1 Ịsamụwẹrị 12:21 - IWE ỌNỊNỊ

²¹ Asị ẹ rẹ kụkụ dụ ori kẹnẹ-kẹnẹ ẹnẹ ẹ yị zụ gụ wa ụvọ dị ọ vaa zụ dọ wa ha. Ẹ yị nyị ịsị ori nịnị vị.

1 Ịsamụwẹrị 12:21 Referans Kwoze

Ihabaku 2:18

Sị ọza aa sị ori mẹ? Ọza mẹ nyẹngụ sị ayị tụra ọnyọọnọkụmị ọnị ọ sị ụvọta anị mẹ̀. Evene kẹnẹ ọ vị nị. Ọ́ tịtẹ kẹnẹ nị, ẹ yị zụ ka ịrẹyị. Ẹnyị vị ọchị ana a bẹ, dị ẹnyị vị enyusẹ ene tu nị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Iwe Ọhụhị Imosiisi ana aa hị́ Ọyịvatụrọda 11:16

Ama ẹ sị ụvọ za ẹngụ ẹnịnị, asị aza vee vene wa hụrẹ oze Ẹnẹyịmavara na hẹkẹ ori nịnị.

1 Anịkọrịntị 8:4

Ini oze ịrẹyị ka áá zụ rị ịsa ana a sị mẹ̀ ịsọvọ yị ori nịnị, yâ yẹ ka ẹ yị nyị ịsị ori nịnị vị ịnị ẹhẹ. Ya rẹ yẹ ka Ohomorihi vị ọnya chọchọchọ.

Ijona 2:8

Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara.

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ayịsaya 46:7

Ẹnịnị ẹ̀ẹ sị ọ tụra ịza, dị ẹ za a. Ệ sị ọ na tụ aha anị, dị ọ jẹẹ ịzọọ nị. Ẹ yị zụ hụrẹ aha anị. Ọza òo nowu hị́ ọ, e yi zụ tụ́ ohi. Ẹ yị zụ dọ ọza ha hụụnị ẹngụkata.

Ayịsaya 45:20

Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 2:5

Ẹnẹyịmavara kà: Sị ẹ vị akụvị anị ọnị ohiku awụ nịnị re ẹnẹ ẹnịnị sị re ọnị zwe? Ẹnịnị ẹ naa hẹkẹ ịsa kẹnẹ-kẹnẹ, dị ẹnị ụvọta ẹnị rẹ kụkụ vị aza kẹnẹ-kẹnẹ nị.

Ayịsaya 41:29

Ẹ yị nyị ịsị avaba ori ẹnẹnị vị. Ẹ yị nyị ịsa ọnị ẹ zụ mẹ. Ẹnịnị ẹ yị nyị ụkata, ọkụmị ẹ vị nị.

Iwe Ọhụhị Imosiisi ana aa hị́ Ọyịvatụrọda 32:21

Ẹnẹyịmavara kà ẹnịnị ệ mẹ̀ ọnị kụ̀ ụhịị ori ẹnẹ ẹ yị nyị ịsị ọ vị, di e du ọnị ayị tụ ịnị ahẹkẹ ori osusu kẹnẹ-kẹnẹ ọnị ẹ yaa mẹ. Agụvị avọọ, ọnị vaa mẹ wa ka ẹ kụ̀ ụhị anẹkụra ẹnẹ ẹ yị nyị ịsị ẹ vị. Ọnị rẹẹ̀ vaa mẹ wa ka ẹ kụ̀ ayị hi anẹkụra nịnị ana aa mẹ ụra.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Iwe Ọhụhị Imosiisi ana aa hị́ Ọyịvatụrọda 30:17

Ama ẹnịnị ẹ̀ẹ mẹ akamawụ, dị ẹ yị wụ, di e vene wa na hẹkẹ ori nịnị nị,

2 Ohinọyị 17:15

Ẹnịnị ê yi ka ẹnị ẹ yị saasa ịrẹyị oni Ohomorihi kà yị wa; ẹnịnị ẹ yị saasa oto oni Ohomorihi ọnịrị ohiku ẹnịnị wo yị ẹngụ; ộ kà wa ọnọ, ama ẹnịnị ẹ yị hị́ ọ ịrẹyị. Ẹnịnị ẹ naa hẹkẹ ori kẹnẹ-kẹnẹ, dị ẹ vara ẹngụ ẹnịnị aza kẹnẹ-kẹnẹ nị. Ẹnịnị ẹ yị saasa ọda Ẹnẹyịmavara ana kà a yị wa à sị ẹ hama anẹkụra ana kara wa; ẹnịnị ẹ naa mẹ̀ ịsa ana anẹkụra ẹnẹẹ̄ mẹ.

Ijona 2:9

Ama ọnị vaa jị ahẹ gono Ẹnẹyịmavara, dị ọnị mẹ̀ ịsọvọọ yọ, dị ọnị jị ahẹ kụ́ ọ avọọ. Dị ọnị mẹ̀ ịsa ọnị ọnị zẹẹ ịzẹzẹ anịị yọ. Dị ọ ka Ẹnẹyịmavara ọọ̄ dọ ọzaa ha nị