1 Ịsamụwẹrị 12:12 - IWE ỌNỊNỊ

¹² Ama u me re ka Inahasi ohinọyị Anamọrị e si ka ọnị ọ kụ́ ịrẹkụ ve tù wu nịnị, dị u yi ka asị Ẹnẹyịmavara vị ohinọyị awụ nịnị. Dị ụ ka we sì ohinọyị ana vaa vị ọdọvịdị awụ nịnị nị.”

1 Ịsamụwẹrị 12:12 Referans Kwoze

Ọdọvịdị 8:23

Dị Igidiyọnị ka, “eyiye de” ọnịrị ezi anị ẹ yị va rị ohinọyị tụra wa ịrẹsụ. Ọ kà, Ẹnẹyịmavara Ohomorihi ọ va vị ohinọyị ẹnịnị nị.

1 Ịsamụwẹrị 10:19

Dị Ịsamụwẹrị ka ẹ sị Ohomorihi ẹnịnị ọnọọ yi tịtẹ. Ọ kà Ohomorihi ọ dọ wa hụụnị akanya ọnịrị ụya nị. Ọ kà ama aza ẹnẹẹ ka ẹnị e yi kuku sì ka Ohomorihi ọ̀ vi ohinọyị ẹnịnị. Ọ kà ẹnịnị ka ẹnị ee sì ọza ẹnẹsa ana vaa vị ohinọyị ẹnịnị. Dị Ịsamụwẹrị va ka ẹ̀ kụ́ ẹngụ ẹnịnị vẹ ịrẹsụ-ịrẹsụ ọnịrị ovwoovu-ovwoovu dị ẹ̀ vavọọ va gụ ọvịdị Ẹnẹyịmavara.

Ihoseya 13:10

Ộ họ̀ wa use ka, ịzị ohinọyị ẹnịnị ya booro aanị agụvị dị ọ dọ wa ha? Ẹ ka ene e si ohinọyị ọnịrị ọdọvịdị nịnị. Ịzị ẹnịnị hì?

Ayịsaya 33:22

Avaba ẹnya ana aā kụ́ụ hi ini ẹpa ẹnẹẹ vị ana vaa vi osusu. Ọchị ọgọdọ ana a mẹ jẹẹ ịnị ẹpa vị ana vaa ma. Ọza ọ yị rẹ vaa gana ịta ana a sịị dọ ahị. Ogu ọnịvị ayị vị ọnị ị vaa kụ́. Ogu vaa gwẹtẹ, di oswahụ nịnị ẹnị re re kụ́ bẹẹ. Ọ vavọọ vaa yà agụvị ka Ẹnẹyịmavara ọnị ụvọta ọ vaa vị ohinọyị ayị, dị aa mẹ ịjọvaa tụra yị nị. Ọnị aa sị ọdaa yị nị ọnị ọ rẹ vaa dọ yịị há nị.

Ahẹ Ụgama 74:12

Ohomorihi ẹwa vị ohinọyị ayị hụrẹ ụmọrụmọ nị, wa raà dọ yị há éyi anẹhẹ.

1 Ịsamụwẹrị 8:3

Ama ezi Ịsamụwẹrị ẹnẹẹ ẹ yị sị ebira ada ẹnịnị Ịrẹyị ẹkẹhị kẹnẹ ọ jị wa areyi nị; ẹ yaa dọ ochirerenu, di eyee sima ọkarẹyị mẹ nị.

Ọdọvịdị 9:18

Ama ẹ va sị eyi ịrazị va ka ovwoovu ada anị ajịnị, dị ẹ wụ̀ avaba ezi ada anị ẹtarẹwụ ha ịrẹsụ ịrẹta ọnya, dị ẹ kụkụ sị Abimẹrẹkị, ozi ọnị ọnẹẹ ọrịhị ma yị ada anị rị ohinọyị Anịsẹkẹmị agụvị ka ọ vị anda ẹnịnị.

Ịrịka 23:21

Ọnị ẹ yị re odivi a vị akanya ini ẹhẹ ẹnịnị. Ẹnẹyịmavara Ohomorihi ya pe wa; ọnị ọ vị ohinọyị ẹnịnị nị.

Oyinyima 17:7

Di Ohomorihi rẹ ka Ịrẹyị ọnọnị ọnị ọnị maanị pè e ọnịrị ezi anị ịrẹma-ịrẹma kà aanị vị ana jẹẹ pooro. Ịrẹyị pooro zịna-zịna ọ vị nị. Ịrẹyị ọnọọ ọ vị ka ọnị vaa vị Ohomorihi ọnịrị ezi anị ịrẹma-ịrẹma pooro zịna-zịna.

Ijeremaya 40:11

 nyị Anisirẹrị nịnị ene hi ẹtẹ Imowabi, Amọnị, Edomi, ọnịrị ẹkụra ana vọ. Ẹnịnị ệ wụ́ ka ohinọyị Ịbabịrọnị ộ navọ Anisirẹrị ẹnyị ka ẹ̀ ra hi ẹkụra ẹnịnị. Ẹnịnị ệ rẹẹ wụ́ ka ọ́ raa sị̀ Igidarịya mẹ Ịgọvọnọ ẹnịnị.