1Ipita 1:10 - IWE ỌNỊNỊ

¹⁰ Ịnị ụmẹ ịyẹẹyẹ, ọnịsẹ nịnị ệ kà ịrẹyị ini oze ayamva oni Ohomorihi vaa vayị awụ nịnị. Ê sì iruvo hwịnị-hwịnị ka ẹnị ẹ̀ yẹ, Ohomorihi mẹmẹ vaa dọ wụ nịnịị há.

1Ipita 1:10 Referans Kwoze

Imatiwu 13:17

Ịzẹyịza mị kà wụ nịnị nị, ọnịsẹ ọrụrụ-ọrụrụ nịnị ọnịrị ọnịrẹyịzẹyịza nịnị ê sì ka eni è re ịsị u wee re nịnị aanị, ama eyi re e. E re sì ka ẹnị ẹ̀ wụ́ ịrẹyị ọnị ụ waa wụ́ nịnị aanị, ama ẹ yị wụ́ ọọ.”

Iruuku 10:24

Dị ma kà a wụ nịnị ka ọnịsẹ ọrụrụ-ọrụrụ ọnịrị ohinọyị nịnị ê sì ka eni è re ịsị u wee re nịnị aanị; ama eyi re e. E re sì ka ẹnị ẹ̀ wụ́ ịrẹyị ọnị ụ waa wụ́ nịnị aanị; ama ẹ yị wụ́ ọọ.”

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Ịjọọnụ 5:39

Waa kà Iwe Ohomorihi nịnị ẹtẹẹtẹrẹ, agụvị ka wâ dọ nịnị ka ịnị anị, ụ nyẹngụ re ịsị ẹ zụ sị wụ nịnị yàra pooro zịna-zịna nị. Iwe Ohomorihi ọnọọ gẹdẹ-gẹdẹ vị ana aa kà ịrẹyị amị.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Anihiburu 11:13

Avaba aza ẹnị ị kà aanị, vị ana sị ayị tụra Ohomorihi pooro di e vee sú. Ẹnịnị ẹ yị dọ ịsa oni Ohomorihi hị́ eku anị; ama ẹ́ jẹẹ ẹnẹẹnẹ re ịsa ẹnẹẹ, dị ẹ sị ịrajẹ zí ọ eyi nị. Ẹnị ụvọta ẹ́ dọ ka ọzọga ẹnị vị tụ́ ịnị ẹhẹ nị.

Odeyi 10:43

Avaba ọnịsẹ ệ kà ịrẹyị anị ka ọza tụra ọza ana àa sị ayị tụra a, ọ vaa vagu wa ịnị ịvị ẹnịnị ịnị ụkata ịrẹha anị.”

Ịzakaraya 6:12

Dị ọ kà yọ ka Ẹnẹyịmavara Ochẹtẹẹngụ ka: ọnọrụ ana aa hị́ avọ avọọ vaa yara ịzị ọ ya. Ọnị ọ vaa da irehi Ẹnẹyịmavara nị.

Ịjọọnụ 7:52

Dị ẹnịnị ka, “Anigariri ẹwụ wáá rẹ vị nị? Na zama Iwe Ohomorihi re, di u we re ka ẹ̀ yị nyị ọnịsẹ ikonya ana chị hụrẹ Igariri vẹ da.”

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Ụhịrẹyị 2:4

Waa dụ ka wa nyị ịrẹyọyẹ anka u mee si ẹkẹhị a vị ogu avọọ.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

1Ipita 1:11

Ụhwẹ Ọnịnị Ikirisiti ana yà ịnị ayị ẹnịnị aa kà a yị wa, Ikirisiti mẹmẹ vaa rị ụya dị à va sị igirimaa yọ. Eyee sì ka ẹnị ẹ̀ yẹ ụmẹ ọnị ịsa ẹnẹnị vaa sị mẹ ọnịrị ọ mẹmẹ vaa yà.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

Ịhagayị 2:7

Ọ kà ọnị vee ziizi avaba ẹkụra, dị ọnị kụ́ ogu ẹnịnị ve hi ini irehi anị, di ịzọọ hí yị ogu ẹnẹẹ.

Anihiburu 11:40

Ohomorihi ọnị ọ raà mẹ eto ịsa ene zoza hu avọọ tịtẹ yị ẹyị, ọnị ọ vị ka ẹyịrị wa oni dudu vaa mẹ ka ya gụ nị.

Ịdanịyẹrị 9:3

Ọ kà ịjị ọnị maanị re e kẹnẹ, dị ọnị ệ ro ịrẹyị Ohomorihi Ananyị yị nị. Di oni nyima â mẹ̀ aduwa, dị ọnị â dá ịpẹẹ yọ nị. Ọ kà ọnị ệ yị rị ịsa, dị a hịka ịta kawụ-kawụ ọnya aanị kẹnẹ ọnị sị vụ, dị ọnị kụ atịtọ ku ịrẹsụ nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

1Ipita 1:13

Agụvị avọọ, tenyi ayị awụ nịnị, dị ụ wa ẹ sị ụvọ za ẹngụ awụ nịnị! Sị avaba ayị awụ tụ́ ịnị ẹyịza oni Ohomorihi vaa sị yị wụ nịnị, ịhị Ijeesu Ikirisiti ọ̀ọ sị ẹngụ zụ̀.