Biblia Todo Logo
Bib sou entènèt

- Piblisite -




1 Ịsamụwẹrị 10:7 - IWE ỌNỊNỊ

7 Dị Ịsamụwẹrị rẹ ka ịjị avaba ịrẹyị ẹnẹẹ ẹ̀ẹ sị sẹ tụ́ ịrẹsụ Ịsọọrụ ịsa tụra ịsa oni Ohomorihi ọ̀ọ́ ka ọ̀ mẹ, ọ̀ mẹ̀ ẹ, ka Ohomorihi vaa yàa pè e.

Gade chapit la Kopi




1 Ịsamụwẹrị 10:7
20 Referans Kwoze  

Ịzọọ anggẹẹrị ya sị ẹngụ zụ ọ, dị ọ pe Igidiyọnị ka ịrẹyị nị, ọ kà Ẹnẹyịmavara ya pe e wu, ọkụrẹkụ ọbanyị.


Wáá yẹ ịsị ụ va sị yẹ ozi ọnọọ nịnị? U vee re ozi ọnọọ nịnị ka â sị ịta para a, dị a sị ọọ hụtụ ịzị ịsụpaā yàa rị ịsa nị.”


Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.


Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.


Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.


Di Ohomorihi ka, “Ẹ yị dọ ka ịzẹyịza aa kà nị, dị ẹ̀ yị rẹ dọ apẹrẹ ịpaapa nị, â vọrọ ka ẹ dọ apẹrẹ ọhụva.”


Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”


Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.


Dị ẹnẹnẹ, ọnị ọyị aa tụụ ẹhẹ vẹ kẹnẹ, Abimẹrẹkị ọ kụ ịrẹkụ na su Anịsẹkẹmị avavoo ịjị Igaarị ọnịrị aza anị e kwẹẹtẹ vẹ ịnị ịrẹvụ ẹnịnị, dị ẹ tana ụvọ za wa ẹtẹẹrẹ.


Imosiisi kà Anisirẹrị àa nọ ịrẹkụ, dị è re ka ọnịvị ẹnịnị ẹ rụrụ hụụnị ẹnị dị umaata ẹnịnị ọnịrị ịkẹkẹ ịrẹkụ ẹnịnị rụrụ huuna ẹnịnị nị, asị e hí angwa. Ẹnẹyịmavara ana dọ wa ha hụụnị ụvọ Anijipiti vaa kụ ịrẹkụ yị wa.


Ohomorihi ô sere ozi ọnọọ, dị ọ vịra nị. Dị ahịka ịnị ụnọmị ọ ra nị. Ọ yara ne ọpa ẹnẹmẹhị.


Ịjị aza ẹnẹẹ re ụkọrọ apọtẹrẹwa oni Ijeesu mẹ, dị ẹ ka, “Ịzẹyịza, ọza ọnọnị ọ vị Ọnịsẹ ọnọọ ana a vịdị kà a ka ọ vaa vẹ ẹhẹ nị.”


“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”


Ezi ewu ẹyịva, Ihohwini ọnịrị Ihwinehasi vi ene vee sú ịnị ẹkụhị ọnya. Ọnọọ vaa sị zụ̀ wụ ka ịrẹyị aa vẹ ịrẹsụ awụ nịnị.


Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.


Ịsamụwẹrị màa vịra, Ẹnẹyịmavara vị ana yà pè e. Avaba ịrẹyị ẹnẹ Ẹnẹyịmavara sịị zụ̀ Ịsamụwẹrị avọọ avaba anị mẹ̀ rẹ yị mẹ nị.


Ọ kà àa vị ada anị èe sì ka ọnị ọ̀ mẹ̀ ẹ ịrẹyị odivi ịzẹyịza nị, ọnị vaa tụ́ naa kà a yị Idevidi, dị ọnị ọ̀ mẹ ka ò zwe dị asị a nyị ịsị ẹ mẹ̀ ẹ. Ọ kà ọnị ọ̀ yị vavọọ mẹ dị asị Ẹnẹyịmavara zẹẹ ka ò zoza yị ọnị. Dị ọ rẹ ka Ẹnẹyịmavara ọ̀ yà pè Idevidi anka ọ mẹ̀ yà pè Ịsọọrụ ada anị nị.


Di Inatanị tụ́ ọ ohi ka ịsị òo ro tụ́ ịnị ayị kẹnẹ, ọ̀ vavọọ na mẹ̀ ẹ. Ọ kà Ẹnẹyịmavara vaa jẹẹ ịrẹma anị.


Mẹ yị me eyi agụvị ka maa nyị ogu, à vị agụvị ka mâ nyị ịsa rị ụvọ.


Swiv nou:

Piblisite


Piblisite