1Ipita 4:8 - IWE ỌNỊNỊ

⁸ Ịsị e hu keekere yị: Wee sì ịrẹyị ẹngụ nịnị pooro, agụvị ka wèe sì ịrẹyị ẹngụ nịnị, ọ vaa mẹ ka à vagu ịvị ọrụrụ-ọrụrụ.

1Ipita 4:8 Referans Kwoze

Ụhịrẹyị 10:12

Ayamụkụ vị ana tụ ịrẹyị ụka ama oyisì vị ana sị ọza eyi hụụnị ịrẹyị.

Anikorasi 3:14

Ịsị e hu keekere ọ vị ka wee sì ịrẹyị ẹngụ nịnị. Ịrẹyị ẹngụ oyisì ọ kụ́ avaba ebira ẹnẹẹ gẹ nị. Ọnị ọ zụ mẹ ka ọza ọ̀ gụ nị.

Ụhịrẹyị 17:9

Ọza anaā vagu ọza ana mẹ̀ ẹ ịrẹyị vị anaā mẹ ka aza ee sì ịrẹyị ẹngụ, ama ọza anaā vàa tụra ịrẹyị pooro kẹnẹ vị anaā dụ aza hụrị ẹngụ.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

Ijemiisi 5:20

yẹ ka ọza ana mẹ ka ọnịvị ọ̀ và hụụnị oze oni o zi nyeeyi, ọ vaa dọ ọ há hụụnị isu. Ọ rẹ vaa mẹ ka Ohomorihi ọ̀ vagu ịvị ọrụrụ-ọrụrụ.

1 Anịkọrịntị 13:1

Ọ̀ọ daka zee eyi maa sị ẹkụra azaa kà ịrẹyị, dị ma hyakụ rẹẹ kà ẹkụra anggẹẹrị nịnị bẹẹ, mè yi sì ịrẹyị ọza, ịrẹyị amị vị ana sị mẹẹ anka enyusẹ ana aa sụ́ ịrẹyị wagaa kẹnẹ avọọ, à vị agogo ana aa sụ́ wonyii kẹnẹ.

1 Anịtẹsaronika 3:12

Ananyị yị ọ̀ navọ wee sì ịrẹyị ẹngụụ hu avọọ, di u we ree sì ịrẹyị azaa hu avọọ, anka ẹ́yị mè ree sì ịrẹyị ẹwụ nịnị.

Anihiburu 13:1

Ẹwụ nịnị ana vị ẹyịnyara ini Ikirisiti, wee yii sì ịrẹyị ẹngụ nịnị!

1 Itimoti 1:5

Iruvo ọnị maa sịị kà wụ ọnọ ọnọnị ọ vị ka ọ̀ mẹ ka anị ịzọọ ẹ̀ zụ nyị ịrẹyị ọza oyisì ana hụụnị ayị aza ana sị ayị tụra Ohomorihi obooro vẹ.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

Ụhịrẹyị 18:13

Jẹẹ wa wụ ịzẹyịza ịrẹyị da, dị we vee tụ́ ohi, ẹ yị vavọọ ụ va sị ụra mẹ dị ọ vị ụhị yị wụ.

Ụhịrẹyị 12:16

Ọnụra vị ana hụra kụ ayị ịrẹyị ama ọza ana yẹ ịrẹyị ọ mā wụ ụhụ.

3 Ịjọọnụ 1:2

Ọta amị ọnị mị sì ịrẹyị anị; Ví o vee zée yị wu nị, Ohomorihi ọ yị vaa zẹẹ ka à nyị ịsị ẹ zị wụ. Mâ yẹ ka ayị awụ ộ vọrọ tụ́ ịdị Ohomorihi.

Ijemiisi 5:12

Ẹwụ nịnị ẹyịnyara amị, ịrẹyị obooro yị: Asị ụ sị ihinẹba, àa vị ẹhẹ hị́ eku! Asị a hyakụ nyị ịsị ụ sị hị́ eku vụrụ-vụrụ. Wâ kà a ka Hịịn, ọ̀ vị hịịn; wàa kà a ka Eyiye, ọ rẹ vị eyiye, agụvị asị Ohomorihi Ananyị yị na jị ịvị wụ nịnị.

1 Anịkọrịntị 13:4

Ọza ene sì ịrẹyị ọza vị anaā nyị isuuru, dị ọ raa ngụ ayị ọza. Ọza ene sì ịrẹyị ọza, ọ mā kụ̀ ụhị. Ọza ene sì ịrẹyị ọza, ọ mā rẹ nyị irenu, ọ mā sị ẹngụ anị tụ́ ẹba.