1 Ịsamụwẹrị 15:24 - IWE ỌNỊNỊ

²⁴ Dị Ịsọọrụ va kà a yị Ịsamụwẹrị dị ọ ka, “Ma sị ebira odivi mẹ̀, ma raà jịnẹ ọda ọnị Ẹnẹyịmavara mẹ̀ ọnịrị ịrẹyị ọnị ụ kà yị mị. Aza ana saasa mị nọ ịrẹkụ mi ne hí angwa anị, dị mị na dọ ooho yị wa nị.

1 Ịsamụwẹrị 15:24 Referans Kwoze

2 Ịsamụwẹrị 12:13

Di Idevidi kà a yị Inatanị dị ọ ka, “Ma sị ebira odivi mẹ hi Ẹnẹyịmavara.” Di Inatanị tụ́ Idevidi ohi dị ọ ka, “Ẹnẹyịmavara ọ raà jị eyi vee hụụnị ebira odivi ọnị ụ mẹ. We yi kuku vee sú.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Ịrịka 22:34

Dị Ịbaraamị tụ́ ọ ohi ka, ọnị o nyeeyi. Ọnị ẹ yị yẹ ka anggẹẹrị jẹẹ oze ka asị ọnị re oze na. Òo re e ka ịsa ọnị aa mẹ̀ ẹ yị vọrọ, ọnị aa va ne eehi anị avọọ ne.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Anigaratiya 1:10

U wéé yi ro ka m maa dụ ka ọza ọ̀ọ ga mị nị, à vị Ohomorihi mi sì ka ọ̀ọ ga mị nị? Eyi ọza m maa mẹ̀ nị? Mèe yii sì ka ma mẹ eyi ọza, mẹ yị zụ vị ozi ahụ Ijeesu Ikirisiti.

Imatiwu 27:4

Dị ọ ka, “Ma sị ịvị mẹ, agụvị ka mâ sị ọza ẹnẹ ẹ̀ yị nyị ịsị ọ mẹ chire ọnịvị ụvọ ka ẹ̀ wụ̀ ọọ.” Dị ẹnịnị tụ́ ohi, dị ẹ ka, “Ịzị ọnọọ gẹ ẹyịrị ẹwụ? Áawụ ọ́nọọ kụkụ vị nọ!”

Ọyịkụra 23:2

Asị ụ na saasa ọkọnị aza na mẹ̀ ịsa odivi. Àa hị́ wụ ivenu ịnị ịrẹyị asị ụ na saasa aza ọrụrụ dọ ivenu ireche. Ẹngụ ivenu ọnọọ ọ mā zẹẹ ka à mẹ̀ ọkarẹyị ana vọrọ.

Ijeremaya 38:5

Ohinọyị Ịzẹdẹkaya ô tụ́ ohi ka, ô zoza, ịsị ee ze wa eyi kẹnẹ ẹ̀ na mẹ̀ ọnị. Ọnị ẹ̀ yị za wa jẹ.

Ijoovu 31:34

Mé me hí angwa ka ịsị aza vaa kà; mẹ̀ ma sị irenu ku oku, à vị ka à sị mị nyayịnẹ jịnẹ hụụnị eehi, agụvị ka aza vaa kụ mị isiya.

1 Ịsamụwẹrị 15:30

Dị Ịsọọrụ tụ́ ohi dị ọ ka, “Mâ yẹ ka ma sị akụvị mẹ, ama navọ asị ụ mẹ̀ ụhị nyị mị ịnị eyi ọdọvịdị aza amị ọnịrị Anisirẹrị. Navọ wa saasa mị varẹma dị ma na hẹkẹ Ẹnẹyịmavara ana vị Ohomorihi awụ.”

