1 Ịsamụwẹrị 13:22 - IWE ỌNỊNỊ

²² Ịhị o si tù ka à kụ̀ ịrẹkụ, avaba isoja ana yà pe Ịsọọrụ ọnịrị Ijonatani ẹ yị nyị ụhwọọ àa vị ọha. Ịsọọrụ ọnịrị Ijonatani oze anị kẹnẹ ẹ nyị ụhwọ ọnịrị ọha nị.

1 Ịsamụwẹrị 13:22 Referans Kwoze

Ọdọvịdị 5:8

Agụvị ka Anisirẹrị nịnị ệ nyị ka ẹnị aa hẹkẹ ori, dị ịrẹkụ ne gu wa hi oze ọbanyị ọbanyị ẹkụra ẹnịnị ene hi ịzọọ nị. Ẹ yị nyị ọza ana nyị ogonto a vị ọha ọyị sị kụ ịrẹkụ ịnị ẹnị akawụ-akawụ oze oohu.

2 Anịkọrịntị 4:7

Ẹyị ọnịsa obooro maanị yà ịnị ayị anị aanị, ẹyị vị ana sị mẹẹ anka ụnọkọ ụvụ-ụvụ kẹnẹ. Ọnọọ ọ sị zụ̀ ka Ohomorihi ọ nyị ụkata ọnọọ nị, ẹ yị vị ẹyị.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

1 Ịsamụwẹrị 17:50

Idevidi ọ raà sị ọnanta ọnịrị ịrẹta huna Anihwirisiti ọnọọ, o mè ne ịrẹta na za a, ọ sị ọ wụ. Idevidi ọnị ọ yị nyị ụhwọ rị ụvọ.

1 Ịsamụwẹrị 17:47

Avaba aza ana gụ aanị vaa yẹ ka ẹ yị vị ụhwọ àa vị ọha Ẹnẹyịmavara sịị dọ ọzaa tụ́. Ịrẹkụ ọnọnị vị ịrẹkụ Ẹnẹyịmavara, ọ vaa sị wụ nịnị chire yi ụvọ.”

1 Ịsamụwẹrị 13:21

Ọpa ẹkẹhị ene ee sii ne ịsa ẹnẹẹ yị. Ọza òo ne ẹdụ àà vị ọdụba di o si ẹkẹhị enyusẹ oweyi ọnya aanị. Ọza èe ne ịraga ọnịrị osi ne beri enyusẹ ọkẹẹkẹrẹ imaaru, di o si ẹkẹhị enyusẹ ẹẹta.