1 Ịsamụwẹrị 13:19 - IWE ỌNỊNỊ

¹⁹ Ịnị ụmẹ ọnọọ ẹ yị nyị anịngẹrẹ ikonya ịnị avaba ẹtẹ Isirẹrị. Anihwirisiti nịnị ẹ yị zẹẹ ka ẹ̀ nyị. Ẹ ka Anihiburu ẹ̀ẹ nyị anịngẹrẹ, e ve tù ụhwọ ọnịrị ọha yị wa.

1 Ịsamụwẹrị 13:19 Referans Kwoze

2 Ohinọyị 24:14

Ộ kụ́ avaba Ijerusarẹmị nọ ẹkụra ọsa. Ộ kụ́ avaba ọdọvịdị nịnị, isoja nini ọnịrị avaba ọnụkọrọ ụvọ nịnị beri anịngẹrẹ nịnị. Avaba aza ọnị ọ kụ vị akawụ-akawụ oze ẹẹhị. Aza ọnị ọ navọ hi ẹtẹ kẹnẹ vị onuruwa nini.

Ijeremaya 24:1

Ijeremaya ka Ẹnẹyịmavara ộ sị uji ẹẹva ana a kụ ihwigi hi dị asị tụ ọvịdị irehi Ohomorihi zụ ọnị. Ịjọnọọ, Inebukadineza ohinọyị Ịbabịrọnị ọ́ va raa za Ijehoyakimi, ohinọyị Ijuda, ana vị ozi Ijehoyakimi ọrịhị hụrị Ijerusarẹmị ne hi Ịbabịrọnị. Ọnịrị avaba ọdọvịdị Ijuda beri ẹnị anaa mẹ ụkọrụvọ ọnịrị aza ana yára mẹ̀ ụkọrọ irenyi-irenyi ọ́ kụ́ na nị.

Ọdọvịdị 5:8

Agụvị ka Anisirẹrị nịnị ệ nyị ka ẹnị aa hẹkẹ ori, dị ịrẹkụ ne gu wa hi oze ọbanyị ọbanyị ẹkụra ẹnịnị ene hi ịzọọ nị. Ẹ yị nyị ọza ana nyị ogonto a vị ọha ọyị sị kụ ịrẹkụ ịnị ẹnị akawụ-akawụ oze oohu.

Ayịsaya 54:16

Re, ẹma tụ́ anịngẹrẹ anaā kà ịra akịna nị; dị e si tụ́ ẹnya ịrẹkụ. Ẹ ma rẹ tụ́ isoja nịnị anaā sịị ẹnya ịrẹkụ ẹnẹẹ wụ̀ ọza nị.

1 Ịsamụwẹrị 13:20

Dị ahịka vị avaba Anisirẹrị nịnị aa nọ ịda Anihwirisiti di è ne ne ẹdụ ẹnịnị ọnịrị ọdụba ẹnịnị ne beri ịraga ọnịrị ọ̀kụ́ ẹnịnị.

Ijeremaya 29:2

Ọ kà, ịrẹma ana a raa kụ́ ohinọyị Ijehoyakimi ọnịrị ọnyị anị, aza ana a mẹ̀ ụkọrọ ịnị eehi ohinọyị, ọdọvịdị Anijuda nịnị, ọnụkọrọ ụvọ nịnị ẹnịrị aza ana yara mẹ̀ ụkọrọ irenyi-irenyi nịnị ne hi Ịbabịrọnị ọnị chẹrẹ ịrẹta ọnọọ nị.