1 Ịsamụwẹrị 15:15

Dị Ịsọọrụ ka, “Isoja nịnị ẹ navọ Imaaru ọnịrị atẹmẹ ene zoza hu ịnị ịsụpa Anamarẹkị nịnị, dị ẹ kụ́ wa vẹ ka à sị va mẹ̀ ịsọvọ yị Ẹnẹyịmavara ana vị Ohomorihi awụ nọ! Ama avaba ịsa ana vọ vị ọnị ị wụ̀ va ha.”

1 Ịsamụwẹrị 15:9

Ịsọọrụ ọnịrị isoja anị ẹ rẹ vaa wụ̀ Agagị ọnịrị atẹmẹ ne beri imaaru ẹnịnị ene zoza dị ọ banyị. Avaba ịsa ene zoza vị ẹnị ẹ navọ, ẹ yị zẹẹ ka ẹnị ẹ̀ wụ̀ wa va ha saka-saka. Ama avaba ịsa ẹnẹ ẹ̀ yi zee ọza eyi ana ahịka ọkụmị ẹ vị nị vị ẹ wụ̀ va ha saka-saka.

1 Ịsamụwẹrị 2:29

Sị ẹ vavẹ dị ụ maanị aa sị eyi ịyẹyẹẹ re ịsọvọ ọnị ọnị kà a ka aza ẹ̀ẹ sị vẹ di ahịka ezi ewu ụ sị ụbanyị yị hu ọnị Ohomorihi nị, dị ụ navọ ka ezi ewu ẹ̀ẹ kụ́ ene zoza hu ịnị ịsa ana Anisirẹrị sị va yị ọnị dị waa chakaa rị nịnị?

Ọyịkụra 10:16

Di Ihwarawo ụsẹ tụ́ na hị́ Imosiisi ọnịrị Eerọnị dị ọ ka ọnị ọ sị ebira odivi mẹ hi Ẹnẹyịmavara ana vi Ohomorihi. Ọ kà avọọ ọnị mẹ̀ rẹ mẹ̀ ebira odivi hi Imosiisi nịnị bẹẹ ị.

Ọyịkụra 9:27

Di Ihwarawo va tụ́ na hị́ Imosiisi ọnịrị Eerọnị nị. Dị ọ ka ọnị ộ dọ booro aanị ka ọnị ọ sị ebira odivi mẹ̀. Ịsị Ẹnẹyịmavara mẹ ọ gẹ ẹ nị. Dị ọ ka ọnịrị avaba aza anị e si nyeeyi nị.

Oyinyima 3:17

Di Ohomorihi kà a yị Adamị dị ọ ka, “Ịrẹyị ose anị ọ na sị mẹ̀ ụkọrọ, dị ọ na rị ẹtụtụ ọchị ọnị ọnị ka ọ yị nyayịnẹ rị nị Ọ kà avọọ, ọnị ọ raà hụ agụvị anị chì hi ẹtẹ. Ọ kà pooro ịnị avaba ẹhẹ anị vị ọ vaa rị ụya nị”.

Oyinyima 3:12

Dị ọnọrụ ọnọọ ka: Aaa vị ọnẹẹ ọnị ọ sị ve pe ọnị tụ́ ịzẹnị ọ sị ẹtụtụ ọchị ọnọọ yị ọnị dị ọnị va rị ọ.

1 Ịsamụwẹrị 26:21

Dị Ịsọọrụ ka ọnị ọ sị ebira odivi mẹ. Ọ kà “Idevidi ozi emi, navọ wa vavẹ ịda amị. Ẹwa ka asị mi sú ajịnị nị. Ẹ yị nyị ịsị mị kụkụ aa sịị mẹ wụ. Ma sị ụra mẹ, me reè nyeeyi baaba.”

Ahẹ Ụgama 51:4

Ohomorihi, ẹwụ nya chọ̀chọ̀chọ̀ kẹnẹ m maanị rị ịvị anị nị Ẹwụ m maanị mẹ̀ ebira odivi hi nị Ịrẹyị ọnị ụ kà ọnịrị ọkarẹyị ọnị ụ mẹ vị ana vọrọ.