1 Ịsamụwẹrị 10:12 - IWE ỌNỊNỊ

¹² Dị ọza ịnya ana vị anịzọọ ọnị rẹ ka, “Ẹnẹ vị ana vị ada ẹsẹnị kẹ?” Ịrẹyị Ịsọọrụ ọnọọ ọ mẹ ka à kụkụ sịị kà ịrẹyị ka, “Vị Ịsọọrụ ọnị raa kà ịsẹ bẹẹ nịị?”

1 Ịsamụwẹrị 10:12 Referans Kwoze

Ịjọọnụ 6:45

Ọnịsẹ nịnị ệ chẹrẹ ẹ tịtẹ ịyẹẹyẹ ka: ‘Ohomorihi ọ vaa zụ̀ avaba aza ịsa nị.’ Avaba ọza ana àa wụ́ ịrẹyị Ada amị, dị ẹ rẹ kọsẹ ị́dị anị nị, ẹ vaa ká mịị vẹ.

Ayịsaya 54:13

Ẹmị ụvọta vaa zụ̀ ezi ewu ịsa. Mị vaa mẹ ka ò ze yị wa ẹtẹẹtẹrẹ, dị mị sị ẹngwọọrọ yị wa.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ịjọọnụ 7:16

Dị Ijeesu tụ́ wa ohi, dị ọ ka, “Ịsị maa sịị zụ̀ aza aanị, ẹ yị vị ịrẹyị ẹmị ụvọta ọ vị, ama ịrẹyị Ọza ana tụ́ mị vẹ ẹhẹẹ yọ nị.

1 Ịsamụwẹrị 10:13

Ịjị Ịsọọrụ sị kú irenu, dị ọ̀ yị kụkụ kà ịsẹ, di o si hu dị aa nọ aha ịsọvọ nị.

1 Ịsamụwẹrị 19:23

Dị Ịsọọrụ si hu aa nọ Inayoti ịnị ẹtẹ Iraama nị. Ọ màa na ózee, dị ụhwẹ Ohomorihi rẹ ngụ ọnị ẹngụ dị ọnị ịnyẹmba ọnị raa ka ị́sẹ pooro, dị ọ va na ngụ Inayoti nị.

1 Ịsamụwẹrị 19:24

Dị Ịsọọrụ yà eyi Ịsamụwẹrị dị ọ ngwa awuru anị dị ọnị raa kà ịsẹ nị. Dị Ịsọọrụ vavọọ hụtụ pooro ọọdụ ọnịrị ịrahụ nị. Ọnị ọ mẹ ana a sịị̄ kà a ka, “Anị ka vị Ịsọọrụ ọnị rẹ yà ịnị ọnịsẹ nịnị nị?”