1 Ịsamụwẹrị 12:8 - IWE ỌNỊNỊ

⁸ Ịnị ụmẹ oni Ijekọvụ ọnịrị aza anị nọ Ijipiti, dị Anijipiti aa sị ụyaa rị wa nị. Di ezi Ijekọvụ nowu na za Ẹnẹyịmavara kà ọ̀ ba ẹnị owu nị. Dị Ẹnẹyịmavara tụ́ Imosiisi ọnịrị Eerọnị ka ẹ na kụ́ ohiku awụ nịnị jịnẹ hụrẹ Ijipiti va ra ịzẹnị.

1 Ịsamụwẹrị 12:8 Referans Kwoze

Odeyi 7:15

Dị Ijekọvụ nọ Ijipiti nị. Ịzọọ ọnịrị ada ayị nịnị yà sú nị.

Ahẹ Ụgama 105:44

Ohomorihi ộ sị ẹtẹ anẹkụra ọsa yị wa, dị ahịka ẹnị ẹ vana kụ́ ogu ana aza ẹnẹsa re osiye anị nị.

1 Ịsamụwẹrị 12:6

Dị Ịsamụwẹrị kà a yị aza ẹnẹẹ ka, “Ẹnẹyịmavara ana nyị Imosiisi ọnịrị Eerọnị ana kụ́ ohiku awụ nịnị jịnẹ hụrẹ Ijipiti vị onivenu amị nị.

1 Ịsamụwẹrị 10:18

Ịjị e tù ịzọọ dị Ịsamụwẹrị ka ẹ̀ wụ́ ịrẹyị ẹnẹ Ẹnẹyịmavara ana vị Ohomorihi Anisirẹrị kà. Ọ kà Ohomorihi ka ọnị ộ kụ́ Anisirẹrị nịnị hụrẹ Ijipiti, dị ọnị dọ wa hụrẹ ụvọ Anijipiti ọnịrị avaba anẹkụra ana aa chamayịị yị wa nị.

Ijosuwa 1:6

Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.

Ịrịka 20:15

Ohiku ẹnịnị ẹ nọ Ijipiti na ra ku ịzọọ, dị ahịka Anigipiti nịnị naa mẹ ẹvaya yị ẹnị ẹnịrị ohiku ẹnịnị ẹnẹẹ nị.

Ọyịkụra 12:51

Ịhị ọnọọ gẹdẹ-gẹdẹ dị Ẹnẹyịmavara kụ́ Anisirẹrị ogu-ogu jịnẹ hụrẹ Ijipiti nị.

Ọyịkụra 6:26

Eerọnị ọnịrị Imosiisi ẹnẹẹ gẹdẹ-gẹdẹ Ẹnẹyịmavara kà a yị ka ẹ̀ na kụ́ Anisirẹrị jịnẹ hụrẹ Ijipiti nị. Ọ kà ọ̀ kụ́ wa jịnẹ ógu-ógu.

Ijosuwa 21:43

Ẹnẹyịmavara ộ sị avaba ẹtẹ ọnị ọ wo oto anị yị ohiku ẹnịnị ka ọnị aa sị yị wa. Ệ dọ ẹtẹ ọnọọ dị ẹ ra ịnị anị nị.