1 Ịsamụwẹrị 10:1 - IWE ỌNỊNỊ

¹ Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.

1 Ịsamụwẹrị 10:1 Referans Kwoze

1 Ịsamụwẹrị 16:13

Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.

Ahẹ Ụgama 78:71

dị ọ sị ọ ka ọ̀ kụkụ vaa tẹsị aza anị ana vi ezi Ijekọvụ nị. Mị ka ẹnị ẹ vị Anisirẹrị ana vi ogu Ohomorihi nị.

1 Ịsamụwẹrị 9:16

Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

Odeyi 13:21

Ịrẹma ọnọọ, dị Anisirẹrị ka eni ee sì ohinọyị nị. Dị Ohomorihi sị Ịsọọrụ ozi Ikisi ana vị anovwoovu Ịbẹnjamịnị yị wa nị. Ộ mẹ ohinọyị yị wa mẹ ịrayị ẹbẹẹva.

1 Ịsamụwẹrị 26:11

Ọ kà ana asị Ẹnẹyịmavara zẹẹ ka ọnị ọ̀ sị ụvọ kanyị ọza ọnị ọ nyị. Di Idevidi ka à jẹẹ ẹnị ẹ̀ si ọha ọnịrị ịtụmpaha ọnị Ịsọọrụ nịnị sị enyi tụ́ ana yà aha ịrẹsụ Ịsọọrụ, dị ẹnị ẹ̀ẹ na.

Iwe Ọhụhị Imosiisi ana aa hị́ Ọyịvatụrọda 32:9

Ama Ẹnẹyịmavara ụvọta anị ọ vị Ohomorihi aza anị Isirẹrị nị.

2 Ohinọyị 20:5

Ọ kà ọ na ka yị Ihezekaya ana vị ọdọvịdị aza anị ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị.

2 Ohinọyị 9:1

Ẹkụhị ọnya, Erisa ana vị ọnịsẹ, ộ hị́ ọnya ịnị ẹnị ọnịsẹ nịnị, dị ọ kà a yọ ka, “Tenyi ẹngụ awụ; sị ijonggo ana sị angwẹ tụ aanị, dị wa nọ Ịramọtị-Igiriyadi.

Ẹtore 5:8

Ịjị ọ raà sị iwe ọnọọ, dị ịsa ẹẹna ẹnẹẹ ana nyị ụhwẹ, beri azọkụ ohurẹẹna ẹnẹẹ tana tụra ẹtẹ ọ́vịdị Ozi atẹmẹ ọnọọ nị. Avaba ẹnịnị ệ sị ịsa a sịị̄ jị ahẹ ene véné igita rị ụvọ, dị ẹ rẹ nyị ịchacha ọgana ana a sị igooru mẹ ene eturare ozoza yà ịnị anị nị. Eturare ọnọọ vị aduwa aza Ohomorihi.

Anihiburu 2:10

Ohomorihi ọ mẹ avaba ịsa nị, dị ẹ rẹ vị Óhomorihi nị. Agụvị avọọ áa vọrọ ka ọ̀ mẹ ka Ijeesu ọ̀ gụ ini oze ụya ọnị ọ rị, dị aza ọrụrụ-ọrụrụ ẹ̀ zụ nyị tụ́ ini igirima anị. Ijeesu ọ sị oze zụ̀ wa ka ẹ̀ vẹ, dị à va dọ wa há nị.

1 Anịtẹsaronika 5:26

Kụ́ avaba anda ayị nịnị ini oze ana sị zụ ka wee sì ịrẹyị ẹngụ nịnị.

Ihoseya 13:2

Booro aanị, ẹnịnị vị ana dà ụvọ tụ́ ịnị ụvọ hu avọọ ịnị ebira odivi ẹnịnị. Ẹnị ụvọta e kuku aa sị ụvọta ẹnịnị sị́ enyusẹ isiriva tụ́ ọnyọọnọkụmị ori ẹnịnị nị. Ẹnịnị vị ana aa mẹ̀ ịsọvọ yọ ori ẹnẹẹ, dị ẹ yaa ku ụnọ ene e tụ jẹẹ irenu.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ahẹ Ụgama 135:4

Ẹnẹyịmavara ọ sị Ijekọvụ nyị ka aanị ọ vị nị. Ọ kà Anisirẹrị vị ogu anị.

