1 Ịsamụwẹrị 14:12 - IWE ỌNỊNỊ

¹² Di isoja ene hi udi Anihwirisiti nowu, dị ẹ ka, “Hịrẹ ve tù yị nịnị, dị wa yẹ ịsị ịra mẹ anchị nịnị!” Di Ijonatani hị́ ọza anaā za ẹnya ịrẹkụ anịị gụ ọ dị ọ ka, “Wa hịrẹẹ dụ mịị vẹ, ka Ẹnẹyịmavara ọ raà sị aza ẹnịnị chire Anisirẹrị ụvọ.”

1 Ịsamụwẹrị 14:12 Referans Kwoze

2 Ịsamụwẹrị 5:24

Dị Ẹnẹyịmavara kà ẹ̀ẹ maanị wụ́ kẹnẹ ka aa nyị ịsaa zị ụsẹ ịrẹsụ ọchị ịbarịsamị ọnọọ, ẹ wụsẹ hu ahụ hụrẹ ẹtẹ ka Ẹnẹyịmavara ọ raà dọ ọvịdị ẹnịnị aa na wụ̀ isoja Anihwirisiti nịnị.

2 Ohinọyị 14:8

Ẹkụhị ọnya, Amaziya ộ tụ́ ọnụtụ anị nịnị ne tu ohinọyị Ijehowasi ozi Ijehowazi, ozi Ijehu ka ọ̀ọ ka ọnị ộ kata, ọ̀ vẹ ọnịrị ọ ẹ gẹ eyi ịrẹkụ daa re.

1 Ịsamụwẹrị 14:10

Ọ kà ama àa vị aza ẹnẹẹ kà a ka ẹnị ẹ̀ hịrẹ vẹ ve tù ẹnị nị, dị ẹnị hịrẹ ne tù wa. Ịjọnọọ dị ẹnị sị yẹ ka ọnọọ ộ sị zụ̀ ka Ẹnẹyịmavara ọ raà sị wa chire ẹnị ụvọ.

Ọdọvịdị 7:15

Ịjị Igidiyọnị maanị wụ iruvo ụra ọnọọ kẹnẹ, dị ọ va ku ẹtẹ aa kụ Ẹnẹyịmavara avọ, dị ọ varẹma ne isoja Anisirẹrị nịnị ịzị e hi nị. Ịjị o tu ịzọọ, dị ọ hị́ wa ka ẹ kwẹẹtẹ ka Ẹnẹyịmavara ọ raà sị ẹnị nyị ẹbẹẹba Animidiya nịnị.

Ọdọvịdị 4:14

Ịjị Idebora re wa kẹnẹ, di o nowu ka Ịbarakị ọ kwẹẹtẹ ka ajịnị Ẹnẹyịmavara aa sị Isisera chire e ụvọ nị. Ẹnẹyịmavara ya ọvịdị ẹnịnị aa nọ ịrẹkụ. Agụvị avọọ dị Ịbarakị chi hụrị ịrẹsụ Ataba Ịtabọ, dị isoja akawụ-akawụ oze ẹẹhị saasa a nọ ịrẹkụ nị.

Oyinyima 24:48

Ọ kà Di oni ku ẹtẹ, dị ọnị kụ́ Ẹnẹyịmavara Ohomorihi Abụrahamị ọga anị avọ nị, ka ô sị oze zụ̀ ọnị ka ọnị ọ̀ va nyị ozi ọyịnyara ọga anị dị ẹnị ọ̀ sị na yị ozi anị.

Oyinyima 24:42

Di o re ajịnị ọnị mẹ̀ va ngụ ịnị ịkangga ịzọọ, dị ọnị mẹ̀ aduwa dị ọnị ka; Ẹnẹyịmavara Ohomorihi Abụrahamị ọga anị, ọ̀ navọ ọ̀ mẹ ụsẹ anị zoza.

Ọdọvịdị 9:54

Obobooro ọnọọ, Abimẹrẹkị hị́ ọza ana aā kụ ẹnya ịrẹkụ anị gụ ọ ka ọ tụ ụ̀hwọ̀ anị dị ọ wụ ọnị. Ọ kà a mẹ vaa wụ́ ka ọnyẹnẹẹ ọ wụ ọnị nị. Ịzẹyịza dị ozi ahụ anị ọnọọ jị ụhwọ ngụ ẹngụ dị ọ wụ̀ ọ nị.

1 Ịsamụwẹrị 14:13

Di Ijonatani aa sị ụvọ ọnịrị ahụụ turaa hịrẹ na, dị ọza ana za ẹnya ịrẹkụ anị ọnị raa dụ ọ na nị. Di Ijonatani nē ịsa yị aza ẹnẹẹ, dị ẹnịnị hyẹdụ hi ẹtẹ nị. Dị ọza anaā za ẹnya ịrẹkụ anịị gụ ọ ọnị kụkụ aa wụ̀ aza ẹnẹẹ tụra Ijonatani ịrẹma nị.

Ọdọvịdị 7:14

Di isoja ọsa tụ ohi ka, Igidiyọnị ọdọvịdị isoja Anisirẹrị nịnị ụra ọnọọ za avọọ nị. Ohomorihi raà sị ụkata yị ọnịrị isoja anị ka ẹ̀ nyị ẹbẹẹba Animidiya ọnịrị avaba isoja ẹnịnị avọọ nị.