रोमी 9:3 - डोटेली नयाँ करार

³ मेरा यहुदि भाइन रे बइनिन जो मेरा जातिका हुन, तिननकी निउति मइले आफइलाइ परमेश्वर बठेइ दोस लाइनु रे ख्रीष्ट बठेइ अलग हुनाइ लगइ तयार भया।

रोमी 9:3 Referans Kwoze

रोमी 11:14

यइ आसामि कि मेरा आफनाइ यहुदि मान्सनलाइ डाहि बनाउन सकु, ताकि तिननमि हइ कसइलाइ बचाउन सकु।

गलाती 3:10

पबित्र सास्त्रमि इसो लेखिरइछ “जइले हरेक समय मोशाका कानुनमी लेखिया सब नियम पालन अद्दइन, परमेश्वरको श्राप तइमि पणन्छ।” तबइकिलाइ कानुन पालन अरिबर परमेश्वरका अगाडी धर्मि हुन खोज्या सब मान्सनमि श्राप आया छ। क्याकि कसइले लगइ हरेक समय तिन कानुन पालन अद्द सक्दइन।

१ कोरिन्थी 16:22

कसइले प्रभुलाइ प्रेम अद्दइन भण्या त्यो श्रापित होउ। हे हामरा प्रभु, आस!

गलाती 3:13

तर ख्रीष्टले हामलाइ कानुनले दिन्या श्राप बठेइ छुटकारा दियो। जब ख्रीष्ट क्रुसमि मर्या, तब उनले हामरो पापको श्राप आफइमी लियो। क्याकि पबित्र सास्त्रमि लेखिया छ, “क्रुसमि मद्द्या हरेक श्रापित हुन्छ।”

गलाती 1:8

हाममि हइ कसइले अथवा स्वर्गदुतइले लगइ हामले प्रचार अर्याको सुसमाचारको भण्ना अर्खो शिक्षा सिकाउनाहान, जइलाइ तिननले सुसमाचारको भणि दाबि अददाहान भण्या तइ मान्सलाइ परमेश्वरले सदाइकि निउति श्राप दिउन।

१ कोरिन्थी 12:3

तबइकिलाइ तमनले यो कुरणी बुज्या म चाहानौ, कि परमेश्वरका आत्मा बठेइ बोल्या कसइले “येशू श्रापित होस” भण्नाइन। रे पबित्र आत्माले मान्तर कसइलाइ “येशूइ प्रभु हुन” भण्न सक्द्या बनाउनाहान।

रोमी 11:1

तबइकिलाइ म सोद्दउ, कि परमेश्वरले आफना मान्सनलाइ त्यागिराइछ ब? होइन बिलकुल होइन! क्याकि म लगइ अब्राहामको सन्तान, बेन्यामीनका कुलको एक इस्राएल देशका मान्स हु।

प्रेरित 13:26

“ए अब्राहामका बंशका सन्तान, रे तमनमि हइ परमेश्वरको डर माण्न्यावाला गैर-यहुदि भाइन हो, परमेश्वरले हामरा वाँ यो मुक्तिको सन्देश पठाया छ।

प्रेरित 22:5

यहुदि प्रधान पुजारि रे सभामी भया जम्माइ यहुदि मान्सनका अगुवा लगइ मेरा पक्षमि गवाही दिन सक्दाहान। उननले मलाइ दमस्कस सहरमि भया यहुदि भाइनको नाउँमि चिठ्ठी दियो, रे तइ चिठ्ठीमि मलाइ प्रभु येशूमि बिश्वास अद्द्या मान्सनलाइ पकड्या अधिकार मिल्याथ्यो, तबइकिलाइ तिननलाइ बादिबर यरुशलेम सहरमि सजाय दिन्या उद्देश्यले दमस्कस गाउँमी जान्नाथ्या।”

प्रेरित 28:21

तिननले पावललाइ भण्यो, “हामले त तमरा बारेमि यहुदिया प्रदेशका मान्सन बठेइ केइ चिठ्ठी पाया आथिन। कोइ बिश्वासि भाइनले आइबर तमरा बिरोधमी केइ ननिकि कुरणी सुण्या अथवा बोल्या आथिन।

रोमी 1:3

यो सुसमाचार परमेश्वरका चेलो हामरा प्रभु येशू ख्रीष्टका बारेमि हो। उन राजा दाउदका बंशमि मान्स भइबर जन्मिया।

रोमी 9:2

म मेरा मान्सनकिलाइ भौत दु:खी छु, रे मेरा हृदयमि तिननकिलाइ सदाइ पिडा महसुस अद्दउ।

रोमी 16:7

एन्ड्रोनिकस भाइ रे युनियस बइनि, मेरा संगि यहुदि मान्सन रे पइल्लिका मेरा संगि कैदीलाइ, अबिबादन दिय। तिनन येशू ख्रीष्टका छान्या शिष्या बठेइ भौत सम्मानित छन, रे तिननले म भण्ना अगाडी ख्रीष्टमी बिश्वास अरिसक्याथ्यो।

रोमी 16:11

मेरा संगि यहुदि मान्स हेरोदियन भाइलाइ अबिबादन दिय। प्रभुमि बिश्वास अद्द्या भाइ नर्किससका परिबारलाइ अबिबादन दिय।

रोमी 16:21

तिमोथी मेरो सहकर्मी, रे मेरा संगि यहुदि भाइन लुकियस, यासोन रे सोसिपात्रोसले तमनलाइ अबिबादन पठाइराइछ।

२ कोरिन्थी 12:15

म आफइलाइ रे मसित भया सबै कुरणी लगइ दिनाइ म खुशी हुन्या हु, ताकि म तमनलाइ परमेश्वरको अनुकरण अददाइलाइ सहयोग अद्द सकु। म तमनलाइ भौत प्रेम अद्दउ, तर इसो लाग्नछ तमन मलाइ थोकाइ प्रेम अरन्छौ!

गलाती 1:9

हामले अगाडी बठेइ भणेइ जसेइ म आजी अइल लगइ भण्नउ, तमनले जो सुसमाचार ग्रहण अर्या छौ, यदि और कसइले अर्खो शिक्षा सिकाउनाहान, जइलाइ तिननले सुसमाचार भणि प्रचार अददाहान भण्या तइ मान्सलाइ परमेश्वरले सदाइकि निउति श्राप दिउन।

एफिसी 6:5

नौकर हो, डराइबर सम्मानसित तमनले ख्रीष्टलाइ अर्या जसेइ यइ संसारका तमनका मालिकको आज्ञापालन अर।