1 Ohinọyị 19:18

A nyị nyị ọnịsẹ ẹnị akawụ-akawụ oze ẹẹta tụra akahị ọnị mị vọ tịtẹ ịnị ẹtẹ Isirẹrị. Ịnị avaba ẹnịnị â yị nyị ene kú ẹtẹ kụ́ Ịbaarị. Ẹnịnị e yi re kú Ịbaarị irenu.”

2 Ịsamụwẹrị 19:39

Avaba aza ẹnẹẹ ẹ sị jịnẹ Okuha Ịjọdanị. Ohinọyị ọnị ọ rẹ sị jịnẹ. Di ohinọyị za Ibarizirayi di o kú o irenu, dị ọ mẹ̀ aduwa yọ, di Ibarizirayi sị varẹma aa nọ eehi anị nị.

2 Ịsamụwẹrị 5:2

Ịyẹẹyẹ Ịsọọrụ mẹ̀ vịdị vị ohinọyị ayị, ẹwaā kụ́ Anisirẹrị nọ ịrẹkụ nị. Ẹnẹyịmavara ọ sị ọ kà ka ẹwa vaa tẹsị aza anị ana vị Anisirẹrị nị. Ọ rẹ ka ẹwa vaa vị ohinọyị ẹnịnị nị.”

1 Ịsamụwẹrị 24:6

Di Idevidi va kà a yị aza anị dị ọ kà, “Ẹnẹyịmavara ọ yị vaa zẹẹ ka ọnị ọ̀ sị ụvọ anị kanyị ọza ọnị ọ nyị ka ọ̀ vị ohinọyị. Ọnị ọ yị nyayịnẹ vavọọ mẹ̀ ebira hi ọga anị.”

1 Ịsamụwẹrị 13:14

Ama ẹ yị vị ẹwụ ọ kụkụ vaa rị ohinọyị Anisirẹrị pooro nị. Ụ wẹ̀ yị mẹ̀ zẹẹ ka wa sị eyi pe ọda Ẹnẹyịmavara, o reè sì ọza ẹnẹsa ana vaa mẹ ẹngụ ịsa oni o sì. Ọza ọnọọ Ẹnẹyịmavara kụkụ nyị ka ọ̀ vị ọdọvịdị aza anị nị.”

1 Ịsamụwẹrị 8:19

Anisirẹrị nịnị ê yi, ẹ yị zẹẹ ka ẹnị ẹ̀ wụ́ ịrẹyị ọnị Ịsamụwẹrị aa kà a yị wa. Ẹ ka ẹ yị nyị ụvọ ẹnịnị rị ịnị ịrẹyị ọnọọ, ẹnị ka eni ee sị̀ ka ẹnị ẹ̀ nyị ohinọyị.

1 Ịsamụwẹrị 8:9

Di Ohomorihi kà a yị Ịsamụwẹrị dị ọ ka ịsị aza ẹnẹẹ ẹ̀ẹ kà kẹnẹ, Ịsamụwẹrị ọ̀ dọ ooho. Ọ kà ama Ịsamụwẹrị ò hú wa ụvọ ẹtẹẹtẹrẹ, dị ọ̀ kà a yị wa ịsị ohinọyị ana vaa rịị tụra wa vaa mẹ wa.

1 Ịsamụwẹrị 2:10

Aza ana kwẹẹtẹ tù Ẹnẹyịmavara vị ọnị ọ vaa garaa ha. Apaana ihinẹba ọ vaa tụ́ụ hi wa nị. Ẹnẹyịmavara vaa mẹ̀ ọkarẹyị avaba anẹhẹ. Ọ vaa sị ụkataa yị ọza ọnị ọ sị mẹ ohinọyị, mị ka ọza ọnị ọ̀ọ nyị mẹ ohinọyị, vị ọnị ọ vaa sị ụkataa yị.”

