1 Ịsamụwẹrị 16:18 - IWE ỌNỊNỊ

¹⁸ Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

1 Ịsamụwẹrị 16:18 Referans Kwoze

1 Ịsamụwẹrị 3:19

Ịsamụwẹrị màa vịra, Ẹnẹyịmavara vị ana yà pè e. Avaba ịrẹyị ẹnẹ Ẹnẹyịmavara sịị zụ̀ Ịsamụwẹrị avọọ avaba anị mẹ̀ rẹ yị mẹ nị.

Oyinyima 39:23

Ọga aza ana a sị si eyi pè ẹngwa ẹ yị kụkụ sị eyi nọ ịnị ịsa ana a raà sị chire Ijosẹẹhụ ụvọ. Ê re ka Ẹnẹyịmavara vị ana jẹẹ ịrẹma Ijosẹẹhụ. Avaba ịsị Ijosẹẹhụ ọ̀ọ mẹ vị ẹnẹ a mẹ ka ò zoza.

Oyinyima 39:2

Ẹnẹyịmavara ộ jẹẹ ịrẹma Ijosẹẹhụ, dị ọ mẹ ka ò zee yọ nị, agụvị avọọ dị ọga anị sị ọ ka ọ va yà ini eehi Anijipiti ana vị ọga anị nị.

1 Ịsamụwẹrị 10:7

Dị Ịsamụwẹrị rẹ ka ịjị avaba ịrẹyị ẹnẹẹ ẹ̀ẹ sị sẹ tụ́ ịrẹsụ Ịsọọrụ ịsa tụra ịsa oni Ohomorihi ọ̀ọ́ ka ọ̀ mẹ, ọ̀ mẹ̀ ẹ, ka Ohomorihi vaa yàa pè e.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

2 Ịsamụwẹrị 17:10

Ọ̀ọ vavọọ yà isoja ana ayị vị hu keekere anka idu vị ana angwahi vaa ngụ ẹngụ. Avaba Anisirẹrị ệ yẹ ka ada awụ ọ zụ kụ̀ ịrẹkụ. Ẹ rẹ yẹ ka isoja ana yà pè e vị ana ayị ẹnịnị nyayịnẹ vị.

2 Ịsamụwẹrị 17:8

Dị ọ rẹ ka Ẹwụ ụvọta ộ yẹ ada awụ ọnịrị aza ana yà pè e. Wâ yẹ ka isoja obooro ẹ vị nị. Ê divi anka ọdụmị ana a wụ̀ ezi. Wa rẹ yẹ ka o si kù ana ada awụ hụrẹ aa kụ̀ ịrẹkụ. Ọnịrị isoja anị ẹ yị vaa sụ aha ọnya ịrahụ.

2 Ịsamụwẹrị 14:20

Ijowabi ozida awụ ọ kà avaba ịrẹyị ọnịnịị mị ka ma vavọọ va kà a wụ nị. Ijowabi vị ana maanị va kà ka ịsavọọ ịsị aa na aanị ọ̀ zụ vara. Taarụ, mâ yẹ ka wâ yẹ ịrẹyị anka anggẹẹrị Ohomorihi avọọ. Ẹ yị nyị ịsị aa na ịnị ẹtẹ ọnọnị ọnị wẹ̀ yị yẹ.”

1 Ịsamụwẹrị 16:17

Dị Ịsọọrụ kà a yị ozi ahụ anị dị ọ ka ò ne sì ọza ịnya ana yara hú agidibo, dị ọ̀ sị ọ va yị ọnị.

1 Ịsamụwẹrị 16:19

Dị Ịsọọrụ tụ́ ọnụtụ anị ọnya nọ ịda Ijeese nị. Dị ọ ka ọ̀ kà a ka ọ̀ sị Idevidi ozi anị ana sị eyi pè ịsụpa avọọ tụ́ va yị ọnị.

1 Ịsamụwẹrị 17:12

Idevidi vị ọnya ịnị ezi ọnọrụ Ijeese ana vị Anehwurata ana ra Ịbẹtịrẹhẹmị ịnị ẹtẹ Ijuda. Ijeese ộ ma ezi ọnọrụ ịhịnta. Ijeese o si bo ẹtẹẹtẹrẹ ịnị ụmẹ ọnị Ịsọọrụ sị vị ohinọyị.

1 Ịsamụwẹrị 16:12

Ịzẹyịza di Ijeese tụ́ dị a na hị́ ozi ọnọọ vẹ nị. Ozi ọnọọ mẹ̀ vẹ ô zoza ẹtẹẹtẹrẹ, dị ahịka ovivi ọ vị nị. Dị Ẹnẹ ẹ̀ yị mā ka Ịsamụwẹrị ọ̀ kwẹẹtẹ dị ọ̀ nyị ọ, ka ọza ọnị ọnị aa ka ọ vị ọnọọ nị.

Ụhịrẹyị 12:8

Ọza ana nyị ịrẹyọyẹ vị ana aā sị ụbanyị yị ama ọnụra vị ana aā sị eyi wụ.