1 Ịsamụwẹrị 14:20 - IWE ỌNỊNỊ

²⁰ Dị Ịsọọrụ kụ́ aza anị gụ, di e si hu aa nọ ịrẹkụ nị. Emè tụ́ eyi ịrẹkụ di e ne tù ka ẹvazi ọkatẹngụ ọ sị ngụ ini isoja Anihwirisiti nịnị, di e nyima di ẹyaa sị ụhwọọ wụ̀ ẹngụ nị.

1 Ịsamụwẹrị 14:20 Referans Kwoze

2 Ịtọpa 20:23

Isoja Anamọnị ọnịrị Animowabi nịnị ẹ kụ́ ịrẹkụ ne tu Anedomi, dị ẹ vu wa ẹtẹ saka-saka, dị ẹnị-ẹnị vara eyi ka ẹngụ dị wụ́ ẹngụ ha nị.

Ọdọvịdị 7:22

Ịjị ịkakanchị akavarẹchẹhị ẹnẹẹ sụ ịrẹyị, dị Ẹnẹyịmavara mẹ ka isoja Animidiya nịnị ẹ sị ụhwọ vara eyi tu ẹngụ nị. Di e zwe zị eyi Izaretani na ngụ Ịbẹtị Isita, ne tu Ẹba Imehora ana gụrị Itabati.

Ayịsaya 19:2

Ẹnẹyịmavara kà ọnị vaa mẹ ka Anijipiti ẹ̀ kwẹẹtẹ tù ẹngụ. Ịrẹkụ vaa chị yị ẹyịnyara. Anokokooro ẹnyị vaa kwẹẹtẹ tù ọsa, dị anẹkụra ẹnyị rẹ kwẹẹtẹ tù ọsa. Avọọ ohinọyị nịnị mẹ̀ vaa kwẹẹtẹ tù ẹngụ dị ẹ yaa kụ̀ ịrẹkụ nị.

1 Ịsamụwẹrị 14:16

Isoja Ịsọọrụ ene ee sere ẹtẹ ene hi Igibeya ịnị ẹtẹ Ịbẹnjamịnị ê re isoja nịnị mèe zwe wuuru zi oze eyi ẹnyị zi oze eyi ọsa.

Ezikẹẹrị 38:21

Ọnị Ẹnẹyịmavara ọ kà a ọnị vaa sị ẹngụkata irenyi-irenyi chire Ịgọgị angwa. Aza anị ẹnị ụvọta vaa tụ̀ ụhwọọ tụ ẹngụ.

1 Ịsamụwẹrị 9:16

Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.

1 Ohinọyị 20:21

Di ohinọyị Anisirẹrị jịnẹ na, dị ọ na wụ umaata ọnịrị aza anaā tụra umaata ẹnẹẹ nị. Vị a nyayịnẹ wụ Anisiriya ẹtẹẹtẹrẹ nị.