1Ipita 2:2 - IWE ỌNỊNỊ

² Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,

1Ipita 2:2 Referans Kwoze

Anẹhwẹsọsị 4:15

Ama à navọ yee sì ịrẹyị ẹngụ, dị yaa kà ịzẹyịzaa yị ẹngụ, agụvị dị yaa vịraa véné Ikirisiti ini oze tụra oze! Ikirisiti vị ana jẹẹ yị ịrẹsụ,

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Ịmaakị 10:15

Ịzẹyịza, m maa kà a wụ nịnị nị, ọza tụra ọza ẹnẹ ẹ̀ yị dọ ịjọva Ohomorihi anka ózi oweyi mẹ̀ẹ̄ dọ, ọ yị zụ ngụ ịzọọ.”

1 Anịkọrịntị 14:20

Ẹwụ nịnị ẹyịnyara amị, asị u rè ro ịrẹyị anka ezweyi nịnị! Re ka wee ro ịrẹyị anka ọza ana sị vịra! Wâ yẹ ka ezweyi ẹ mā mẹ̀ ịsa odivi; ẹwụ nịnị ọ̀ rẹ vavọọ yà anka ezweyi!

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

Imatiwu 18:3

dị ọ ka, “Ịzẹyịza m maa kà a wụ nịnị, ẹ̀ yị vị ụ vara ebira awụ nịnị dị ụ wa yà anka ozweyi avọọ, wẹ yị vaa ngụ ịzị Ada ayị ẹbẹẹba yà aa mẹ ịjọva nịnị vụrụ-vụrụ.

Anẹhwẹsọsị 2:21

Ọnị ọ za avaba irehi ọnọọ jẹẹ nị; Ananyị yị ọ rẹ mẹ ka ọ̀ọ hụ, dị ọ̀ vara irehi Ohomorihi ana vị ọnịnị nị.

Aniroomi 6:4

A mẹ mẹ̀ ọyịhwọzenyi yị, vị ọ yà anka ẹyịrị Ikirisiti o dudu wusu, dị e ne ẹyịrị ọ nị. Agụvị avọọ anka ụ́kata Ada ayị ana nyị ụbanyị mẹ̀ ha Ikirisiti hụụnị isu, avọọ ẹ́yị mẹ̀ rẹ vaa nyị ụhwẹ dị ị kụkụ yàra, dị yaa mẹ ẹhẹ ọwọọwa nị.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

1Ipita 1:23

Ohomorihi ọ sị wụ nịnị tenyi ma ini oze ịrẹyị anị ana yára, dị ọ rẹ jẹẹ pooro. Ẹ́ yị vị ọza ana ahịka oō sú, o tenyi wụ nịnị ma, ama Ohomorihi ana yára zịna-zịna pooro yọ nị.

2 Ịsamụwẹrị 23:5

Ịnị eyi Ohomorihi, avọọ irehi amị mẹ̀ yà. Ịsị ọ ka ọnị vaa mẹẹ mị ọnị ọ mā vara pooro zịna. Avaba

Ihoseya 14:7

Ẹnẹyịmavara kà ọnị re ve sere ẹnịnị. Ẹ vaa kụ akụ tụ ịnị aarẹ, dị ọ mẹ anka ụbazị ịvayịnị avọọ. Ẹ vaa ngụrẹyị anka eche Anirebanoni avọọ.

Ihoseya 14:5

Ọnị vaa ya yị Anisirẹrị nịnị anka orihi ini ẹtẹ ọyịwụ avọọ nị. Ẹnịnị vaa ha anka ododo, di e hi ẹpa anka ọchị ini iruku Ịrẹbanọnị avọọ nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 19:14

Ama dị Ijeesu kà a yị wa ka, “Navọ ezi eweyi nịnị ẹ̀ vẹ ịda amị, asị ụ dọ wa oro, agụvị ka ẹngụ ẹnịnị ẹ nyị ịzị Ada ayị ẹbẹẹba yà aa mẹ ịjọva nị.”

Iruuku 18:17

Ịzẹyịza, m maa kà a wụ nịnị nị, ọza tụra ọza ẹnẹ ẹ̀ yị dọ ịjọva Ohomorihi, anka ózi oweyi mẹ̀ẹ̄ dọ, ọ yị zụ ngụ ịzọọ.”