1 Ịsamụwẹrị 10:3 - IWE ỌNỊNỊ

³ Ịsamụwẹrị ka Ịsọọrụ ọ̀ọ sị hụụ ịzọọ, dị ọ̀ nị na pooro dị ọ̀ na ngụ ịzị ọchị ooki ọbanyị ọnya yà ịnị ẹkụra ana aā hị́ Ịtabọ. Ọ kà â nyị ọnọrụ ẹẹta ana aa nọ ịnị irehi Ohomorihi Ịbẹtẹrị ana vaa gẹrị Ịsọọrụ ịzọọ. Ọ kà ọnya ịnị aza ẹnẹẹ vaa kụ́ ozi ẹvụ ẹẹtaa za, dị ọsa kụ́ ịbụrẹẹdị ẹẹta rị ụvọ, dị ọsa ọnị rẹ za eche ana a sị tụ́ ịnị ịtụmpaha uye.

1 Ịsamụwẹrị 10:3 Referans Kwoze

Oyinyima 35:3

dị ẹnị ẹ̀ kwẹẹtẹ dị ẹnị ẹẹ nọ Ịbẹtẹrị. Ọ kà ẹnị èe tù ịzọọ ọnị ee hi ụta yị Ohomorihi ịzị ọnị vaa yàa mẹ̀ ịsọvọ yọ. Ọ kà Ohomorihi ọnọọ ộ ba ọnị owu ịnị ụmẹ ọnị ọ sị kata ọnị ẹngụ. Ọ kà ọ rẹ jẹẹ ọnị ịrẹma aha tụra aha ọnị ọnị àa nọ.”

Oyinyima 35:1

Di Ohomorihi hị́ Ijekọvụ dị ọ ka: ọ̀ kwẹẹtẹ dị ọ hịrẹ nọ Ịbẹtẹrị, dị ọ̀ na ra ịzọọ. Ọ kà òo tụ́ ịzọọ, dị ọ mẹ aha ịsọvọ ịzị ọ vaa yaà mẹ̀ ịsọvọ yị ọnị Ohomorihi ana sị ẹngụ zụ̀ ọ o mè zwe huu ịda Iisọ ẹnẹbẹnị anị.

Oyinyima 28:22

Ịrẹta oni oni hì jẹẹ aanị ọ vị ịzị a vaa dà irehi Ohomorihii tụ́ nị. Avaba ịsị ọ̀ọ sị yị, ọnị vaa sị agẹẹwụ anịị yọ.

Oyinyima 28:19

Dị ọ ka ịzọọ ọ rị Ịbẹtẹrị nị. Ama ịrẹha ẹkụra ọnọọ ọ vịdị rị Iruzi nị. Iruvo Ịbẹtẹrị ini Ihiburu vi irehi Ohomorihi.

Ahẹ Ụgama 89:12

Ẹwa mẹ oze ẹbẹẹba ọnịrị ụvẹtẹ nị, Átaba Ịtabọ ọnịrị Ihamọnị mẹ̀ wụ́ ịrẹta awụ dị ẹ yaa jẹ, dị ẹ yaa jị ahẹ nị.

Ọdọvịdị 8:18

Ịjị Igidiyọnị maa nị raa sị zụ anẹkụra Isukoti ọnịrị Ipanauwẹ dị ọ va họ̀ Ịzẹba ọnịrị Izarimuna ka, ẹngụ aza sị ẹ wụ ẹtẹ Ịtabọ ịhị ọnọọ? Dị ẹnịnị tu ọ ohi dị ẹ ka, aza ẹnẹẹ è vene Igidiyọnị nị, dị ẹ rẹ ya anka ezi ohinọyị avọọ nị.

Ọdọvịdị 4:12

Ịjị Isisera wụ́ ka Ịbarakị ộ raà hịrẹ nọ Ataba Ịtabọ,

Ọdọvịdị 4:6

Ẹkụhị ọnya, dị ọ tụ́ hị́ Ịbarakị ozi Abinowami hụrị Ịkẹdẹsị ịnị ẹtẹ Inahwitari, Idebora ka Ẹnẹyịmavara, Ohomorihi Anisirẹrị ô mẹ ọda ka Ịbarakị ọ̀ kụ aza akawụ-akawụ oze ẹẹhị hụrị ịrẹsụ Inahwitari ọnịrị Izeburuni nọ ịrẹsụ ataba Ịtabọ.

