1 Ịsamụwẹrị 14:15 - IWE ỌNỊNỊ

¹⁵ Angwahi ộ ka avaba isoja Anihwirisiti vẹ. Isoja ene hi udi ịnị avị ọnịrị ene hi ẹhẹ ana aa dụ aza, dị ẹ yaa dọ wa ẹnya vị ana angwahi ngụ ẹngụ. Ohomorihi ộ mẹ̀ ka ẹtẹ ò zizi.

1 Ịsamụwẹrị 14:15 Referans Kwoze

Oyinyima 35:5

Ijekọvụ nịnị màa na, Ohomorihi ộ mẹ̀ ka ivóvō ọ̀ ngụ avaba anẹkụra ana kara wa ẹngụ. Ẹnịnị ẹ yị nyayịnẹ dụ wa.

2 Ịsamụwẹrị 5:24

Dị Ẹnẹyịmavara kà ẹ̀ẹ maanị wụ́ kẹnẹ ka aa nyị ịsaa zị ụsẹ ịrẹsụ ọchị ịbarịsamị ọnọọ, ẹ wụsẹ hu ahụ hụrẹ ẹtẹ ka Ẹnẹyịmavara ọ raà dọ ọvịdị ẹnịnị aa na wụ̀ isoja Anihwirisiti nịnị.

Ọyịkụra 19:18

Ẹnẹyịmavara vị ana vẹ anka ịra avọọ di o chi hi ịrẹsụ ataba ọnọọ nị. Di areyi ọnọọ aa dà dụụmẹ vaa hịrẹ anka areyi ọrịra ụnọmị avọọ nị. Dị avaba ataba ọnọọ ee henyi jigi-jigi nị.

Imatiwu 24:6

Ụ vaa wụ́ ekuku ịrẹkụ nịnị ọnịrị ụha ịrẹkụ nịnị, ama asị ụ zẹẹ ka ayị awụ nịnị ọ̀ vazi! Ẹ yị zụ nyị ka ọ yị vavọọ yà, ama ẹzẹtẹ ẹhẹ ọọ̀ yị vẹ.

Ịdanịyẹrị 5:6

Ịjị ohinọyị vavọọ re e dị ẹngụ anị sị và hí nị. Dị ayị aa hụrẹ ẹ ịnẹ, dị ahụ anị aa dọ ẹgahị pàpàpà nị.

Ahẹ Ụgama 14:5

Ama Ohomorihi vee chire wa angwa agụvị ka ộ yà pè aza ana aā mẹ̀ ebira oni o sì.

Ijoovu 18:11

Ịsị ẹẹ kụ ayịhụrịnẹẹ tu ọza vị anaā kara ọza ọhịmị okiri-okiri; ịzị ee hu ahụ zị kẹnẹ, vị ẹnẹẹ̄ dị waa zị.

1 Ịsamụwẹrị 13:23

Á nyị isoja Anihwirisiti ẹnyị ana zi oze ịnị ataba Imikimasi na para hu.

Ọdọvịdị 7:21

Ọzọza vị ana jẹẹ aha anị kara okokoro udi Animidiya nịnị. Dị avaba isoja Animidiya nịnị ee nowu, di e yee zwe nị.

Ijosuwa 2:9

Dị ọ ka yị wa ka ọnị ọ yẹ ka Ẹnẹyịmavara ọ̀ raa sị ẹtẹ ọnọọ yị wa. Avaba ẹnịnị vị ene hí angwa, dị ivoovo sị ẹnị za.

1 Ịsamụwẹrị 7:10

Ụmẹ ọnị Ịsamụwẹrị aa sịị mẹ̀ ịsọvọ ọnọọ, di Anihwirisiti aa kà a pè Anisirẹrị ka ẹnị ẹ̀ na gẹ ịrẹkụ nị. Ẹ́ mẹ̀ vavọọ aa na kẹnẹ, dị Ẹnẹyịmavara há apaana ihinẹba kú wa pàra nị. Apaana ọnọọ ộ mẹ̀ ka ngwa ò hi Anihwirisiti nịnị ẹtẹẹtẹrẹ, dị ẹ và hi, di eyee zwe nị.

1 Ịsamụwẹrị 13:18

dị oze ọsa ẹnị zi oze Ịbẹtị-Ihoroni nị. Oze ọhụta vị ana zi oze ụtọ ẹtẹ ana maanị và eyi kà ini ozi Izeboyimi ana và eyi ka ụnọmị.

1 Ịsamụwẹrị 14:14

Ịnị ịrẹkụ ịpaapa ọnọọ, aza oni Ijonatani ọnịrị ọza anaā za ẹnya ịrẹkụ anị wụ vị ẹnị oohu. Ịzị a yà wụ̀ wa aanị vẹ ẹhụụ achẹva ẹtẹ ana a nyẹngụ sị imaaru jị ịrịkụ anị ịnị ẹkụhị.

1 Ịsamụwẹrị 14:16

Isoja Ịsọọrụ ene ee sere ẹtẹ ene hi Igibeya ịnị ẹtẹ Ịbẹnjamịnị ê re isoja nịnị mèe zwe wuuru zi oze eyi ẹnyị zi oze eyi ọsa.