Ọyịkụra 30:23

“Ọ sị eturare ohuru-ohuru, dị a sị angwẹ ịmaya ikirogirami ịhịnọnyị, ikinamọnị ana nyi agụ ozoza ikirogirami ẹẹta, Ikane ana nyị agụ ozoza ikirogirami ẹẹta.

1 Ịsamụwẹrị 9:27

E mèe chii naa ngụ ụtọ ẹkụra, dị Ịsamụwẹrị ka Ịsọọrụ ọ̀ kà a yị ozida ọnọọ ka ọ̀ọ na zi ẹnị nị. Di ozida ọnọọ aa naa zi wa nị. Dị Ịsamụwẹrị va kà a yị Ịsọọrụ ka ọnị ọ̀ jẹẹ chee dị ọnị ọ̀ kà yọ ụtụ oni Ohomorihi tụ́ hị́ ọ nị.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

1 Ịsamụwẹrị 15:1

Ẹkụhị ọnya dị Ịsamụwẹrị hị́ Ịsọọrụ dị ọ kà, “Wâ yẹ ka ẹmị ọnọnị Ẹnẹyịmavara tụ́ ka ọ̀ va sị wụ rị ohinọyị tụ́ ịrẹsụ Anisirẹrị aza anị nị. Batọ dị wa wụ́ ụtụ ẹnị Ẹnẹyịmavara tụ́ mị hi wu.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 26:9

Di Idevidi ka asị ọ wụ̀ ọ. Ọ kà ọza ọ́ọ́ nyayịnẹ sị ụvọ kanyị ọza ọnị Ẹnẹyịmavara sị nyị dị asị ọ rị ịvị?

2 Ịsamụwẹrị 1:14

Di Idevidi ka, “Wâ kụ̀rà ụvọ awụ wâ wụ̀ ọza ọnị Ẹnẹyịmavara nyị mẹ ohinọyị angwa ọ yị daba hi wu?”

1 Ohinọyị 1:34

Weè tù ịzọọ nịnị, dị ẹwụ Ịzadọkị ana vị ohirẹsụ irehi Ohomorihi beri Inatanị ana vị ọnịsẹ ọ̀ sị angwẹ nyị Isoromọnị dị ọ̀ rị ohinọyị tụra ịrẹsụ Anisirẹrị. Wàa vavọọ sị ọ mẹ, di u hú ọpanyị nịnị dị ụ ka, ‘Taarụ, Isoromọnị ohinọyị, orubo ọcha, orubo ẹya.’

Ezikẹẹrị 16:13

Avọọ ọnị mẹ sị igooru ọnịrị isuu mẹ wụ ọvị nị. Ẹnya ọnị ụụ̄ kụụ hị́ ẹngụ vị ana a sị ịta ọyịza-ọyịza ọnịrị ịta isiriki jị dị a mẹ̀ ụkọrọ hi wa. Ayị ene zoza ọnịrị ẹhụ beri angwẹ orivi a sịị̄ mẹ ịsọyịrị awụ nị. Wee zoza pooro, wa kụkụ sị vara ose ohinọyị.

1 Ịsamụwẹrị 15:17

Dị Ịsamụwẹrị ka, “Wáā yẹ ka wê yi vịdị ro o ka waa bẹrị ọza, dị Ẹnẹyịmavara sị wụ vị ọdọvịdị Anisirẹrị nị. Dị ọ nyị wụ ka wa vị ohinọyị Anisirẹrị.

2 Ịsamụwẹrị 20:19

Ẹyị vị ọnya ịnị ẹkụra ẹngwọọrọ ọnịrị ẹkụra ana nyị ịzẹyịza ịnị ẹtẹ Anisirẹrị. Ama ụ ka àa chaka ẹkụra ọnọnị. Yàa yà ini Anisirẹrị, sị ẹ vẹ dị ụ ka aa chaka ịsa ana vị ịsa Ẹnẹyịmavara?”

2 Ohinọyị 9:12

Dị ẹnịnị ka, “Eyiye, yẹ yị yẹ! Kà ẹ yị ịsị ọ kà wụ.” Dị Ijehu ka ộ kà a yị ọnị ka Ẹnẹyịmavara kà: “Ọnị ộ nyị ọnị ka ọnị ọ̀ vị ohinọyị Isirẹrị.”