1 Ịsamụwẹrị 10:10 - IWE ỌNỊNỊ

¹⁰ Ịsọọrụ ọnịrị ozida ọnị ọnịrịị zị mẹ̀ na sị ngụ Igibiya, dị a nyị ọnịsẹ ẹnyị aanị ana wara aa vẹ, dị ẹ va gẹrị wa nị. Ịzẹyịza dị Ụhwẹ Ohomorihi dọ avaba ayị Ịsọọrụ, dị ọ sị ụkata yọ nị. Dị Ịsọọrụ ọnị rẹ na vaka ọnịsẹ ẹnẹẹ di e dudu aa kà ịsẹ nị.

1 Ịsamụwẹrị 10:10 Referans Kwoze

1 Ịsamụwẹrị 2:35

Ohomorihi ka â nyị ọza ẹnẹsa ọnị ọnị vaa nyị ka ọ̀ vi ohirẹsụ irehi anị. Ọza ọnọọ vaa sị ayị ọnyaa mẹ̀ ụkọrọ ọnọọ. Avaba ịsa oni Ohomorihi òo sì ọ vaa mẹ nị. Ọ kà ọnị vaa mẹ ka ọza ọnọọ ọ̀ na ozi, di ezi ẹnẹẹ aa mẹ̀ ụkọrọ pooro ịda ọza ọnị ọnị Ohomorihi vaa nyị ka ọ̀ vị ohinọyị.

1 Ịsamụwẹrị 11:6

Ịjị Ịsọọrụ maanị wụ́ ịrẹyị ẹnẹẹ, dị Ụhwẹ Ohomorihi sị ụkata yọ, dị ayị nyayịnẹ kụ́ ọ ẹtẹẹtẹrẹ nị.

Ọdọvịdị 3:10

Ụhwẹ Ẹnẹyịmavara ộ dọ Ọtịnẹrị ayị, dị ọ kụ Anisirẹrị nọ ịrẹkụ Ikusani-Irisatayimi. Dị Ẹnẹyịmavara sị ọ nyị ẹbẹẹba anị nị.

Ọdọvịdị 15:14

Ịsamịsịnị maa ngụ ireehi na dị Anihwirisiti nịnị nowu zẹtẹ dị ẹ na gẹrị ọ nị, obobooro dị ụhwẹ Ẹnẹyịmavara kụ hi Ịsamịsịnị ịnẹ nị dị ọ sị ụkata yị ọ nị. Ịjọnọọ dị obo ana sị sụ Ịsamịsịnị ụvọ ngwara wuuru va ha anka ụsụ mẹẹ nā aa sị ịra gụrị ọ avọọ.

1 Ịsamụwẹrị 16:13

Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.