Ijosuwa 19:22

Ẹhwị ẹtẹ ẹnịnị ô tụ Ịtabọ, Isahazuma, ọnịrị Ịbẹtịsẹmẹsị, dị ọ na zẹtẹ tụ Ijodani nị. Ẹtẹ ẹnịnị vị ẹkụra ẹbanyị-ẹbanyị ẹwụrịhịnọnyị beri ẹkụra eweyi-eweyi ene hi ịnị ẹnịnị.

Ijosuwa 19:12

Ẹhwị ẹtẹ ẹnịnị ộ hụrẹ Isaridi zi oze ọsa eyi ọnị ọyịị̄ zị naa ngụ ẹtẹ nọ eyi ọnị ọyịị̄ zịị vẹ, dị ọ na ngụ ẹhwị ẹtẹ ịzị aā hị́ Ikisirọtị-Ịtabọ nị. Dị ọ hụụ ịzọọ na ngụ Idaberati, dị ọ huu ịzọọ và hịrẹ ne tu Ijahwiya nị.

Ireevi 23:13

Ọ kà ẹnịnị ẹ̀ sị ayị ọyịkwọ ẹ̀ hụ ikirogirami ẹẹva avọọ, dị a sị angwẹ orivi hùra a, dị ẹ̀ sị mẹ̀ ịsọvọ ịsọyịrị. Agụ ịsa ịsọvọ ọnọnịị hine Ẹnẹyịmavara ẹtẹẹtẹrẹ. Ọ kà ẹnịnị ẹ̀ rẹ sị eche chee aanị vaka ịsa ịsọvọ ẹnịnị ọnọọ.

Ireevi 7:13

Ọza ọnọọ rẹ vaa sị ịbụrẹdị ana a sị owu tụụ vaka ịsa ịsọvọ ọnị ọ sị va kụ avọ aanị.

Ireevi 3:12

Àa vị ẹvụ ọza sị aa vaa mẹ̀ ịsọvọ nị,

Ireevi 3:6

Àa vị atẹmẹ à vị ẹvụ, ọ̀ọ va vị ịdẹba à vị ịdẹ ọza ka ọnị aa sịị mẹ̀ ịsọvọ ọnọnị nị, asị ọ vị ana tụ ọkụmị.

Ireevi 1:10

Àa vị ịdẹba à vị ịdẹ ọza ọnọọ aà sị hụụnị ịsụpa ana aa pá vaa mẹ̀ ịsọvọ nị, ọ̀ sị ẹnẹ ẹ̀ yị tụ ọkụmị.

1 Ịsamụwẹrị 10:4

Dị Ịsamụwẹrị rẹ ka aza ẹnẹẹ vaa kụ́ Ịsọọrụ, dị ẹ sị ịbụrẹẹdị ẹẹva yọ. Ọ kà ẹ̀ẹ vavọọ sị yị Ịsọọrụ, Ịsọọrụ, dị ọ̀ dọ ọ.

Ijeremaya 32:8

Ịzẹyịza, anka Ẹnẹyịmavara mẹ kà a gẹdẹ-gẹdẹ, dị Ihanameri ve tu ọnị ịnị ohweje ohinọyị dị ọ ka, ọnị ọ̀ va na hị́ ẹtẹ anị ana yà Anatọtị ịnị ẹtẹ Ịbẹnjamịnị, agụvị ka ọnị ọ vọrọ tụra ka ọ̀ hị́ ọ nị. Agụvị avọọ ọnị ọ̀ hị́ ọ yị ẹngụ anị. Dị ọnị sị yẹ ka Ẹnẹyịmavara ọ ka ịrẹyị ọnọnị nị.

Ọdọvịdị 20:18

Ịjọnọọ dị ezi Anisirẹrị nọ Ịbẹtẹrị na hu use ịnị ụvọ Ohomorihi ka ọ kà a yị ẹnị ịrẹsụ ana vọrọ ka ọ vịdị na gẹrị aza Ịbẹnjamịnị ịnị ịrẹkụ. Dị Ẹnẹyịmavara kà yị wa ka evere Ijuda ẹ vịdị na gẹrị wa nị.

Ọdọvịdị 20:23

Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị.

Ọdọvịdị 20:27

Ẹnịnị Anisirẹrị ẹ rẹ ne họ̀ use ịnị ụvọ Ẹnẹyịmavara (ịnị ụmẹ avọọ apoti ivenu Ẹnẹyịmavara ya ịzọọ,