1 Ịsamụwẹrị 12:22 - IWE ỌNỊNỊ

²² Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.

1 Ịsamụwẹrị 12:22 Referans Kwoze

Anihwiripi 1:6

Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.

Ahẹ Ụgama 106:8

Ama wâ hụ agụvị ụbanyị ẹngụ awụ wâ dọ wa há, agụvị aza ẹ̀ yẹ ka wâ nyị ụkata ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 14:2

Ka aza ana a sị tụ́ irenyi yị Ẹnẹyịmavara Ohomorihi ẹnịnị ẹ vị nị. Ẹnị Ẹnẹyịmavara nyị yị ẹngụ anị hụụnị avaba aza ene hi ịnị ẹhẹ nị.

1 Ohinọyị 6:13

Mị vaa yà ịnị akakana Anisirẹrị. Me yi vee yi Anisirẹrị aza amịị tịtẹ.”

Aniroomi 11:29

Aza oni Ohomorihi sị nyị, dị ọ raà mẹ wa ẹyịza, ọ mā sị ụmayịyẹ ịnị anị.

Ijeremaya 14:21

Ẹ ka Ẹnẹyịmavara ọ̀ navọ, ọ̀ tamayị ịrẹyị ọnị ọ́ ka, dị asị o sị eyi para ẹnị hu. Ẹ ka aarịhịnị asị ọ maanị mẹ̀ ụhị nyị Ijerusarẹmị, ịzị ọ sị aga ohinọyị anị ana maanị nyị ụbanyị hi ẹtẹ. Ẹnẹyịmavara ọ̀ navọ asị và hụụnị ịrẹyị ọnị ọnịrị Anịjuda nịnị dọ beri ẹngụ tụ ịnị anị.

Ijosuwa 7:9

Ịjị Anikenaani nịnị ọnịrị anẹkụra ana vọ ẹẹ wụ́ ịsị e tu ẹnị, dị ẹ vẹ ẹnị ịrẹkụ dị ẹ wụ́ ẹnị va ha. Ẹnẹyịmavara mẹẹ vaa mẹ̀ ụhị ọnọọ?

Anẹhwẹsọsị 1:12

ẹyị ana ahịka ẹya vịdị aa tụra Ikirisiti eyi aanị nị, ya ga ụbanyị Ohomorihi.

Ezikẹẹrị 20:14

Ama ọnị ộ hụ agụvị ka a va sị ịrẹha anị sìsí ẹtẹ ọvịdị avaba anẹkụra ọnị ọnị kụ Anisirẹrị nịnị hụrị Ijipiti, ọnị ộ za avọ hi.

Ezikẹẹrị 20:9

Ama ọnị ẹ yị rẹ va vavọọ mẹ, ọnị yaanị raa sị ẹngụ anị sìsi ẹtẹ ọnị ọọ vavọọ mẹ, agụvị ka eyi avaba aza ẹnẹ ẹnịrị Anisirẹrị nịnị rá vabẹ ọnị kà a yị wa ka ọnị vaa kụ waa hụrị ẹtẹ Ijipiti nị.

Ayịsaya 43:25

Ama, ẹma vị Ohomorihi ana vagu ebira edivi ọnị ụ mẹ nịnị nị. Agụvị ọza ọnị mị vị mị maanị mẹ nị. Mi vee hí ayị ebira edivi awụ nịnị.

Ahẹ Ụgama 94:14

Mâ yẹ ka Ẹnẹyịmavara o yi vee yi aza anịị tịtẹ, ọ yị vaa hụrẹ aza anịị ụvọ.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Imatiwu 11:26

Ọga, avọọ gẹdẹ-gẹdẹ o mè zé wu eyi nị.

1 Anịkọrịntị 4:7

Ẹwụ ana ka ewee huna ọza ana vọ nị, sụ ụ hị́ ka wáa vị? Sụ ụ nyị ẹnẹ ẹ̀yị vị a sị wụ? Àa vị Ohomorihi ọ sị avaba ịsa ọnị ụ nyị yị wụ nị, sẹ vavẹ dị waa mẹ eyi anka ịsa ẹnẹ ẹwụ ụvọta mẹ avọọ?

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

Ọyịkụra 32:12

Wàa vavọọ mẹ, wáā yẹ ka vị Anijipiti vaa kà a ka ịsa odivi u ro tụ́ ịnị ayị dị ụ kụ́ wa jịnẹ vẹ ka wa va wụ̀ wa hi ịnị ataba ịzẹnị nị. Dị ẹ ka ụ sì ka we vu wa ẹtẹ hụụnị ẹhẹ nị. Aarịhịnị navọ wa nyị isuuru, di u we ro o, dị asị ụ zẹẹ ka ịsa odivi ò tù aza awụ ẹnẹnị.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịmarakayị 1:2

Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Arụwẹ 5:20

Sị ẹ vẹ dị Ẹnẹyịmavara maanị hi ayị ayị gọdọ? Sị ẹ vẹ dị ụ maanị và ịrẹma ayị gọdọ?

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ayịsaya 48:11

Ọ kà agụvị ẹngụ anị ọnị dọ wa ha nị. Ịzẹyịza, agụvị ẹngụ anị yọ nị. Ọnị ọ yị vaa zẹ ka a mẹ̀ ụhị nyị ịrẹha anị, a vị ka ọnịrị ọzọnyọzọnyị ọ ga ụbanyị ana vị áanị ịnya kẹnẹ.

