1Ipita 2:6 - IWE ỌNỊNỊ

⁶ Wáa yẹ ka â chẹrẹ ẹ tụ́ ini Iwe Ohomorihi, ọ mẹ kà a ka, Re, Maa nyị ịrẹta ọnya, ịsa obooro ọ vị mị nị. Mâ sị ịrẹta ọnọọ ká irehi ẹtẹ tụ́ Ịzayọnị. Ọza tụra ọza ana àa sị ayị tụra a, ọ́ yị vaa mẹ ụhịị nyị ọ vụrụ-vụrụ.

1Ipita 2:6 Referans Kwoze

Ayịsaya 28:16

Batọ o, dị wa wụ́ Ẹnẹyịmavara ana vi ohinọyị keekere mẹ̀ kà. Ọ kà ọnị ộ nyị ịrẹta ọnya ọnị ọnị sị jẹẹ tụ́. Ọ kà a raà zama ịrẹta ọnọọ re, ịrẹta ọnọọ vị ọzẹnya irehi, vị ọ nyayịnẹ si iruvo irehi jẹẹ nị. Ọ rẹ ka ọza tụra ọza ana àa sị ayị tụra a, ụhị ọ yị vaa nyị ọ.

1Ipita 2:4

Vẹ ịdị Ijeesu Ikirisiti ana vị Ịrẹta ana yára nịnị. Aza ê yi ọ tịtẹ, ama Ohomorihi ọ sị ọ nyị, ịsa obooro ọ vị̀ yị Ohomorihi nị.

Anẹhwẹsọsị 2:20

Ẹwụ nịnị rẹ yà ini irehi ọnọọ ana odeyi nịnị ọnịrị ọnịsẹ nịnị ká ẹtẹ. Ijeesu Ikirisiti ọnị ụvọta ọ vị ohyẹtẹ irehi ọnọọ nị.

Ịzakaraya 10:4

Hụụnị Ijuda a vaa nyị ohi ọnịrị ọdọvịdị ne beri ọga isoja ọnịrị ohinọyị nịnị.

Ịmaakị 12:10

Aanịka wẹ yị kà Iwe Ohomorihi ana kà a ka: ‘Ịrẹta ọnọ ọtụrarehi nịnị yi tịtẹ, ọnị ọ vana vị ọọnyị ịnị ịrẹta anaa sịị̄ dà irehi nị.

Aniroomi 10:11

Agụvị ka â chẹrẹẹ tụ́ ini Iwe Ohomorihi ka, “Ọza tụra ọza ana àa sị ayị tụraa, ụhị ọyị vaa nyị ọọ.”

Ayịsaya 50:7

Ama Ẹnẹyịmavara Ohomorihi ộ yị zẹ ka ịsị ẹ mẹ̀ ọ zàmà ọnị, dị ọnị sị ẹngụ dọ ịrẹyị ẹnịnị agụvị ka Ohomorihi ẹ yị vaa zẹ ka ụhị ọ nyị ọnị.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

2 Itimoti 3:16

Ohomorihi ọ mẹ ka à chẹrẹ avaba Iwe anị tịtẹ nị. Iwe ọnọọ ọ zụ sị sị ịzẹyịza zụ̀ aza, ọ rẹ zụ tụ́ ọza ohuvọ, ọ zụ vọrọ ọza zị oze, a rẹ zụ sị pe ọza juwe, a mẹmẹ vọrọ ka ọza ọ̀ọ mẹ̀ ebira ana vọrọ.

Ịjọọnụ 7:38

 kà a tụ́ ini Iwe Ohomorihi ka enyi anaā mẹ ka ọza ọ̀ yàra obooro, vee sìi hụụnị ayị ọza ana àa sị ayị tụra mịị jịnẹ.”

Ayịsaya 54:4

À sị u hí angwa, agụvị ka ọza ẹ́ ma vana mẹ̀ ụhị nyị wụ. Àsị u hụrẹ ayịnẹ, agụvị ka ụhị ẹ́ ma vana nyị wụ. U vee hí ayị ụhị ana nyị wụ ịjị ọnị ụ vị ozweyi. Wẹ́ ma vana tamayị ụhị ana nyị wụ ịjị ọnị ụ vị ọnịịnya anka osoku avọọ.

Iruuku 23:35

Dị aza jẹẹ, di eyee re Ijeesu nị. Dị ọdọvịdị ẹnịnị ê beri wa mẹ Ijeesu isiya ka, “Ọọ̄ dọ aza ẹnẹsaa há; àa vị ọnị ọ vị Ikirisiti ọnọọ oni Ohomorihi nyị nị, ọ̀ dọ ẹngụ anị há kẹ!”

