Ikanaani nị. Ịrẹyị ọnọọ ộ zị ọnị ẹtẹẹtẹrẹ. Ọ kà ịjọnọọ ẹnị aa vaa ngụ Ehwirati. Dị ahịka oze Ehwirati ọnị ne e tụ́ nị. Ehwirati ọnọọ a kụkụ aa hị́ Ịbẹtịrẹhẹmị booro aanị nị.”

Oyinyima 35:19

Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị.