1Ipita 2:4 - IWE ỌNỊNỊ

⁴ Vẹ ịdị Ijeesu Ikirisiti ana vị Ịrẹta ana yára nịnị. Aza ê yi ọ tịtẹ, ama Ohomorihi ọ sị ọ nyị, ịsa obooro ọ vị̀ yị Ohomorihi nị.

1Ipita 2:4 Referans Kwoze

1Ipita 2:7

Yị aza ana sị ayị tụra a, ịsa obooro ọ vị yị wa nị. Ama yị aza ẹnẹ ẹ̀ yị sị ayị tụra a, e vee re ka, ịrẹta ọnị ọtụrarehi nịnị yi tịtẹ, ọ vana vị ọọnyị ịnị ịrẹta ana aā sịị da irehi nị.

Ayịsaya 28:16

Batọ o, dị wa wụ́ Ẹnẹyịmavara ana vi ohinọyị keekere mẹ̀ kà. Ọ kà ọnị ộ nyị ịrẹta ọnya ọnị ọnị sị jẹẹ tụ́. Ọ kà a raà zama ịrẹta ọnọọ re, ịrẹta ọnọọ vị ọzẹnya irehi, vị ọ nyayịnẹ si iruvo irehi jẹẹ nị. Ọ rẹ ka ọza tụra ọza ana àa sị ayị tụra a, ụhị ọ yị vaa nyị ọ.

Anikorasi 3:4

Ikirisiti ọ vị ẹhẹ ayị nị; ịhị ọ̀ọ sị ẹngụ zụ̀, ẹyịrị ọ ọ vaa sị ẹngụụ zụ̀ ini igirima anị nị.

Ịzakaraya 3:9

Re, a reè tenyi ịrẹta tụ ọvịdị Ijosuwa. Ịrẹta ọnọọ ọ nyị eyi ịhịmba. Ẹnẹyịmavara Ochẹtẹẹngụ kà ọnị va chẹrẹ ịsa tụ́ ọ. Ịnị ẹkụhị ọnya ọnị vaa nyee ịvị ẹtẹ ọnọnị kwooze.

Ịdanịyẹrị 2:34

Ọ kà, óhinọyị mẹ̀ vavọọ e ré e, dị ịrẹta ọbanyị ọnya dà va nya ịsa ọnọọ ịpẹtahụ dị ọ gara a ha rugu-rugu nị. Ẹ yị vị ọza ọ da ịrẹta ọnọọ ne.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

2Ipita 1:4

Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

1Ipita 1:19

ama anya Ikirisiti ụvọta ana vị ịsa ọkụmị-ọkụmị yọ nị. Anya ọnọọ vị ana sị mẹẹ anka anya ozi atẹmẹ ana a sịị̄ mẹ̀ ịsọvọ ẹnẹ ẹ̀ yị mā nyị ịdọtị, àa vị ụkụ vụrụ-vụrụ.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

Aniroomi 5:10

Ọnịvị Ohomorihi ị vịdị vị nị. Ama agụvị isu oni Ozi anị sú yị yị, Ohomorihi ọ raà sị yị vara ọta anị. Ị mẹ̀ sị vara ọta anị aanị, ẹ yị kụkụ nyị ka àa jị ọọ ịrẹka ka Ozi anị ọnọọ vaa dọ yịị há, agụvị ka ộ yàra.

Ịjọọnụ 14:19

Òo nee kù chee, anẹhẹ e yi kuku vee re mi. Ẹwụ nịnị vee re mi. Mị yàra, ẹwụ nịnị rẹ vaa yàra bẹẹ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 6:57

Ada amị ana yàra pooro zịna-zịna ọ tụ́ mị vẹ ẹhẹ nị. Ini oze anị ẹ́mị rẹ zị yàra pooro zịna-zịna nị. Avọọ gẹdẹ-gẹdẹ, ọza ana àa rị ọchẹngụ amị, ọnị rẹ vaa yàra pooro zịna-zịna ini oze amị.

Ịjọọnụ 6:37

Avaba aza ana Ada amị ọ̀ọ raà sị chire mi ụvọ, ẹ vaa ká mịị vẹ. Avaba aza ana àa ká mị vẹ, mẹ yị vaa dị waa varẹma;

Ịjọọnụ 5:40

Ama wẹ yị zẹẹ ka wa vẹ ịdị amị nịnị, dị ma mẹ ka wa yàra nịnị pooro zịna-zịna.

Ịjọọnụ 5:26

Ada amị ọnị ụvọta ọ zụ mẹ ka avaba aza ẹ̀ yàra nị. Avọọ ọ mẹ̀ rẹ mẹ ka Ozi anị ọnị ọ̀ rẹ zụ mẹ ka avaba aza ẹ̀ yàra nị.

Imatiwu 21:42

Dị Ijeesu kà a yị wa ka, “Aanịka wẹẹ̀ yị kà a ini Iwe Ohomorihi nịnị ka: ‘Ịrẹta ọnị ọtụrarehi nịnị yi tịtẹ, ọnị ọ vana vị ọọnyị ịnị ịrẹta anaa sịị̄ dà irehi nị. Ananyị yị ọ maanị mẹ nị, ô hí yi irenu!’

Imatiwu 12:18

“Ọnịtụ amị ọnị mị nyị yị. Mée sì ịrẹyị anị, ayị amị ô hine tù ọ. Mị vaa mẹ ka Ụhwẹ Ọnịnị amị ọ̀ dọ avaba ayị anị. Ọ vaa naa nọọ yị anẹhẹ ka mị vaa mẹ̀ ọkarẹyị yị wa.

Imatiwu 11:28

Ká mị vẹ nịnị, ẹwụ nịnị ana ayị anị sị vazi, di e reè kune ẹnya ọrata tụra wụ nịnị, ka mị vaa sị ụhwọtụụ yị wụ nịnị!

Ịzakaraya 4:7

Akanya ọ̀ọ daka ya anka ataba, eyi Izerubabẹrị aa ta hi eteesu nị. Ọnị aa da irehi Ohomorihi nị. Ọ̀ọ maanị aa sị ịrẹta ọdịrẹma tụra a kẹnẹ, dị avaba aza aa kà booro-booro ka irehi ọnọọ o zoza.

Ịdanịyẹrị 2:45

Ohinọyị ọnọọ ọ vị ịrẹta ọnị ẹ̀ yị vị ọza o ne ana a sị va chaka ịsa ene vene ọza ana sị enyusẹ irenyi-irenyi mẹ aanị nị. Dị Ịdanịyẹrị ka ohinọyị ọ̀ taarụ! Ohomorihi ana nyị ụbanyị ọ ra sị zụ ọ ịsa ana va mẹ ụhwọọ. Ọ kà, ụra ọnọnị ọnịrị iruvo anị ọnị ọnị kà zụ ọ aanị vị ịzẹyịza o.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

1 Anịkọrịntị 3:11

Ohomorihi ọ raà sị Ijeesu Ikirisiti ka ọnịnya chọchọchọ ọ̀ vị ịsị ọ sị ká irehi ẹtẹ nị. Ẹ yị nyị ịsa ọsa ọnị ọza kụkụ zụ sị ká irehi ọnọọ ẹtẹ.