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Ayịsaya 41:17

Ụmẹ ọnị onosiye ọnịrị ọnụzọngwa ee si enyi, di e yi re, dị ọrọkọ ẹnịnị sị wara, Ọnị Ẹnẹyịmavara vee tụ́ wa ohi. Ohomorihi Anisirẹrị ẹ yị vaa hụrẹ wa ụvọ.

Ayịsaya 37:35

Ọnị vee sere ẹkụra ọnọnị, dị ọnị ẹ yị zẹẹ ka à nyị ịsị ẹ mẹ̀ ẹ agụvị ụbanyị ọnị ọnị sị yị ịrẹha anị, ọnịrị agụvị oto oni ọnị wo yị Idevidi ozi ahụ anị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

2 Ohinọyị 21:14

Ẹnẹyịmavara kà ọnị vaa hụrẹ wa ụvọ, dị ọnị sị wa chire ọnịvị ẹnịnị ụvọ. Dị ẹ rị wa, dị ẹ dọ wa ẹtẹ.

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.

Anihiburu 13:5

Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.

Aniroomi 11:1

Jẹẹ, me re họ̀ use ịrẹyị ọnya, oo. Vị Ohomorihi wâ sị Anisirẹrị yi tịtẹ nị? Vụrụ-vụrụ, ọchị ọnọọ ịrẹsụ! Ẹmị nyẹmba vị Anisirẹrị. Obooro Abụrahamị mị chị hụrẹ vẹ nị; anovwoovu Ịbẹnjamịnị mị vị nị.

Iwe Ọhụhị Imosiisi ana aa hị́ Ọyịvatụrọda 7:6

“Wa vavọọ mẹ̀ ẹ agụvị ka wa sị vị Ẹnẹyịmavara ana vị Ohomorihi awụ nịnị. Ọnị ọ nyị wụ nịnị ka wa vị anị hụụnị akakana aza ene hi ịnị ẹhẹ nị.

Iwe Ọhụhị Imosiisi ana aa hị́ Ọyịvatụrọda 31:6

Ọ kà ẹ̀ nyị ọtụtụrụma, dị ẹ̀ sị ayị ẹnịnị vị ọnya ẹtẹẹtẹrẹ. Asị e hí angwa ọnịvị ẹnịnị agụvị ka ọnị ana vị Ohomorihi ẹnịnị vaa ya pe wa. Ọnị ẹ yị vaa hụrẹ wa ụvọ

1 Ohinọyị 8:57

Ẹnẹyịmavara Ohomorihi ayị vaa yà pè yi anka ọ mẹ̀ vịdị yà pe ohiku ayị. Ọ navọ kwogwo asị a nyị ụmẹ ọnị ọ sị navọ yị tịtẹ.

Iwe Ọhụhị Imosiisi ana aa hị́ Ọyịvatụrọda 31:8

Asị e hí angwa ọnịvị ẹnịnị agụvị ka Ẹnẹyịmavara vaa dọ ọvịdị ẹnịnị na ngụ ịzọọ. Ọ vaa ya pe wa, ọ̀ yị vaa hụrẹ wa ụvọ.

2 Ohinọyị 14:27

Ama Ẹnẹyịmavara ẹ yị kà a ka oni ee vu Anisirẹrị nịnị saka-saka; agụvị avọọ, dị o zi oze ịnị ụvọ Ijerobowami ọhụva dọ wa ha nị.

Inehemaya 9:17

Ẹnịnị ệ sị ịrẹyị Ohomorihi mẹ̀ iribatọ, di e hí ayị avaba ịvọpa oni Ohomorihi mẹ̀ yị wa nị. Ệ sị akamawụ nyị ọdọvịdị yị ẹngụ ẹnịnị ka ọ̀ kụ́ ẹnị varẹma na vị ọrịhị tụ ẹtẹ Ijipiti. Ama Ohomorihi ọ vị anayamva, dị Ọọ̄ ngwayị ọza nị. Ọnị ọọ̄ mẹ̀ ẹvaguu yị ọza dị ọ̀ yị ma hụra kụ ayị nị. Oō sì ịrẹyị ọza ẹnẹmẹhị. Agụvị avọọ, ẹ yị va ịrẹma ẹnịnị,

Ayịsaya 43:7

Avaba aza ana aa sị ịrẹha amịị hị́, vị ọnị mị tụ́ ka ẹ̀ vaa sị ụbanyịị yị mị. Ẹ̀ ma tụ́ wa nị.”

Ayịsaya 49:15

Ẹnẹyịmavara ộ họ̀ wa ka, ọnyị ozi wéé hi ayị ozi anị ana ka ịrẹva? Ọ́ọ́ zụ nyị ịhyẹrẹ ozi anyavava ana hụụnị ẹngụ anị tụ ẹhẹ. Ọnyị ozi ọ̀ọ daka hi ayị ozi anị ọnị e yi vee hi ayị ẹnịnị.

Ayịsaya 63:8

Ẹnẹyịmavara kà aza anị ẹ vị nị, ẹnịnị ẹ yị vee vene ọnị. Agụvị avọọ ọ dọ wa ha

Ijeremaya 14:9

Ẹ ka sị ẹ vẹ dị ọnị kụkụ sị mẹ anka ọza ọnị ịrẹyị hụrẹ hi avọọ? Dị ọnị aa mẹ anka isoja ẹnẹ ẹ yị nyị ụkata ọyị gụ ọza ụvọ avọọ? Ẹ ka, ịzẹyịza, ọnị Ẹnẹyịmavara jẹẹ pe ẹnị. Aza anị ẹnị vị nị, aarịhịnị asị ọnị hụrẹ ẹnị ụvọ.