Imatiwu 12:18

“Ọnịtụ amị ọnị mị nyị yị. Mée sì ịrẹyị anị, ayị amị ô hine tù ọ. Mị vaa mẹ ka Ụhwẹ Ọnịnị amị ọ̀ dọ avaba ayị anị. Ọ vaa naa nọọ yị anẹhẹ ka mị vaa mẹ̀ ọkarẹyị yị wa.

Ayịsaya 41:11

Aza anaa kụ́ ayị hi wu nini vị ọnị ụhị vaa nyị. Aza ana va eyi ịrazị ka wụ nịnị vị ene vee vu ẹtẹ

Ahẹ Ụgama 89:19

Wa mẹ ka aza awụ ana nyị ayị ọnya è re ẹtẹ ịnị ụmẹ ọnya da. Dị ụ kà a yị wa ka â nyị ọnịrẹkụ ọnya ọnị ụ raà sị ụkata yị. Ụ ka wa raà si ozwọọmụha ọnya hụụnị aza ẹnẹẹ ka wa kà a hịrẹ.

Ahẹ Ụgama 40:14

sì ka ẹnị ẹ dọ mị ụhwẹ Aza ene ee sì ka ẹnị ẹ̀ wụ̀ mị, navọ ụhị ọ̀ nyị wa dị ẹ sị varẹma.

2Ipita 3:16

Ịnị avaba iwe ọnị ọ chẹrẹ, ẹngụ ịrẹyị ọnọnị ọ kà nị. Ịsa ẹnyị hi ini iwe anị ana tụ́ akanya ọyị yẹ. Dị aza ẹnẹ ẹ̀yị nyị ịsị ẹ yẹ, dị ẹ̀yị mā jẹẹ aha ọnya aa vara ịrẹyị ẹnẹẹ, anka ẹ mẹ̀ rẹẹ̄ mẹ ịrẹyị Ohomorihi ana vọ. Ẹ mẹ̀ vavọọ aa mẹ, ọkarẹyị Ohomorihi éyee turaa kú ẹngụ ẹnịnị ịrẹsụ nị.

2Ipita 1:20

Ịsị mee sì ka ma kà wụ nịnị ẹtẹẹtẹrẹ yị: Tamayị ka ẹ́ yị nyị ịsẹ ini Iwe Ohomorihi ọnị ọza zụ sị ịrẹyọyẹ ẹngụ anị kà iruvo anị;

Anẹhwẹsọsị 1:4

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ nyị yị agụvị Ikirisiti ka ya mẹ̀ ebira ọnịnị, dị asị ị nyị ohuvọ ini eyi anị, di yee sì ịrẹyị aza nị.

Odeyi 1:16

“Ẹwụ nịnị ẹyịnyara amị, Ụhwẹ Ọnịnị ộ vịdị mẹ ka Idevidi ọ̀ chẹrẹ ịsa ini oze Ijudasi tụ́ ini Iwe Ohomorihi. Ijudasi ọnọọ ọ sị oze zụ̀ aza ana va za Ijeesu nị. Ẹ yị zụ nyị ka ịrẹyị ọnọọ ẹyị sẹ.

Ịdanịyẹrị 10:21

Ama Ịpaapa da, ọnị vaa kà a yị ọnị, ịsa a chẹrẹ tụ ịnị iwe ịrẹyịzẹyịza ọnọnị. Ẹ yị nyị ọza ana gụ ọnị ụvọ ịnị ịrẹyị ọnịrị anggẹẹrị ẹyịva ẹnẹnị, ẹ̀yị vị Ịmayịkẹẹrị kẹnẹ, ana vị anggẹẹrị ana sị eyi pe ọnị.

Oyinyima 49:24

ama, dị ụ sị ụvọ ngụ ọkịta awụ nị. Ụvọ awụ ọ yị da ẹgahị. Ohomorihi amị ana nyị ụkata ọ vavọọ sị ụkata wụ nị. Ohomorihi vị ene ee sere wu anka oseratẹmẹ mèe sere atẹmẹ anị avọọ. Ọnị ọ vị aha ụkata ịzị Anisirẹrị vaa sị ịrẹsụ ẹnịnị na tẹ̀ nị. Ẹ yị nyị ịsị ẹ zụ kanyị wa ịzọọ.

Ayịsaya 46:13

Maa mẹ ka ẹkụhị ọnị vaa sị nyị ẹbẹẹba ọ̀ hụra tu. E yi kuku vee kù dị ma dọ wụ nịnị ha Mị vaa dọ Ịzayọnịị ha, agụvị ka Anisirẹrị vị ọnị maa sị ụbanyị.

Iruuku 20:17

Di Ijeesu kana eyi re wa nị, dị ọ ka, “Sị ẹ va vị iruvo ịrẹyị ọnọnị ana a chẹrẹ tụ́ ini Iwe Ohomorihi? ‘Ịrẹta ọnị ọtụrarehi nịnị yi tịtẹ, ọnị ọ vana vị ọọnyị ịnị ịrẹta ana a sịị̄ dà irehi nị.’

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.