1 Ịsamụwẹrị 15:18 - IWE ỌNỊNỊ

¹⁸ Dị ọ va tụ́ wụ ụtụ dị ọ ka wa na wụ̀ avaba Anamarẹkị va ha nị, agụvị ka ebira ẹnịnị ẹ sị divi. Ọ kà wa kụ́ ịrẹkụ ne tù wa, dị wa wụ̀ wa va ha saka-saka.

1 Ịsamụwẹrị 15:18 Referans Kwoze

Ụhịrẹyị 10:29

Ẹnẹyịmavara e sere ọza ana a mẹ ịzẹyịza ama aza ọhịmị vi ene vee vú ẹtẹ.

Ijoovu 31:3

Ịzẹyịza, Ohomorihi vị anaā kụ ịrẹyị odivi tu aza ọhịmị, dị ọọ̄ kụ ịrẹsụ odivi tu aza anaa mẹ̀ ebira odivi nị.

Ịrịka 16:38

Aza ẹnịnị vị ene su agụvị ọnị ẹ mẹ. Ẹnya eturare ẹnịnị vị ọnịnị agụvị ka ẹ̀ kụ wa vẹ ọvịdị Ẹnẹyịmavara. Dị Ẹnẹyịmavara kà Eriyaza ọ kụ wa vabẹ dị a sị ihama tu ọ dị a sị mẹ oku ụta, dị ọ ka aza ana vọ ọnọ.

Oyinyima 15:16

Ọ rẹ ka ẹ vaa mẹ ẹhụụ ịrayị akava avọọ dị ẹ vavẹ ịzẹnị, agụvị ka Anamọrị nịnị ệ yị za ebira odivi ẹnịnị ịrẹsụ ne tụ̀ ụmẹ avọọ.

Oyinyima 13:13

Ama Anisodọmị vị aza edivi hangụ-hangụ, dị ẹ nyayịnẹ aa mẹ̀ ebira odivii ene du Ẹnẹyịmavara ayị nị.

Ụhịrẹyị 13:21

Odivi oō du ọza ọhịmị echi nị ama ọnịzẹyịza vị eneē re ọyịza.

Anigaratiya 2:15

Ịzẹyịza, Aniju obooro ị vị nị, yẹ yị vị anarịmadọwụ nịnị anaā mẹ ịvịị hi Ohomorihi.

Oyinyima 14:7

Dị ẹ vavọọ vavẹ dị ẹ va ngụ Enisipati ana aā hị́ Ikadesi, dị ẹ vavọọ rị ẹtẹ Anamarẹkị ọnịrị Anamọrị ana ra hi Ihazazoni Ịtama.

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”