1 Ịsamụwẹrị 15:29 - IWE ỌNỊNỊ

²⁹ Wâ yẹ ka Ohomorihi Anisirẹrị ana nyị ụbanyị o mē cheeche. Ịsị ọ̀ọ ka ọnị aa mẹ aā mẹ nị. Ọ mā mẹ̀ ebira anka ọzarẹyịrẹsụ ana aā vara ayị pooro.”

1 Ịsamụwẹrị 15:29 Referans Kwoze

Ezikẹẹrị 24:14

Ọnị Ẹnẹyịmavara Ananyị ụkata hu ọ sị ịrẹyị anị ka, o si tu ka ọnị ọ̀ mẹ ịsị ọnị ka ọnị aa mẹ, ọnị ẹ́ yị va sị eyi hụụnị ebira odivi ọnị ụ mẹ nịnị; ọnị ẹ́ yị vaa vayị awụ nịnị. Ọnị vaa sị avaba ụya ịsị ọnị ụ mẹẹ rị wụ nịnị.

Ịrịka 23:19

Ohomorihi ọ yị vị ọzarẹyịrẹsụ. O yi mē cheeche, a vị dị ọ vara ayị anị. Ịsị ọ ka ọọ̄ mẹ̀ nị.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

2 Itimoti 2:13

Ẹyị ẹ̀yị daka nyị ịzẹyịza hi ọọ, ọnị yị vị ọnịzẹyịza, agụvị ka ọyị zụ kà a ka ọnị ọyị yẹ ẹngụ anị.

Ahẹ Ụgama 95:11

Di Ohomorihi va kụ́ ayị dị ọ hị́ eku ka aza ẹnẹẹ ẹ yị kụkụ vaa jị ahụụ ngụ ịnị ịzị ọnị ka ọnị yaanị kụ́ wa ne hi dị ẹ̀ẹ tụ́ ụhwọ nị.

2 Anịkọrịntị 12:9

Ama dị o tụ́ mi ohi ka: Ẹyịza ọọhẹ anị ộ hụ mị nị. Ọ kà, ịnị ahịmị ọza, aza vaa yaa re ụkata ọbanyị anị ẹtẹẹtẹrẹ nị. Agụvị avọọ maa jẹ ka maa sị ahịmị amịị wo oto. Ọnọọ vaa mẹ ka ụkata oni Ohomorihi nyị ka ọ̀ dọ yị há ọ̀ yàrị ẹmị.

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Ayịsaya 45:24

Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị.

Ahẹ Ụgama 68:35

Avaba aza vi ene ee hí angwa Ohomorihi ọ́ mẹ̀ hụụnị eehi anị aa vẹ. Ohomorihi Anisirẹrị aa sị ụkataa yị aza anị nị. Waā kụ́ Ohomorihi avọ nịnị!

Ahẹ Ụgama 29:11

Ẹnẹyịmavara aa sị ụkata yị aza anị Dị ọ rẹ sị ẹngwọọrọ mẹ wa ẹyịza nị.

Anihwiripi 4:13

Ma zụ mẹ avaba ịsa ini oze ụkata oni Ikirisiti aa sịị yị mị.

Iwe Ọhụhị Imosiisi ana aa hị́ Ọyịvatụrọda 33:27

Ohomorihi ana yà ịzọọ pooro è sere wu nịnị nị oō sị yị rị ụvọ pooro nị. Eyi awụ nịnị ọ̀ dụ ọnịvị awụ nịnị jịnẹ, dị ọ ka wa wụ̀ avaba ẹnịnị va ha nị.

1 Ịtọpa 29:11

Wáa banyị, dị ụ nyị ụkata nị. Wáa nyị ụbanyị, wée zoza, dị ụ vị ohinọyị nị. Ẹwa nyị avaba ịsa ene hi ẹbẹẹba ọnịrị ẹhẹ nị. Ẹwa vị ohinọyị ene hu anaa mẹ ohinọyị tụra avaba anẹhẹ ịrẹsụ nị.

Anihiburu 7:21

A mẹ̀ sị anovwoovu Ireevi ka ẹ̀ vị ohirẹsụ irehi Ohomorihi, ọza ọ yị hị́ eku yị wa. Dị Ijeesu ọnị va vị ohirẹsụ irehi Ohomorihi, Ohomorihi ộ hị́ eku yọ ka: Ọnị Ohomorihi ọ raà hị́ eku, ọnị ẹ yị vaa vara ayị ka: ẹwa vaa mẹ ohirẹsụ irehi Ohomorihi pooro zịna-zịna nị.