1 Ịsamụwẹrị 15:19 - IWE ỌNỊNỊ

¹⁹ Sị ẹ vavẹ dị ụ mẹ̀ akamawụ hi Ẹnẹyịmavara? Sị ẹ vẹ dị ụ maanị mẹ̀ ebira odivi ini eyi Ẹnẹyịmavara dị ụ na kụ́ ogu oni u re éyi ịrẹkụ?”

1 Ịsamụwẹrị 15:19 Referans Kwoze

1 Ịsamụwẹrị 14:32

Dị e ji kú ịsa ẹnị ẹ dọ éyi ịrẹkụ dị ẹ za atẹmẹ ọnịrị imaaru, dị ẹ wụ̀ wa ini eteesu, dị ẹ yaa rị ọ beri anị nị

Ijeremaya 7:11

Ẹnẹyịmavara kà, vị irehi anị ọnọnị waa sị vara aha ọyị tẹ̀ yị anako nịnị nị? Ọnị ee re avaba ịsị waa mẹ nịnị o.

Ụhịrẹyị 15:27

Ọza anaa mẹ̀ karakara ka ọnị ọ̀ zị oze asuvu rị ọgụ vị anaā kụ ẹngụkata tu anineehi anị, ama ọza anaā nyị ịhyẹrẹ ochirerenu ọyịdọ vị eneē ku orubo.

2 Ịtọpa 36:12

Ộ mẹ̀ ebira odivi hi Ẹnẹyịmavara. Ộ mẹ̀ akamawụ hi ịrẹyị Ẹnẹyịmavara ọnị ọnịsẹ Ijeremaya kà yọ.

2 Ịtọpa 33:6

Ezi anọrụ anị vị ọnị ộ rị ịra mẹ̀ ịsọvọ ịnozi Ihinọmị. Ộ ha ẹva, ô re ẹtẹ, ộ mẹ̀ avọkumeyi, ô pe arịjẹnụ ka ịrẹyị. Ộ nyayịnẹ mẹ̀ ebira odivi ana kụ́ Ẹnẹyịmavara ayị ẹtẹẹtẹrẹ nị.

2 Ịtọpa 33:2

Ộ saasa ebira enyisi ọnị anẹkụra nịnị ọnị Ẹnẹyịmavara dụ kwooze hụụnị ẹtẹ ọnọọ yị wa aa mẹ̀. Ịmanasẹ ộ rị ịvị Ẹnẹyịmavara.

2 Itimoti 4:10

Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya.

1 Ịsamụwẹrị 15:20

Dị Ịsọọrụ ka, “mâ zị ụtụ ọnị Ẹnẹyịmavara tụ́ mị de! Mâ nọ ịzị ọ ka ma nọ dị mị na wụ̀ avaba Anamarẹkị nịnị, dị mị za Agagị ohinọyị ẹnịnị vẹ nị.

Ịrịka 14:41

Dị Imosiisi họ̀ wa ka sị ẹ vẹ dị ẹ yaa yị mẹ akamawụ hi ọda Ẹnẹyịmavara? Ọ kà ẹnịnị e yi vee re mẹ.

2 Ịsamụwẹrị 12:9

Ọ kà sị ẹ vavẹ dị ẹwụ sị eyi wụ ọnị Ẹnẹyịmavara dị ẹwụ maanị na mẹ̀ ebira odivi ọnọnị aanị. Wâ mẹ ka à wụ Uriya Anihiti éyi ịrẹkụ. Wa rẹ sị ọ ose anị dọ wa sị ọ nyị. Ẹwa mẹ ka Anamọnị nịnị ẹ̀ wụ ọ ịnị ịrẹkụ nị.